駕崩

九龍皇帝離開人世，突然覺得自己熟悉嘅嘢，一樣一樣咁離開自己。

無腦嘅教授

城大何炘基狠批政府 空談教育樞紐成笑柄
斥吝嗇土地 眼光局限香港 2007年7月23日

「香港有多少間全球前列500位的研究型大學？我們只有百分之二點幾，內地有6.5％，美國有34％。」

我唔知百分之二點幾點嚟，但香港有八間大學，理謂上，只要有一間响前 500 位，就已經有 12.5%. 所謂嘅百份之二點幾，即係一間都無。

現時本港8所受資助院校的一年級生學額有1.45萬個，院校最多可動用10％即1450個學額取錄非本地生。何炘基指出，內地有數以百萬計學生有進修需要，「香港的眼光就是如此」。他以母校威斯康辛大學為例，指該校每年取錄約1萬名學生，而全港8間大學每年一年級學額的總和也只是1萬多，他認為本港大學應為內地生開辦更多碩士課程。

即係以呢位教授嘅意思，就係豪晒全港嘅學額俾非本地生。大哥，美國大學嘅非本地生，係要付全費，唔係由納稅人資助。唔駛納稅人俾錢嘅話，我話知你收幾多學生，咁有大志，咪學樹仁咁，一個仙都唔好要納稅人嘅，自己發展你嘅教育理念囉!

賺錢論

有說，賺返嚟嘅錢無洗到，就唔係你嘅錢。所以，賺錢嘅意義就係洗，問題係幾時洗。

有人餐搵餐食餐餐清，有人冤枉嚟瘟疫去，有人帶埋 D 錢落棺材。香港人，好多洗錢嘅諺語。

為金錢工作，並唔係出路，即係要識錢搵錢，要金錢為你工作，達到所謂嘅財務自由。當中嘅法則，其中一個就係用時間，所以後生仔無負擔時應該儲錢，而唔係洗錢。因為結咗婚、生埋仔、有中年危機嘅時候，跟本唔會有機會儲錢，賺錢能力亦會停留甚至倒退。結婚、供書教學、日常病痛等等，都要洗大錢，仲要擔心幾時俾人炒，炒咗之後要幾耐先搵到工作。返轉頭，後生賺夠錢 (即係個本 + 之後嘅息可以足夠退休用)，可以有兩條路，一係賺錢玩，二係賺錢提前退休時間、或者完成個人不同目標。

另一個法則係選擇投資資產，資產係為你帶嚟收入嘅嘢，良好嘅股票、基金等，詳情請在 google 搜尋 value investment. 當然，不斷買出買入亦不見得會帶來長久嘅盈利，良好嘅資產係買入之後可以長 keep, 好似供保險咁到退休先拎返為佳 (結婚洗費請另外儲錢，每月儲少 D 入退休資產都唔好拎錢出嚟)。健康亦係其中嘅資產，個身體 keep 得好 D, 到老嗰陣醫藥費亦會少 D. 日常運動、做 gym 甚至搵教練係唔少得，何況，簡單如早睡早起亦不見得要洗錢。

Andre Kostolany 响「一個投機者的告白」提到:

百萬富翁是指不依賴任何人，以自己的資本，就能滿足自我需求的人。百萬富翁不用工作，既不用在上司面前，也無須對客戶卑躬屈膝。這樣生活的人是真正的百萬富翁。

希望朋友們都可以達到自由財務，成為百萬富翁。

八折黨

所謂嘅電召的士分明就係八折的，即係犯法。香港嘅執法部門做緊乜? 點解當初機場要向呢班惡勢力低頭?

新人

新人加入咗一個星期，暫時感覺良好，希望可以將佢訓練成材，取代我嘅位置。

澳洲

走馬看花@開恩茲
Day 1: 到埗 + 休息
Day 2: Skydive + Bungy Jump
Day 3: Hot air balloon + Skyrail
Day 4: 潛水
Day 5: 觀光
Day 6: 回程

潛水@開恩茲
Day 1 - 到埗 + 休息
Day 2 - 4: 潛水
Day 5: 觀光
Day 6: 回程

滑雪@墨爾本
Day 1 - 到埗 + 休息
Day 2 - 4: 滑雪
Day 5: 回程

P.S.: 走馬看花團睇嚟要自己去，好似無乜人對停留响高空嘅活動有興趣。

去輸錢請到樓下

去書展本來有兩個目的，一係搵書，二係拎個 Porter 袋。書搵到，但袋欠奉，要下個禮拜二再攞。

行完，好攰，皆因之前俾健身教練狂操大腿，跟住又要應酬個姪女，等，行，再等，今日坐嘅時間都係起身後做 gym 前、gym 後一兩個鐘、坐巴士、食晚飯同返屋企之後。

零力量嘅大腿，真係好唔掂，聽教練講，我跑步係用緊小腿同背嚟支撐成個人嘅重量，攪到小腿嘅肌肉好緊，膝頭同背部長期受力，再唔做 D 嘢，第時老咗一定會有問題。

今日買咗本卓小姐嘅散文集《孔子的敵人》，亦都幫教練買咗翁靜晶嘅《危險人物 III》。

加加埋埋，仲有之前買咗嗰三本書，希望有時間睇。

影視處又一無腦傑作

呢幅畫點睇都似十八世紀嘅作品，點會變成不雅㗎... 點睇都係一個字:「美」

唔通，真係露一點半點，就係不雅?

