多事的一週

為區區嘅私人裸照，攪到好好地一個藝人退出娛樂圈。請問: 他，有做錯嗎? 英文人用英文道歉，中文人可以一樣道歉得咁得體嗎?

受到病魔煎熬，開心果為香港人帶來歡樂，但離開後，歡樂不再，香港人變得更悲傷。第一次看見萬千星輝大獎的片段，實在是震撼。

馬拉松

比想像中辛苦，頭十公里都 OK. 但之後差唔多都係行咁滯，21公里之後，只好自行上巴士。可幸的是，沿途欣賞到青馬穚同汀九穚嘅鋼鑬 pattern, 下次再有機會，真係要帶相機影低。

四方城

完全唔識欣賞有乜好玩，如果玩彩數，都係鋤大 D 好玩 D.

發發發

究竟圖中有幾多個 8 字?

放學 ICU

都好耐無睇過兒童節目，譚玉瑛姐姐嘅江湖地位，依然無可代替，做咗咁多年，保養得好好。

集體公開睇咸相

新年流流攪 D 咁嘅嘢，男又睇女又睇，大又睇細又睇，仲要大大聲問你:「你今日睇咗未呀?」香港真係乜都有。

迎春接福

手痕一幅

峰迴路轉

拎咗部腦去俾人整，整出個大頭佛，仲有得假? 如今相片真確度達 85%, 除非真係有人咁好心機响千幾張相裏面逐張逐張相去改。相片主角今舖都真係乜嘢型象都無晒，娛樂圈真係夠荒亂。

幾百張

藝人相關淫褻照片，外國大把，但如果一次過有幾百張圍繞住相關藝人，內容好難會假。

失而復得

呢排搵返好多嘢: 幼稚園同學、mp3 機、usb drive, 小學同學、紀念冊、Disc 18, 大學 video.

高人

可以俾高人指點，究竟係好事定壞事? 我應該去省靚自己張 resume, 定係 build 好自己條 team?

Mizuno Wave Idaten 3

以前覺得 Nike 太俗氣，見 NB 唔錯，同埋有黑色，所以經常買 NB 跑鞋。但教練話 Mizuno 先得專出跑鞋，心裏不禁有疑惑，但一拎上手，嘩! 雖然外型同一般跑鞋無異，但絶對係輕。所以馬拉松戰鞋，終於入手!

Can someone help?

廣州有大批民工滯留，捱住寒風冷雨，又俾附近商店搶劫，可以幫幫忙嗎?

MyBoss MyHero

好耐未睇過長瀬智也嘅日劇，對上一次好似係無線嘅《巨星夫婿 2003》。呢一齣略嫌長瀬智也表情誇張去凸出黑社會嘅型象，就好似江華响《楚漢驕雄》入面演項羽大嗌一樣，不過無損好睇程度。鐘意睇《極度鮮師》嘅，都會對呢一齣有好感，只不過，今次做黑社會嘅對象變成學生。

都係校園劇嘅情節，一樣由 唔受同學歡迎 > 被接受 > 秘密揭穿 > 畢唔到業，再响中間穿插長輩嘅支持同社團兄弟嘅協助。驚喜欠奉，但校園劇勝都係題材輕鬆，唔係好使用腦，耐不耐睇一齣，都幾舒服。回想之前睇過嘅，其實拍一套唔好睇嘅校園劇，都幾難。

跑鞋

對腳太大，好難買鞋... Nike, Addidas, New Balance 好多，但 Mizuno 無...