名畫當不雅影視處鬧笑話
神話書封面用裸露作品 一度勸書商停賣 2007年7月19日

【明報專訊】原定在昨日書展上出售的一本著作《愛情神話》，昨日幾成「大衛像翻版」。影視處前日派員巡查書展後，指該書封面採用的名畫《賽姬接受丘比特的初吻》(Psyche receiving the first kiss of Cupid)當中，男女人物赤裸，構成不雅成分，勸喻書商停售該書。書商稱，在前兩年的書展仍可出售，書中只探討希臘神話文化，封面更是世界著名畫作，對於當局的保守決定感到「十分可悲」；縱使其後影視處態度軟化，收回勸喻，書商卻表示「已無意思」，不會再賣該書。

天公造美

今日要落灣仔見客，前幾日曬到死，今日，陰天。雖然都係出汗，但係，涼好多。

做 Gym

今日去 gym 俾個教練做 assessment. 唔做尤自可，一做完係一個驚字。下年想跑馬拉松，點知做完個 assessment, 發現下半身肌肉不足，做少少動作，就真係腳軟，尤其我呢 D 外八字腳，長期唔理，第時會出事。

結果，梗係俾咗一大舊錢補救... 健康無價，何況如果可以將廿八年嚟嘅八字腳糾正，絕對超值。亦只有俾咗錢，先有決心去糾正。橫豎上頭要求嘅 professional look and feel 只係差呢一步，今次順個便。

P.S.: 呢個教練 sell 得幾好，唔似以前嗰 D, 剩係叫你諗教練有乜好處，呢個會 show 埋俾你睇你嘅肌肉有幾咁不足。

再見 Palm m505

睇中咗部 HTC Touch 但一直無機會買，今日就專登落灣仔買咗。部 Palm m505 都跟咗我五年半有多，都係時候退役。

HTC Touch 係厚少少


但係 size 真係好細，好吸引


放落部 palm 個舊 case, 差別好明顯


呢份，就當係送俾自己嘅生日禮物。依家，只係要習慣 Windows Mobile 嘅用法，暫時覺得好似無 palm 咁就手。

強國

今日响明報睇到呢個標題:

5國促放寬食物標籤
減列核心營養 否則大削輸港貨

以為睇錯，再睇內容:

李華明表示，近日5國駐港領事館人員包括美國、澳洲、日本、意大利及法國，組成聯合陣線，游說民主黨降低標籤要求。他又引述澳洲駐港領事館人員的說法，指一旦本港落實以上建議，會令7成澳洲包裝食品不會再輸入香港。

唔想做生意咪唔好輪入囉，俾錢你賺都咁惡? 懶巴閉! Those are junk food, anyway!

Regression

如果個股市星期一再升，咁星期二都應該幾大機會有調整。

筆戰

寫一篇文都要成個半鐘，真係麻煩...

廿八年

今日生日，收到幾個保險經紀嘅賀電，算係平淡嘅一日。放工之後，同事們開咗個小聚餐，舊同事亦上嚟一齊打機。大家一齊開開心心咁過一晚，係一件好事。

正常生活

呢幾日，將瞓覺時間推前一個鐘，做 gym 亦用嚟跑步多，結果係個人精神咗，亦開始瘦咗，即係健康咗。呢個係我兩年前嘅生活，終於返返嚟喇! 無憂嘅日子，可以維持幾耐呢?

Newsgroup vs. Web Forum

唔知點解，有人以為換過另一個 protocol 就可以解決問題。Newsgroup 嘅衰落，同管理方法無關，只係 web application 太方便，令到少咗人知 newsgroup 呢樣嘢。Web forum, 並唔係解決文章質素嘅問題關鍵。

專業服務

唔好以為砌機就只係照單執藥。今日去幫公司砌部機，個 sales 就真係倒背如流，邊粒 cpu 有幾快要幾錢同配邊塊底板全部噏得出。仲要 hardware 嘅價錢同數量都係比 software 快，學完 programming，都仲話可以用得上一年半載，但係 hardware 價錢，話變就變，都咪話唔難記。

子豪? 東昇!

當睇新聞時見到兩個男性主播同記者咁稱呼對方嘅時候，你會有乜反應?

佢哋好熟?
我相信現代人大都會有個英文名，只係識於微時嘅朋友先會以中文名稱謂，尤期中小學時期嘅朋友，上到大學都係叫英文名多。但佢哋年資差唔少，呢個機會好微。

佢哋扮熟?
為咗帶俾觀眾親切嘅感覺，特登咁叫對方。方東昇為 Initiator, 林子豪回應返以示專重，到交返俾新聞部嗰陣，林子豪係叫返方東昇全名嘅。

HTC Touch

部 PDA Phone 薄過我部 Palm m505, 真係好吸引。

微軟入侵

攪 certified partner 都攪咗成幾個月，星期四終於實質上有回報，除咗 banner, 仲有一個 certified partner 嘅亞加力膠座, 同埋幾疊嘅 software.

D software 真係多到用都離譜，幾萬蚊做 partner 但 D software 就真係價值不菲。剩係 Vista 同 Office 2007 加埋出面都要差唔多五千蚊一套，但係 certified 咗之後，就有 25 個 license 俾我哋玩，仲未計 D server license 同 MSDN subscription 喎! 對於中小企，做 partner 係一個唔錯嘅投資。

不過，今次真係攪到我，事關小弟負責响公司管理 software license, 家陣多咗一倍嘅 software, 一倍嘅碟，一倍嘅隱憂。

P.S. 有無人解釋到點解 Microsoft 個 o 字會崩咗?

你值幾錢?

有說，人工同責任係成正比，我上司亦都 train-up 緊一班開國原老，包括我。從此之後，見到好多錢嘅嘢。當所有嘢都 materialize 咗做錢，個人就自然好無情。好彩，佢家陣都係對客無情啫，對班手足都仲好好。

講返人工，究竟人家出一萬請你，你又可唔可以幫人搵返一萬多少少去 cover 你嘅 cost? 即係除咗人工，仲有 MPF, 燈油火爉、training, 鑊、保險、假期等等。

今年公司攪高增值項目，我嘅角色都要高增值，即係開始少去落手做嘢，多去同客攪關係。原本做開嘅，就當然等價交換俾下面做，即係要放手自己比較 comfortable 嘅嘢，去學習做新嘅工作。呢一關都爭扎咗好耐，就好似買大細咁，始終唔知下面做得夠唔夠好。但上個星期五，對手終於放開咗，思想經適當調整後，可以再向下一個目標進發: build up my own team!

忍者

同樣係忍者卡通，忍者亂太郎好攪笑輕鬆，火影忍者正經熱血好多~

談匯豐 IT

匯豐將好幾年前响印度起咗個 IT team. 跟據可靠消息透露，佢哋 internal study 過大慨可以節省 10% 嘅 IT 支出 (要匯豐咁大，先做到 10%, 相信係最 optimal)。但劇情又峰迴路轉，今年佢哋又打算搬返嚟香港。即係，有 D 嘢將呢 10% 嘅 benifit overcome 咗，估計係行政開支上升咗者係效率下降。Outsource 俾印度人做嘢，始終有問題。不過我相信如果 outsource 去大陸都唔見得好得去邊，唔知下一步嘅動作又會係點呢?

另外睇 newgroup, 見到呢篇文:

今日佢話張公司的電郵儲存時間由三個月減到一個月，咁做係為左d慳d硬碟錢。
大佬衣家d硬碟有幾貴呀，咁既錢都要慳。
電郵儲得一個月，個project都未做完就比人洗左d電郵，搵野好麻煩姐。
我估佢d生意都吾方好，你幾時見d賺大錢的公司慳埋晒d婆仔數?

網友回覆亦一矢中的:

好多project都唔止做三個月
其實個個都將d電郵archive落自己電腦架啦
server儲1個月同3個月都無乜分別
個重點都係cut IT cost.......

無論 outsource IT 又好，儲少 D email 都好，目的都係想慳洗响 IT 度嘅錢，亦反映响內部嘅 finance 角度嚟講，IT 唔係一個 investment, 而係一個 expense. 不過儲少 D email 所慳嘅錢好有限，雖有網友說:

其實係慳左好多錢的.
每1M data 要很 raid. raid 5, 6, etc. 再有 n 個 clusters 既 copy. 仲有 n
day/month/year 既 backup.
server control既 cost, backup 既時間, data transfer/verify 既時間, 要人手去
處理既時間.... 加加埋埋....
n 個員工, 一個月既 mail 可大可少. 所以少3份2. 條數唔少的.

但係成個 hardware infrastructure 已經响度，做 backup 就應該一早 schedule 好晒，要洗嘅係買 hard disk/backup tape 嘅錢，慳 3 份 2 又如何? 對成間匯豐嘅開支，只係九牛一毛...

白鴿洞法則

以前讀大學嘅陣，學咗 pigeon hole principle. 基本上係話，如果將十一隻白鴿放晒入十個白鴿洞，咁其中一個洞就會有兩隻白鴿。都幾無聊㗎。但係現實生活，亦都有用喎! 如果問你一個扭計骰，可唔可以做到一面無重複嘅顏色，就可以直接 apply 呢個 principle. 唔知點解? 去「玩具反斗城」睇吓一個扭計骰係點樣，你就會明。

P.S. 正牌扭計骰廿五週年，去反斗城買有九折。

In-house vs. Software house vs. Consultant/SI

資產與負債嘅餘波，想講講 in-house, software house 同 consultant/SI 嘅前途，純個人感覺。

In-house:
前途完全可以預知，就好似入 HSBC 咁，俾咗部 AS/400 你，咁你以後都屬於 AS/400 (呢句有少少玄機). 公司無咗你又唔得，但升得又唔會太高。就好似以前有個同學去考入境處，個官已經講到俾你聽最高可以升去邊級，人工又去到幾多咁，係就係穩定，但俾我會悶囉!

Software house/ISV:
以 software consultation/development 做 core business. 人工一定無 in-house 咁高，但睇到嘅嘢會比其他類別廣又乜都做，自由度亦好大。In-house 都會 evaluate 其他 technologies, 但一定唔係細嘅做。況且，sell 客，比 sell 對上嘅 managers 簡單好多。個客自己搵得你就信你，佢自己亦話到事，但 managers 會有政治因素考慮。

Consultant/SI:
呢類工最弔詭，係一 D 叻人走入去，但公司賣出去做 on-site service, 寄人籬下，份 contract bind 住個 project, 無前途可言，有人可以解答到嗎?

戇居事

當一個 project involve 多過兩個 parties, 好自然就係要 send 好多 email. 但其實封 email 嘅 target audience 並唔係 to 嘅人，而係 cc 嘅人，以示對對方嘅尊重，亦都 keep everyone one the same page. 有時都幾戇居，不過，我相信，server-side data push 點都好過做 client-side polling 嘅。

資產與負債 3

續談資產與負債，請參閱:

• 資產與負債
  
• in-house programmer vs software house
  
• 資產與負債 2
  
• 回應：資產與負債 2

建立費，即係 development cost, 營運費，即係 support and maintenance cost, 亦即係 project 寫起咗，但 project owner 唔响 IT department 入面.