Not in a Particular Good Position

Portfolio 跟隨港股大上大落，波幅幾近一樣。都係以不變應萬變，賬面損失不算甚麼，一日唔套現，係唔會知鹿死誰手。

遠在天邊

一年前，post 過一個關於幼稚園同學嘅文章，噚晚終於得到回應。
除咗小學買餸時碰過一兩次面，都真係廿幾年無聯絡。原來，大家都响上環工作，今日出嚟食咗個 lunch, 雖然好耐無見，但大家都有一種莫名嘅歡喜。廿幾年嚟無講嘅嘢，今日都講咗唔少，交換近況後，友情再度出發。

理想達到

如無意外，今年會被其中一間雜誌或報章等媒體訪問。

BizTalk Bootcamp

星期一，同 Microsoft 攪咗個 Bootcamp, 一個省招牌嘅動作:
1. Microsoft Hong Kong 响 BizTalk 嚟講第一次攪 Bootcamp
2. 公司第一次同 Microsoft 攪 Bootcamp
3. 我第一次同街外人做 seminar

壓力超大，但係都叫做過得去，行動成功。但係之後我先知，我識嘅 Microsoft 人都差唔多知道我做呢壇嘢，萬一失敗，亦係三輸嘅局面。

錢錢錢錢

當知道自己嘅基本薪金已經到頂，就會有所覺悟。一年前，我已經覺悟咗，亦都知公司嘅 cash flow 情況。我响兩個月前做咗一件全世界都會話我傻嘅事。我同我上司講咗大慨咁嘅意思嘅說話:「唔好加我太多人工，我本事嘅，自然會搵响你設定係制度下搵到。」

半年前嘅呢個制度，就係想能者多勞 + 多勞多得。如果，响呢個制度下仲諗住座响度加人工，心態依然係一個普通嘅員工，而唔係公司嘅伙伴。老生常談，一個人係資產定負債，唔係咁難分辨。

Boys Love

好似大約一年前，睇咗一套 Boys Love 嘅戲，感覺都接受到，劇情拍得 OK. 見到有出咗睇二集，諗住一看無妨，點知，睇咗頭嗰十分鐘左右，已經睇唔到落去。

人大咗，可能都保守咗，同埋將男仔之間嘅「交往」完全合理化，始終接受唔到，劇情亦唔似第一集咁描述愛，而係嫉妒同偏見，將男生「女性化」，睇落都幾難頂。只可以話，演員好出色，演得出女性响呢方面嘅神緒，但我亦唔會想睇呢種戲劇。金枝慾孽、火舞黃沙、溏心風暴，全部零接觸。

正常生活

Project 一個一個完結，終於可以唔駛留响公司留到咁夜。

偵探伽利略

好耐無睇過日劇，呢一齣，正!

第一次 - 公開演講

聽日，就係第一次對街外人講 Talk. 壓力好大，希望無意外!

氣管炎

一次傷風，又開始不停地咳，今次搵咗個專科睇，話係氣管炎，有收縮嘅情況。診金都要差唔多成千蚊，好貴，但希望可以治得到，起碼星期一唔好出事先。

shaneng.net 第一擊 - 相薄

6GB 幾嘅相，終於 upload 晒，但 video 係一個頭痛嘅題目...
http://gallery.shaneng.net/

休憩空間

响新聞度聽到政府官員响立法會講休「恬」空間，惡夢... 正字人去咗邊?

比香港更先進

如果香港肯跟部份大陸政策，就真係天佑香港。

小學聚會

好耐無見過一班小學同學，好明顯，我係局外人，因為佢哋聚嘅次數都幾密。有好多人都變晒樣，肥變瘦、瘦變肥，但性格不變，豪爽嘅繼續豪，文靜嘅繼續靜。

有朋自遠方來，不亦樂乎? 感覺好舒服!

歐型傷風

臨離開希臘嗰陣中招，返到嚟香港病發...