既然資訊科技已經融入咗日常生活，即係 support and maintenance 就一定要做。但 development 就真係睇經濟環境。

development 大不了可以好似政府 project 咁 outsource 俾 vendor 入嚟做，而事實上亦有咁做，既然叫 IT department 做同出面請 vendor 做嘅 man-day 差不多價，除非有 policy 管制，否則邊度做都唔係大問題。

support and maintenance 嘛，底增值工作，前途麻麻，無幾多人可以做呢類工種上位，不談也擺。

咭片大智慧

返到公司，睇完 Discuss 嘅咭片，嘩! 個 title 係「董事」... 多口同上頭傾幾句，原來咭片嘅 title 都有學問。

如果係 owner, 通常都唔會俾人知，會係無 title, 甚至會印某某 manager, 為自己製造咗個 buffer, 變成一個「上頭唔 approve」嘅議價空間。

去 run 一個 business, 真係一 D 都唔易... 一個簡單嘅 observation 原來裏面都有橋妙。

半秒鐘嘅錯誤

就係因為呢半秒，俾 user 用到 D 唔應該用到嘅 feature. 只可以講一句，shit!

Pure Competition Living in a Monopoly

讀過 micro-economics 嘅人都知最接近 pure competition model 嘅市場係股票市場，但諷刺嘅係，香港貴為全求最經濟自由首位，當中嘅股票交易全部都係响一個 monopoly 入面發生，亦即係港交所。响網上搵到嘅滄海遺珠: 港交所壟斷　香港百病之源。

寫 Blog 嘅奧義

Blog, Weblog 也，放响網上俾人隨時寫隨時睇嘅記錄. 唔想俾人睇，就唔好話俾人知，甚至變成 private blog. lock 住要人 request 跟睇俾你 authorize 再 login 先睇到，唔... 無嘅，麻煩囉... 即係唔介意人哋睇但又想知邊個睇過。其實知同唔知，又有乜分別，就好似 BT 緊嗰陣 upload 剩 99.9% 之後閃咗人嘅 seeder 咁。

Internet 係無私、無名、無邊際嘅國度，blog 始終係 blog, 唔可以同 social networking/online community 嘅模式混為一談。

退步

人老喇，反應無以前咁好。以前玩 Tetrinet, 都可以羸到幾舖，今時今日玩 cookies mode 已經玩唔掂，pure mode 都係陪玩多... 唔通真係要轉行玩扭計骰?

PR 大災難

做入境處嘅，唔該學好 D 普通話，唔係點同出入境嘅同胞溝通...

Marketing 嘅威力

當年嘅四大天王都話各有特色，有張氏嘅歌、郭氏嘅舞、黎氏嘅俊、劉氏嘅藝。今日，李氏以靚聲唱，陳氏就用感情唱 (唱歌唱到青筋都出埋，都真係落足感情)，兩位嘅實力亦不容置疑。

古氏嘛，靠好彩? 唱腔就唔係太 OK (略嫌雞咗 D), 但佢唱嘅歌，裏面曲同詞本身就一流，同埋又有金牌經理人做marketing, 好彩都係實力嘅一種，紅都唔係無原因。

側氏仲犀利，出道唔夠一年就响紅館開 show, marketing 最偉大嘅動作，一味靠谷。但跟住之後到依家，作品依然欠奉，唔通真係等年尾衝刺? 定金牌經埋人無閒照顧?

谷出嚟嘅 marketing, 最後都會被遺忘。今年回歸 show, 要靠十幾年前嘅四大天王撐場，十年後，係咪仲要搵返佢哋呢?

P.S. 點解金牌經理人力谷嘅歌手都係玩假音?

香港人 vs. 自由行

香港人成日話自由行無禮貌，嫌人踎街、吐痰等行為，但其實自己亦都唔好得去邊。嘈同閃光燈不嬲都係觀賞動物嘅大忌，唔知香港人自己又幾時先會同識呢 D 嘢?

2萬人音波功看牠吃拉睡

【明報專訊】望穿秋水，市民昨日終於等到近距離看盈盈、樂樂這兩隻小國寶的機會了！首次與市民見面的兩隻熊貓初時顯得有點怕羞，但下午已在眾目睽睽下「大打出手」，玩足一小時，令一眾遊人樂不可支。雖然公園不斷呼籲遊人降低聲量及勿用閃光燈拍照，但未知大家是否太興奮，仍有不少人違規。

下一站 600

原來之前計漏咗成 100，距離 600 嘅日子指日可待。

Google 嘅翻譯:
Before the original leak Zo Total 100%, from 600 days just around the corner expense.

注:
嘅 = expense

生活態度

所謂等價交換，就係上天好公平咁唔會所有好嘢都俾晒你。

有人無時間
有人無錢
有人無成就
有人無伴
有人無親人
有人無朋友
有人無權力
有人無壓力
有人無才學
有人無智慧
有人無欲望
有人無安全感
有人無膽色
有人無主見
有人無承擔
有人無外表
有人無台型
有人無口才

當中有好有壞，你，又會選擇無乜?

有人鐘意日日做死版嘅工作，準時返工放工同出糧咁過一世，呢 D 人基本上無壓，最大壓力係搵一份咁嘅工，係識歎、識享受嘅人，我師弟係其中一個人。
有人鐘意不斷响事業尋求凸破，成就一番大業，呢 D 最普遍係成功人仕，屬 middle management至老闆嘅人，我上司就係咁嘅人。
有人好有主見，但係又唔肯去做決定，唔肯去孭起一件事，呢 D 通常都係失敗者居多，即係成日話份人工奀但又轉唔到其他工嗰隻，例子嘛... 太多...
而大部份人，應該都係無乜主見，肯去承擔責任嗰 D，會俾人話傻仔，唔會去孭任何嘢嘅，多數都係卸膞上位。

我嘛，無第一種人咁 hea, 但又無第二種人嘅危機感，有時响朋友面前可能會係傻仔。工作上俾人 train up 緊個台型，自己亦都領略緊 D 危機感。所以，暫時做住 worker bee 嘅角色，離成功人仕嘅路，仲有一大段路要行。目的，就只係到時搵夠錢，咪可以享受人生囉~ 容許嘅話，希望可以同朋友、親人分享! 至於點 define 成功，錢只係其一，他朝有日可以成名見報，就係我成功嘅一個里程碑。

納稅人嘅錢

歡迎國家主席 OK, 但係班政商界名人點解要用納稅人嘅錢請?

煙韌嘅情侶

旁若無人，你有你嘅竹葉，我有我嘅忙碌。

夏、雨

夏天，係落雨嘅季節。閒來一個狂風雷暴，雖然讓人有一個措手不及，之後嘅涼快係舒服嘅~
比起一個大太陽，對於怕熱嘅我，都係鐘意落雨多 D.

永遠懷念家駒

唔經唔覺，十四年喇! 點都好，多謝你嘅歌!
聽電台跟住唱，先發現你好多歌已經刻响腦海，每一拍都仲跟得幾好。

資產與負債 2

一個要好嘅朋友睇到我之前篇資產與負債後寫咗篇文為 in-house programmer 申寃，雖然我之前篇文重點唔係要講 in-house vs. software house. 但既然有反應，我又當然回應吓，本來想寫個 comment, 但越寫越長，不如就嚟一個交換日記~~

當睇返 cashflow 嘅時候，IT 部門向內流入嘅錢永遠都係內部「調入」，向外流出嘅又大部份係人工開支。到最後，cost center model 就只不過係一大條水喉由非 IT 部門駁咗去 IT 部門嘅人工到，漏出嚟嘅 profit 用嚟支付燈油火蠟等基本開支。

問題一: Profit 唔會大，否則即係 overcharged, 儲備亦都唔會多。
問題二: 當市道差，各大賺錢嘅部門都唔會願意去俾錢 IT 做 development, IT 嘅需求自然下降，相關部門亦係最先出現虧損，但因儲備唔多，除非可以加價，否則亦好快要請人離開。

一個 department 係 asset 定 liability 其實跟本唔重要，對個人而言，所有事情就只有响環境差時先會見到真章，人才就永遠都係 asset, 我唔相信一個有料嘅人會係第一個被人炒嗰個 (HR 或上司發神經、公司改變營運方針而成個 department close 咗另計). Cost center model 令到前線嘅賺錢部門唔會隨便要求 IT 去做 support, 說穿了就係要減省 IT 開支，到最後都係睇 hard cash 做人。

當年做第一份工又夠係所謂嘅 cost center model, 到話要 cut cost 嗰陣咪又係成個 department 無咗... 除此之外，呢個模式基本上 alienate 晒所有 departments, 賺錢賺得強嘅分拆子公司又得，留返响度做靚公司盤數又得，但洗錢嘅隨時一句唔該好似 PCCW 咁 spin-off 咗個 department 做 outsource vendor 咁就死得。

祈待著回應 :)

唔係路

約人都唔識約就唔好約，唔好遷就嗰 D 定好時間地點活動之後又呢又路又唔出主意嘅人，最煩就係呢 D 人!

母語教學

中大教育心理學系主任侯傑泰﹕必須接納的代價 2007年6月29日

【明報專訊】「實施母語教學是為改善其他科目的成績，並非改善英語，英文科成績比以前差，是社會必須接納的代價。」

改善其他科目嘅成績，又試問出嚟做事咁耐，又有幾多個用得著其他科目嘅知識? 莫講話化學、生物、物理，連數學嘅 completing the square 我都唔記得啦! 犧牲言語呢個代價又未免太大... 可以還原返英語教學嗎?!

他期望學校和學生適應母語教學的學習模式後，英語成績可從後趕上，追上母語教學前的水平。

跟本從小學就係用母語，跟本無需要適應呢個問題。亦即係話英文差，會變成香港嘅死症!

Clocky in Action

同事買咗個好 Fancy 嘅玩意，一個響嗰陣曉得週圍行嘅鬧鐘。

生命何價?

前排交保費，睇返張保單，原來我家陣條命值二百萬。

見工

原來一個人有幾大 potential, 真係一開口講幾句就知。唔怪得 first impression 咁重要。

一額汗...

經過火中取粟一役，5 號仔急轉直下，弱得好緊要。睇吓遲 D 又有無機會再玩多舖考吓眼光先。

Development 的意義

土地發展 - Land development
軟件開發 - Software development

一字兩義响翻譯係好普遍嘅情況，但「土地開發」同「軟件發展」又講唔講得通? 發展同開發嘅詞義又有乜唔同?

Onelook 嘅結果:

• act of improving by expanding or enlarging or refining
• the act of making some area of land or water more profitable or productive or useful

邊個係發展，邊個係開發?

馬路報新聞

企响繁忙嘅灣仔軒尼詩道報新聞，無遮無擋，仲要背住行車方向，雖然雙白線同電車路之間理論上係絕對安全，但真係少 D 膽色都唔得!

燒雞可樂

食完隻燒雞，再飲返罐可樂，好肥，但係好滿足~

資產與負債

一樣係 programmer, 一個做 in-house development, 一個做 software house. 做 in-house 嘅係屬於洗錢嘅 department, cashflow 向外流，亦即係 liability. 做 software house 嘅係屬於幫公司賺錢嗰班，cashflow 向內流，亦即係 asset.

同一條問題，究竟保險係 asset 定 liability? 每個月要洗一筆錢，但係有乜東瓜豆腐又會衍生出另一筆錢。

咁健康呢? 差嗰陣會係 liability, 好嗰陣會係 asset?