2007 回顧

排名不分先後:
- 開始著唔同嘅衫去成為一個 manager
- 公司搬 Office
- 公司制度改變，加薪之餘亦加辛，亦要開始睇錢
- 公司開始成為 Microsoft partner, 是福不是禍，是禍檔不過?
- 為馬拉松做好準備
- 做 gym 而整傷眼
- 總投資回報約 32% (股票: 35%, 基金: 32%, MPF: 22%), MPF 真係幾差吓... 希望轉咗宏利後可以好 D
- 第一次睇棟篤笑
- 第一次旅行
- 第一次去哈囉喂
- 第一次做負離子
- 買咗好多 gadgets
- 考咗車牌
- 飲咗好多餐
- 買咗 shaneng.net

雅典行 - 後記

洗費 - 只係用咗 37.6 Euro. local tour 唔洗俾 tips, 只係買咗 D 小食，出街食咗幾次飯，搭咗一程的士。成個 trip 都只係 15K 多少少

煙 - 週街都有人食，餐廳都有，一個煙霧瀰漫嘅麥當勞係好得人驚

假期 - 酒店位於嘅商店街，到埗日可能放假，無乜人，但隔咗一晚後，熱鬧非常

食物 - 完全偏咸，亦都未識欣賞 D 芝士同檻欖，但檻欖嘅薯條唔錯

文字 - 基本上唔陌生，都係 alpha, beta 之類，但有部份唔識讀，就真係唔知乜嚟。但識讀嗰 D, 就會知英文好多字都同希臘文相通或相類似，有意思想去學

交通 - 路面好塞亦好 sucks. 下次要試吓搭地鐵

Graffiti - 週街都係，好難想像响香港會有

天氣 - 落兩嗰陣真係好凍，影相要帶手套

酒店 - 帶漏咗個 USB 同帶錯 Adapter, 好彩酒店有，不枉俾咗錢揀間好少少嘅酒店，但 book 房嗰陣，一定要 non-smoker 嘅 graffiti room. 真係好靚!

行李 - 無論帶幾少嘢，以後都唔會剩係帶背囊旅遊，揹住咁多嘢遊機場唔係一件好事

行程 - 太過緊密，多留一日會更好，但一早安排好晒，全程唔洗太用腦，幾 ok

計劃 - 一定會再去!

雅典行 - Home Sweet Home

响的士上面瞓咗一陣，就到機場。Check-in 排陽嗰陣，發現類似劉德華嘅人出現响螢幕，真係人有相似，希臘都見到劉華上鏡!

Check-in 之後打咗一陣機，食緊個番茄時，見到噚日同枱食飯嘅兩個女仔，打咗個招呼，日本女仔可能留多幾日，臨別影咗張相就走咗，意大利女仔同我傾咗陣計就去咗入閘。一切準備好，我都要入閘，但一等再等，無人嗌入閘，唔通要 delay?! 的確，咁就無端端 delay 咗 45 分鐘先起機。

到咗 Zurich, 未知邊度入閘，求其入一個等。半個鐘後，嘩! 乜要去到咁遠... 要搭無人駕駛例車去另一邊。又等一輪夠鐘上機，上到機，無嚟嗰陣咁爆，我隔離個婆婆仲走去第二個位坐，掂! 食完個餐，竟然可以一氣呵成瞓到五個鐘，實在是太好了! 之後再斷斷續續瞓多三個鐘，又夠鐘起身食嘢。

食嘢之前發咗一個怪夢，就係 somehow 架機要停响其他機場，點知架機降落後壞咗，話唔知邊個邊個無熄電子儀器。我心諗，好似無人廣播過話架機要降落，有人開 mp3 聽歌之後瞓著唔奇，我竟然走去同空姐理論，無得怪任何人之類。到最後，我係收到罰款單，被其他人勸籲後雙方都冷靜，空姐話只係一時之氣，會取消罰款，我都提咗 D 建議，之後就醒咗。

食完嘢，婆婆返返嚟坐，我本來想睇埋套戲，但睇完之前，就已經要準備降落，被迫腰斬。婆婆開咗窗，我就睇吓雲境，真係好靚，可以唔可以影相。

落咗機，見到落暇，感覺好舒服，為旅程變得更圓滿地結束!

雅典行 - 尋找女神

相薄

到咗幾日，都未影過雅典娜嘅神像，下晝就要上機，已經無時間去博物館參觀。靚女導遊講過，市中心有幾幢建築物，其中一幢有神像，而附近市議會响每一個鐘都會有個軍人換班儀式。

瞓嘅時間唔多，夜晚整理好 D 相後，都差唔多12點，諗住會瞓到10點左右，但7點就己經醒咗，寫吓 blog 攪吓攪吓，差唔多10點，又有少少倦意，決定瞓多陣，十一點出發。

行吓行吓，弊! 當失路添，問人，竟然無人知市議會响邊?! 差唔多12點，見到神像，但睇睇巴士站嘅地圖，離市議會仲有一段距離，唔爭在影吓相先。

影吓影吓，又半個鐘，差唔多去市議會，好多人圍住，乜事? 原來係步操儀式，無乜大特別。影吓其他嘢先，咦?! 突然三個人出現?! 唔通，換班儀式開始?! 死火，video cam 無電，可以... 相機!!! 好彩成個儀式唔係太長，錄得到，Lucky!

早上嘅旅程總算順利，搭的士返酒店，但上咗車之後，司機先話唔知間酒店响邊... 無地址添，唯有大家靠估... 食完 lunch, 接我去機場嘅的士到咗，打道回府!

雅典行 - 夜遊自由行

相簿

雅典好似香港，係一個不夜城。去完 Delphi 食咗少少嘢，又唔係太瞓得著，決定响酒店附近行一趟，九點幾依然唔少人响街玩緊。最主要目的，當然唔係體驗夜生活，而係影巴特農神殿，影到一張已經威威食雞，响無腳架嘅情況下影夜景，都夠高難度。

好，影完，目標達到，週圍行吓，穿過舊城區嘅橫街，走入大馬路，唔少嘅 graffiti. 影咗幾張，但唔敢開閃光燈，唔想話俾全世界聽有個遊客响度，始終唔係太安全。

行吓行吓，返到酒店附近，去唔去市中心好呢? 唔好喇，都係早 D 瞓，應付聽日 20 個鐘嘅旅程。

雅典行 - 衝出雅典

相簿

Join 咗另一個 local tour 去 Delphi 睇阿波羅神殿。又係晨早起身，今日係自動醒，morning call 未就醒咗，但今日狀態應該唔係咁好。

上到旅遊巴，咦?! 又係之前個靚女導遊，應該 OK. 座咗兩個鐘車左右，到達 Delphi 附近嘅村仔 Parnassia, 好多紅色屋仔，依山而建，好靚。

去到 Delphi, 又聽導遊講一輪故仔，到影相時間，但得半個鐘影。嘩! 成個遺蹟都唔細，半個鐘由山腰到山頂再走返去山下面博物館集合，真係趕過打12宮。都好彩，影得晒，係出晒汗啫，同埋又唔夠瞓，頭痛開始。

睇埋博物館，掛住影相，已經無留心到 D 故仔講乜。差唔多三點，又攰、又餓、又眼瞓，終於去食晏。噢... 又係希臘菜，cheese pie + 大件雞飯，依然唔係太欣賞 cheese pie, 但大件雞飯都叫 ok. 同兩位女士同枱食飯，一個意大利人，一個日本人，傾咗一陣，感覺良好。

回程，頭痛依然，但已經瞓唔著，唯有打機是也。

雅典行 - 搵笨夜遊

相簿

夜晚七點幾，差唔多落大堂，但一等就等咗半個鐘先有人接應，心知不妙。中途再接其他客人，有人遲到發老脾，個導遊仲同佢一齊嗌交...

跟住去咗海邊城鎮，但不設落車影相，得個睇字，有景無得影...

返去舊城區食飯，係本地菜，超咸嘅小食 + 超濃嘅 cheese pie + 超大份嘅大件雞飯 + 雪糕，仲要坐响個表演台前面，跳舞都唔知跳咗幾多塵落嚟...