响唔同時間、地點、情況下睇同一件事，都會有不同嘅結論。就好似，一個「愛國」嘅人，响當今香港政治下會係 asset 定係 liability?

一闊三大

為咗加公務員一個唔合理嘅幅度嘅薪，攪到同工不同酬，攪到又要額外撥款。其實真係難為呢幾年減咗薪嘅，唔夠班咁高咁大嘅同事高薪之餘連班細嘅都只係同自己差一千幾百，呢幾年差唔多係白捱。曾生嘅班子，其實，亦不見得好得去邊，和諧在口中，卻自我制做社會矛盾。呢次，係你哋自己蠢，唔關反對派事喇啩!

新英國首相

原來白高敦唔係姓 White, 而係姓 Brown...

Qoo vs. Pichonkun

邊個抄邊個? 你話呢?

唐伯虎點秋香

周星馳呢一幕燒雞翼，幾時睇都係咁攪笑!

學而優則仕

做教授嘅，總係有 D 書卷味，究竟係教授自己講呢句出嚟，定係記者/編輯咁有文學修養?

學券制

因為一個白癡嘅美國中學教育系統，學券制應運而生:
http://www.youtube.com/watch?v=pfRUMmTs0ZA&feature=PlayList&p=2E40F506409FCE2B&index=6

蝴碟效應 9

Butterfly Effect 總恬嚟講就係因為一個輕微嘅變化，而引致一個重大嘅改變。今次個重點，唔係個效應本身，而係想講一講超時工作 (即係 OT) 點樣改變香港人生活模式。

股市篇:
當個股市好嗰陣，個個都會因為覺得有 OT 頂住，响開市時間都會去睇住個市，等價交換呢個隱藏基制就自然瓦解，結果就當然係將 8 至 10 個鐘嘅 working hours, 變成 4 至 6 個鐘，仲未計工作未能一氣呵成嘅 effectiveness loss.

畸官

做官做到懵咗? 就係有咁嘅畸官先會有畸形政治生態! 咁有尊嚴，唔好出長糧吖笨!

火中取栗 - 下集 (大結局)

7776@0.41

142.8 = 買入時現貨價
144.76 = Breakeven point
145.6 = 買出時現貨價
116% = 盈利

馬後炮:
6 月 7 日 - 無聊睇輪，有意外發現，決定第二日跌就買入。
6 月 8 日 - 真係跌咗，決定出一個低價買，買到就買，買唔到就算，點知又買到。再計返 Breakeven point, 我就唔信一個月升唔過 145.
6 月 18 日 - 個市傻咗，係 5 號仔鈍 D, 放埋個假等睇戲。
6 月 20 日 - 到 5 號仔傻，雖然 statistically 可以再上去，但係 profit 已經好好，我真係唔想同佢傻。火中取栗結束，行動成功!


後記:
點解 6 月 7 號會決定買入? 一來買輪要買 call 唔買 put. 二來因為 regression, 同埋 RSI 踏入超賣區，而 slow stoch 又長期低迷，加上 143 買匯豐基本上係一個好抵嘅價，值博率都幾高。只係 MACD 有少少怪同埋現貨價去到 50/200 天平均線，所謂關前莫擺陣，所以今次其實都係好彩。

落後本地薑

5 號仔都叫 OK，東亞同永隆都係响超賣區。奇怪...

莫札特

被人稱為音樂天才的莫札特响電視度出現。不過，用返全名 Wolfgang Amadeus Mozart 會比較好。

百萬雄師

如果卅萬可以請一個人，咁起一個三個人嘅 team, 咪差唔多有成一百萬嘅生意?!

矛盾

As 一個對 technology 好熱衷嘅人，識得一樣新嘢係一件好興奮嘅事，好想話俾全世界聽我識咗喇! 但係如果真係講咗俾全世界聽，個個都會去留意，咁我個 competitive edge 又會無咗...

蝴碟效應 8

Butterfly Effect 總恬嚟講就係因為一個輕微嘅變化，而引致一個重大嘅改變。今次個重點，唔係個效應本身，而係想講一講超時工作 (即係 OT) 點樣改變香港人生活模式。

環保篇:
以前個個都準時放工，Office 通常都係六點左右會熄晒燈同冷氣。但有咗 OT 後，就算公司剩返一個人都要開燈開冷氣，未計 D 電腦, Monitor 等等嘅要電嘅文儀用品。之後放咗工嘅消譴，亦帶動多咗通消營業嘅舖頭，又或者個人返到屋企都會夜瞓咗。加加埋埋，一日都浪費唔少能源!

入錯行

前幾個禮拜撞到一個舊同學，响大學做 RA 做咗幾年，家陣想出返嚟搵工先發覺係一件好難嘅事。奉勸各位唔好 lei 响象牙塔到咁耐，一定會後悔!

驚奇!

無聊一 Search, 見到自己個網响一個同志交友網度出現，有少少無奈。好彩我從來都唔會咁打自己個名，請各方好友認明 "Shane Ng" 或者 "shaneng" 呢個名，其他字母排法一律與小弟無關。

無腦嘅官

係咪如果真係有屏風效應，你會拆晒 D 樓先?

事與願違

巴勒斯坦人要獨立，選出自治政府，跟住派系不和、政治動盪，再逃離到以色列。咁當初咁辛苦爭取要獨立做乜呢?

Contact List 看朋友

有朋自遠方來，不亦樂乎。當見到朋友 Online, 你又會諗到 D 乜? 當中嘅 avatar, 又令你有乜感覺?