一路食一路睇表演，略嫌悶。上咗兩次台玩，都 ok. 但後悔無叫人幫我錄低...

返到酒店，差不多一點，攪呢攪路一點半先有得瞓，但第二日要七點前起身，大鑊...

雅典行 - 走馬看花

相簿

雅典，太多名勝古蹟，個朝早無可能睇得晒，個 package 就係包咗一個 local tour, night tour 就自己俾錢。

一朝早起，落住雨，無乜期望，但靚女導遊喎，聽吓都好，都有唔少故仔。雖然部份都聽過，但係靚女 present 係唔同 D. 去咗舊奧運場館、宙斯殿、同巴特農神殿一帶，聽完故仔，城市簡介，就係影相時間。

下晝本來想去市中心同舊城區一逛，但實在大攰，力不從心，整醒自己之後都無精神出發，最後就留咗响酒店房睇 heroes...

雅典行 - 到埗

相簿

第一次搭卜夜機，就搭咗十幾個鐘飛機，但感覺比想像嘅好好多，起碼瞓得到幾個鐘。
見聞一: 瑞士都有賣 HTC Touch Dual 嘅廣告
見聞二: 雅典機場俾 HSBC 攻佔
見聞三: 用 EU 國家護照入境唔駛排長龍打印
見聞四: 週街都係 Graffiti, 連酒店都有 Graffiti Room. 但係無晒 non-smoker room, 嘥晒...
見聞五: 週街都有白鴿
見聞六: 雅典都有孖人牌?!

自己的一個家

終於，將 shaneng.net 買咗落嚟。網頁籌備中...

Gadgets 大晒冷

今次出門，會帶 HTC Touch, Creative Zen, Ricoh R5, Sanyo HD2, Kohjinsha 同部 mp3 機，總值都差不多兩萬。上機轉機，應該唔會悶啩! 但呢 D gadgets 差不多全部都係今年買嘅，原來今年咁大洗，下年要收歛吓。

蓄勢待發

咁多年請假都係去考試，今年終於可以去一去旅行。估唔到嘅係，原來去五日三夜，一個背囊就 OK. 好耐未用過呢個用嚟中學返學嘅背囊。

更估唔到嘅，原來旅遊保險係保埋一桿入洞。

遊戲王

前兩日開 party 玩遊戲，可以為咗羸而好認真咁玩，又或者好放輕鬆咁玩。

唔知，你又會點玩呢?

講講講

楊麗琴
地龜釘
老翁大戰
晚安歌
up 3 up 4
亨亨

你知道這些詞語的解釋和典故嗎?

感謝恆隊長的留言和快樂的回憶。

P.S. 黑白照 + 無奈嘅表情 + 感性嘅文字 = 美好回憶。
http://hk.myblog.yahoo.com/bennylau25/article?mid=172

P.P.S. 話就話無奈嘅表情，但係點解何亨個樣咁攪笑?!

Netvigator 2

隔咗一日，終於上嚟睇個寬頻發生乜事，原來唔係我呢邊有事，係機樓 D port 有事，好彩呢幾日都唔係好駛點用啫，對我無乜大影響。

部 Konjinsha 又响我有需要時救咗我一命!

黃子華

一貫風格，最後一個故仔，嚟一個反高潮，將我嘅心情帶到落谷底，帶住沉重嘅心情，返公司繼續努力。

Netvigator ONE

Netvigator 突然間神咗，諗住要聽日先打到電話，但係記得好似呢幾個月 upgrade 咗，於是打去試試。咦! 果然做到廿四小時客戶服務喎! 不過都係要後日先有人上嚟整。但百忙之後放工有人幫手解決問題，唔駛返工時間攪，都 OK 吖!

投資

有人投資响股票、期貨、債券等等。我估都估唔到竟然會有人投資响其他人度... 即係日日同大老闆們或客戶們食 lunch. 跟住轉頭話手緊?! 但又口響響同人講話出咗 bonus 後買 BMW 定 Audi... 其實又唔知有幾多 bonus... 天啊!! 即係點呀?! 完全唔 make sense, 金融界真係咁亂糟糟?

最弊係，帶壞我 D 細吖嘛... 唔知有幾多 bonus 就唔好同人講買車啦! 攪到 D 細嘅以為好好景咁...

數碼廣播

有說，數碼廣播後，鬼影雪花 bye bye. 但其實，問題依然。當今各個電腦 video codec, 當出現 high motion 嘅情況，畫面即時起格。如果有部份 file corrupt 咗，亦都會出現一格格粉紅同深綠嘅畫面，又或者殘留住之前幾秒嘅影像。所有種種，都係做 encoding algorithm 嘅 artifact 而造成。

數碼廣播，就只有 1 同 0, 收到或收唔到。除非個 codec 有好強嘅 error checking and recovery 嘅效能，否則，會比類比廣播更差。

Upgrade

都買咗部 Creative Zen 好耐，但係都無乜點用過。

又到聖誕，又梗係要買 D 嘢獎勵一年嘅辛勞。呢兩個禮拜，都週圍搵緊部細 notebook 仔。原來，有一樣叫 UMPC 嘅物體，機仔細細，一磅都無，Processing Power 唔大，但睇 video 上網都叫 OK.

普選

事實証明，今日嘅立法會並唔代表民意。但要實行普選，就偏偏要得到依家唔支持普選嘅立法會議員通過，呢 D, 咪叫荒謬囉!

忍無可忍

下個月行動: 脫離滙豐

旅行

一個人去旅行，可以無憂無慮，自己鐘意點玩都得，只係無人可以一齊分享，有少少可惜。
希望有一日可以請朋友一齊出去玩，唔駛擔心錢嘅問題玩個痛快，應該係一件非常開心嘅事。

詩歌

大學响德州讀書嗰，因為係基督教大學，所以日日都要去 Chapel, 當中不少得嘅當然係唱詩歌讚美主啦。前幾日响 America's got talent 度聽返 amazing grace, 又抽起條筋想搵返幾首好聽嘅嚟聽，但原來除咗 amazing grace 之外，網上面原來無乜好聽嘅 source. 唔通，呢 D 係生在福中不知福?

Wish list:
Holy, Holy, Holy (四重唱)
Bless This House (二重唱)
Great Are You, Lord (合唱)

聖誕禮物

我要一部 Kohjinsha!

Amazing Grace

可以聽到咁好聽嘅歌，已經係一個 Amazing Grace. 蘇格蘭風笛版本比較慘情，唔係太欣賞，但係合唱版幾時都係咁好聽。

Amazing grace, how sweet the sound
That sav’d a wretch like me!
I once was lost, but now am found,
Was blind, but now I see.

資源錯配

見咗一個幾醒目又鐘意寫 software 嘅人，但係就偏偏只可以讀到 hardware. 香港嘅教育制度，真係錯晒!

輕裝上陣

為咗準備一月嘅 training, 係時候開始 denial of request.

病

原來得閒死唔得閒病，就係就算你有傷風感冒，但係可以無乜鼻水、無乜乞嗤，係個人燥 D. 都未試過病得咁舒服...

爛蘋果

有說，立法會補選嘅候選人，都係爛蘋果，所以唔去投票，或者投白票。

其實，政治嚟講，只可以講各有計算。兩個退休公務員，無端端出嚟選，話無目的就假嘅，真係想為市民服務? 對權力戀棧比較可信。一批二打六又出嚟選，目的又何在?

所以去到政治層面，選民亦要有自己嘅計算，如果當初甘乃威無退選，我都會投陳太。唔係否定佢過往嘅政績，但一定要面對政治嘅現實。

一堆爛蘋果，一定要選嘅話，只可以選一個無咁爛。政治，又邊會有靚蘋果，玩得政治，就要耍手段，靚極有限。李生嘅率直，師徒生嘅風骨，當今又有幾多人做到?