胡仙案

當日嘅公眾利益變成今日嘅證據不足，梁愛詩你當年做乜嘢律政司?!

人人都知嘅機密

個個都知聯系匯率係要龐大儲備嚟支持，當年財赤嚴重，個個都擔心大鱷出嚟玩嘢，家陣只不係講返五年前嘅情況，又有何機密?

有 D 事當年係機密，但係時移勢逆，所謂嘅機密都會變得唔重要，反之亦然，就好似梁振英先生當年登報痛斥六四，今日六四佢又會唔會出嚟講呢?

香港人 x 10,000,000

香港要放一千萬人，有手有腳一定唔會餓死，但係個個都要為住而煩惱，唔該將 D 樓價減半再減半先再講。

HSBC On9

匯豐個網上銀行好白癡，竟然要一日去 process 返簿仔過數俾信用咭嘅 transaction. 所謂嘅 World's local bank 其實係 World's loco bank 囉! 剩係有一堆手續費，服務又不見得好得去邊，真係好想搵日得閒去 cut 晒所有 service.

How does a country qualify to participate in the Visa Waiver Program (VWP)?

香港有大陸做靠山，其實要將特區顧照做到去美國免簽證都幾難。

---

In order to be designated to participate in the Visa Waiver Program, countries must meet certain legislatively established criteria, as set forth in the Immigration and Nationality Act (U.S.C. 1187), the Border Security Act, and the Enhanced Border Security and Visa Entry Reform Act (EBSVERA).

Among these criteria are requirements that:

• Governments provide reciprocal visa-free travel for U.S. citizens (90 days for tourism or business purposes);
• Governments issue secure machine-readable passports that satisfy internationally accepted standards;
• Governments certify that they have a program to incorporate biometric identifiers into their passports in accordance with International Civil Aviation Organization standards;
• Governments certify that they report the theft of blank passports on a timely basis to the U.S. Government, and do so in practice;
• The country must have a very low nonimmigrant refusal rate (as explained in Section 217 (c)(2)(A) of the Immigration and Nationality Act); and
• The incidence of nationals of the country traveling as nonimmigrant visitors who are denied admission, withdraw their application, and violate the terms of a VWP admission is less than two percent of the total number of nonimmigrant nationals traveling to the U.S. during the previous fiscal year.

In addition to these specific criteria for participation in the Visa Waiver Program, Section 217 of the INA also requires that the Department of Homeland Security in consultation with the Secretary of State evaluate the effect that a country’s designation as a VWP participant would have on the law enforcement and security interests of the United States, including interests related to enforcement of immigration laws and the existence and effectiveness of extradition agreements and procedures. In order for a country to be designated as a VWP participant, a determination must be made that such interests would not be compromised by the designation of the country.

Specific factors to be considered in such a review are not established in the legislation. However, in the past the following types of issues have been considered:

• Security of a country’s passport application, production and delivery processes;
• Security of passports and other documents used to demonstrate identity and citizenship, and incidence of fraud or misuse involving such documents;
• Nationality and citizenship laws, and application of such laws;
• Existence of security and law enforcement threats in the country (terrorist activities, organized crime, money laundering, human and drug trafficking, etc.), and efforts to address such threats;
• Immigration controls and alien smuggling activities in the country, and efforts to address such threats;
• Stability of the government politically and economically;
• Degree of cooperation with the U.S. and other international partners on law enforcement issues, including extradition.

(February 2006)

Partnership for Software House

律師、會計師等專業，都係會用 Partnership 嚟做個 business model. 如果 apply 落 software house 度，個效果會點? 真係唔知，但係呢個係一班技術人走出技術層面嘅方法，但問題係，點樣去 train 一班同樣有料嘅人去支援走咗出去嘅人。同埋，點去定一個 analyst 去 promote 一個人做 partner.

蝴碟效應 7

Butterfly Effect 總恬嚟講就係因為一個輕微嘅變化，而引致一個重大嘅改變。今次個重點，唔係個效應本身，而係想講一講超時工作 (即係 OT) 點樣改變香港人生活模式。

進修篇:
香港人個個都不斷搵嘢學，究竟香港人係咪真係咁好學呢? 說穿了其實就係唔想 OT, 搵個藉口俾公司、上司、同事，話俾人家聽「我要上堂」明正言順咁早 D 走。

乜事?

個 Blog Archive block 神咗?

滿目蒼夷

再談 Silverlight

點解 Flash plug-in 做到 Firefox install 嘅時候唔駛 restart 個 browser, Silverlight 做唔到? 唔通 Adobe 嘅 programmer 叻 D? Silverlight 所講嘅 frictionless installation, 無理由咁差啫... Microsoft 強調嘅 user experience 究竟去咗邊?

Silverlight Wishlist

雖然 Silverlight 係好靚仔，但係功能同 Flex 仲係差好遠，如果有埋呢 D, 會係一個好 platform:

1. Build-in components
2. Chart components
3. Data push (WCF?)
4. Base64 codec
5. XML Integration (XPath, E4X, etc)
   

50 米

50 米，世界飛人只係幾秒鐘就跑過。
又或者係 5 個當年嘅民主女神像。
架吊車跌落嚟，真係太誇張... 海洋公園咁多年都未有乜嘢意外，昂平 360 就响今日，年度大修後嘅三日就出事。大嶼山，風水真係剩係適合念佛修道，「大象大小象，代代出和尚」?