朋友圈

Facebook, 就係可以見到 D 好得意嘅嘢。

香港鐵路公司

如果你識普通話
如果你搭地鐵
如果你搭到總站

你會聽到一句大慨: 謝謝乘搭香港鐵路公司列車
但廣東話依然係: 多識乘搭本公司列車
英文係: Thank you for traveling with MTR

無心插柳希臘行

本來今個聖誕想去澳洲大堡礁潛水，但太忙，無時間去訂機票，最終機位不足或價錢 out budget, 計劃泡湯。於是星期日去銅鑼灣行吓，睇吓有無乜嘢團可以參加吓。點知行行吓行到最後一間無乜客嘅旅行社，見到，咦?! 有希臘雅典嘅 package 喎! 之前去問過其他旅行社都話無做，今次竟然有得玩!

於是走入去問咗聖誕有無位，有，拎章程，即晩上 tripadvistor.com 睇吓邊間酒店 ok. 今日 book 咗機票，等覆同交 full payment. 正!

新生代

分別同同事同埋客傾新一代嘅年青人，聽完同事講佢 D 同學、細佬嘅行為，只可以話係某 D 青人對性嘅開放程度，只可以用隨便嚟形容，希望唔係大部份。

而個客講話好難請人替佢個位，話就算有得一兩年經驗嘅人，都係 non-presentable, 聽落都真係有少少同感。唔通香港嘅教育制度真係差成咁?

簡潔創意

星星月亮太陽成為 24 小時營業嘅 logo, 神來之筆! 我諗香港除咗個 7 字代表 24 小時外，呢個都算得係代表作。

負離子前後

為咗易 D 打理, 終於下定決心去做負離子

零幫忙

趕貨時間，搵成日都搵唔到人，對公司無歸屬感，對工作無責任感，叻又如何，一樣係公司嘅毒瘤。

Efficiency vs. Perfection

交唔到貨，你件貨有幾完美都無用。

財散人安樂

又手痕，但依家可以做嘅，就只有等。考眼光遊戲結束，之後嘅升跌都唔關我事。

註: 杜指又大跌中

此消彼長

香港人的價值觀變了，可幸的是，可以保住中上環。

心理學

心理學好多性格分析嘅測試，3, 4, 5, 9, 16 嘅性格分類方法都有。如果你係教授級，邊種分類都準。明珠台以前播過嘅其中一個節目，D 教授將參加者分開 16 種性格，仲準確預測到參加者嘅行為，播埋嗰種行為出嚟，唔到你唔服，但分類過程都幾麻煩。

如果就咁普通一份問卷幾條問題就可以將一個人嘅性格分類，未免太兒戲。就好似將人用十二星座、十二生肖去預測流年運程一樣，乜都寫 D, 實準嘅喎。我就試過做一個性格測試，將人分開 4 種，大慨就係有一個 graph, 有 x-axis 同 y-axis, 睇吓你响左定右，上定下咁。我嘅結果，就係差唔多响中間 (0, 0) 嘅位置，難聽 D, 即係無性格。

想真係了解自己嘅性格同人哋嘅性格，好好哋去讀心理學啦! Personality 應該係 Behavioral Science 嘅其中一個科目。

不可理瑜

兩個月去打簿一次，中間嘅 transactions 唔見晒，我都唔知你俾本存摺我做乜?! 好一間 world's local bank, 你唔做我生意你出聲嘛!

Shopping

今日竟然俾我博到低位入貨，消耗咗 1/4 投資現金。

月中一結，大市月頭比月中少咗 13%, 我就少咗 7.x%. 十月將部份資產變 cash 係正確嘅決定，可能賺少咗，但無理由跌嗰陣先嚟賣嘛，家陣可以慢慢買返。

巔峰

好耐未試過同一時間同時有三個 program 响腦度運作，不過今次係三個 project, 再唔係大學嘅 program 仔。

差餉

差餉者，差役之糧餉也。唔收差餉，即係警察們唔使出糧乎?