蝴碟效應 6

Butterfly Effect 總恬嚟講就係因為一個輕微嘅變化，而引致一個重大嘅改變。今次個重點，唔係個效應本身，而係想講一講超時工作 (即係 OT) 點樣改變香港人生活模式。

盜版篇:
盜版，早响金融風暴前出現，但係當香港人開始 OT 後，情況日益嚴重，而且亦由實質嘅盜版，轉型做虛擬嘅盜版。隨住科技嘅發展，依家嘅香港人，一有時間，好可能都會留响屋企休息，都唔願出街。就算出街，都係做 D 响屋企做唔到嘅嘢，例如打波、睇 show, 唱 K 諸如此類。聽歌、睇戲? 上網 download 完就聽得睇得，做乜要出街，連盜版都費事買。

好死唔死，班做唱片嘅同拍戲嘅食古不化，無一個合法同方便嘅 channel 俾人 download, 跟住就話收唔到錢云云。成個 distribution model 一早已經唔同晒，君不見信街坊租碟舖生存到，好處就係快，唔駛 download 又唔駛多隻碟阻掟。Now 同 Moov 就係咁樣搵錢啫!

型仔

型仔就係型仔，中學到今日都係咁型仔! 哈哈! 友 blog 睇今日多咗名新成員。

第一代飄移廣告

飄移，亦即係甩尾，始終係一個危險動作
http://www.youtube.com/watch?v=wslcv3Re1uE

八年

「跌底咗，要企起身，要堅持...」
但係堅持，又幾多錢一茶匙?

Windows 沒落?

諗極都唔明，點解佢哋會覺得 Windows 唔掂，有機會俾 Web OS 取代? 佢哋睇到 D 乜嘢我睇唔到呢?

Silverlight + Expression

繼 AJAX 之後，下一波會係 MS 嘅鉅獻，Silverlight. 今日睇完個 video tutorial demo, 加埋 Expression Blend, 早學早著!

Interview

見客，就好似 Interview 咁，只要有料，就無往而不利。但今日，呢幾個月嘅努力，俾人一招了。

火中取栗 - 上集

7776@0.186

142.8 - 144.76

呢舖大細嘅結果，就等下回分解~

本裏不是人

地鐵合拼，你贊成唔贊成?
合拼咗凍結票價，你平時又搭開，當然係好。但係公司就一定賺少咗，到時反映落股價度，你又覺得點?

假手於人

得閒幫人做吓濕碎嘢，當有大單嘢要攪嘅時候，就可以搵人幫手卸一卸道力，甚至可以將隻鑊解拆。

天天電腦天天老

放工就係放工，工餘時間仲寫 program 搵錢，咪攪!

最強鬥士

<聖鬥士劇場> (番外篇), 最強鬥士

他們和你們一樣的年青、熱血，他們有理想、有抱負
他們沒有聖衣，沒有致命的必殺技，只有血肉之軀
最強的鬥士，能以一己血肉之軀擋架坦克
他們相信的是「民主女神」
他們就是民主的聖鬥士!

一個紀念趙紫陽，Misaki 以八九民運為題的作品:

蝴碟效應 5

Butterfly Effect 總恬嚟講就係因為一個輕微嘅變化，而引致一個重大嘅改變。今次個重點，唔係個效應本身，而係想講一講超時工作 (即係 OT) 點樣改變香港人生活模式。

戀愛篇:
八、九點放工，食埋個飯，戲都睇唔到就要返屋企準備瞓覺，迎接第二日嘅工作。生活圈子明顯地狹窄，要結識異性都真係靠禮拜五六日。唔好彩有 D 返五日半或長短週嘅，就靠禮拜六日，如果預留一日做運動，就得返其中一日，如果前一日瞓晏少少，咪得返半日囉。今時今日，Speed Dating 大行其道，係有佢嘅市場，但係留到電話，亦唔代表乜嘢，跟本就無時間去溝通，要有好結果係一件好困難嘅事。

蝴碟效應 4

Butterfly Effect 總恬嚟講就係因為一個輕微嘅變化，而引致一個重大嘅改變。今次個重點，唔係個效應本身，而係想講一講超時工作 (即係 OT) 點樣改變香港人生活模式。

作息篇:
當工作時間被推遲兩三個鐘，日常生活亦會被推遲兩三個鐘，當中包括食飯、消遣、家庭活動等。但係活動就有多無少，工作時間又長咗，最直接影響到嘅就係睡眠時間。2003 年嘅一份調查，平均睡眠時間大部份係不足八小時，亦即係睡眠不足。而睡眠不足，就代表住返工無精神，productivity 同 effectiveness 下降，直接影響工作表現。

寫到呢度，OT 呢幾個鐘，已經因為不同嘅理由 (早退@運動篇、等價交換@工作篇、睡眠不足@作息篇) 變得無價值，甚至出現反效果，得不償失。

蝴碟效應 3

Butterfly Effect 總恬嚟講就係因為一個輕微嘅變化，而引致一個重大嘅改變。今次個重點，唔係個效應本身，而係想講一講超時工作 (即係 OT) 點樣改變香港人生活模式。

教育篇:
雖然好多放工做嘅嘢可以响返工嗰陣做 (見《工作篇》), 但係教細路呢樣嘢係返工時間做唔到。於是，好多父母就將教育嘅責任推晒俾學校。N 年前，當俾人話無家教，係一件醜事，今時今日，「家教」一詞幾近絕跡。有好多嘢，學校係教唔到，就係咁，八、九年前處於反叛期嘅少年，當年屋企無人得閒教，今日，就係無家教，行為粗鄙、粗口爛舌嘅青年。

Partnership

所謂嘅 Partner 就係一個雙响嘅關係，一廂情願絕對唔係一個好嘅 Model. 3 部 Server 今日終於送到，本來 Offer 咗一個 Option 俾 MS, 但好可惜，呢一個 Topic 已經無需要再趕。我可以做嘅，就只係完成一個靚仔 report.