零容忍

貪污响任何地方都係唔應該發生! 唔通，資本主義社會就多多少少都會有，而共產主義社會就大大小小一齊貪呼? 咁睇發，唔知何生多多少少咁貪咗幾多呢?

世貿

無競爭力而倒閉係理所當然，點解唔自我強化，反而去縱容?

Monster

可惜係 RMVB, 一套咁好好睇嘅卡通片，有少少嘥，希望遲 D 會出 DVD.

啟動

係時候入貨

大 Mon

今日，終於換走咗個跟咗我差唔多 5 年嘅 15 吋 Mon. 以前無需要，好多次機會都讓咗俾人，但今次，真係要用，再讓出去就真係對唔住自己。

第一個大不同，就係可以將個 screen resolution 轉做 1280 x 1024, 將一個滿瀉咗嘅 desktop 變得有更多空間，感覺舒服好多。同一時間，屋企部 desktop 都 upgrade 咗個 resolution.

鬼壓床

任何事情都有第一次，噚晚瞓到矇矇矓矓嘅時候，半夢半醒地見到橙色嘅鬼，全身好似動彈不得，驚又不太驚，只係不斷咁諗辦法去解困。

第一件事，係張開眼去睇清睇楚究竟眼前嘅係乜嚟咁恐佈。咦?! 原來係街外照入嚟嘅光，本來有嘅幻覺亦無咗，好明顯係發夢時腦部製造咗少少幻象。

跟住，仔細諗吓因乜事好似郁唔到，發覺左手有少少麻痺，即係無血到。原來俾枕頭壓住，解決方法，嘗試轉身，令手臂離開枕頭，又 OK 喎，一切回復正常。但唔想去深究 D 光因乜嘢 pattern 變得咁恐佈，爭取時間休息，繼續瞓覺。

嚴格嚟講，都唔係乜嘢鬼壓床，話係睡眠癱瘓亦太誇張，只係腦部發出 signal, 話俾你知隻手無血，再唔醒去攪攪佢就會出事咁解啫。

巧合

公司轉 MPF, 星期五終於收到恆生嘅信，話基金已經响 10 月 30 號賣咗，D 錢會 11 月 6 號過數去宏利，咁樣就剛剛避過咗 11 月 2 號嘅調整。

究竟到最後是福是禍?

潑婦做區議員?!

無嘢講，如果梁小姐咁樣都選到，香港無得救...
http://youtube.com/watch?v=ZM7qsByjwf0

觀點與角度

心理學有好多靜態嘅圖片，去分析一個人睇咗嘅方法。今日响 facebook 度收到呢幅圖，都幾得意。開兩個 image viewer 嚟睇，都幾得意，竟然試到同一時間有兩個唔同方向轉緊。

零效率

呢兩日，唔夠瞓，亦都瞓得不大好。所有事完全無精神去做，make 唔到任何 decision, 寫唔到任何 document.
呢個 weekend 決定唔諗任何工作嘅事，抖返夠本。

HSI

九月後發生乜事? 即使每月都有出糧，但成個組合嘅升幅完全追唔上大市... 難怪會有人辭職，用成幅身家去炒股。呢一個，係健康現象嗎?

大陸化

廣東話懶音都未攪掂，走嚟攪普通話教中文。政府究竟諗緊乜? 再多幾年，香港會完全無晒特色，成功地由國際城市，變成中國其中一個城市。

Choice, the problem is choice.

"Choice is an illusion created between those with power and those without."

有選擇，究竟係咪好事? 做實業定做慨念?

流年初結

羊

【羊　辛苦得財】

辛苦得財... 我上司話我下年交稅會交得好金

發財第12位
今年吉星全無，自閉孤獨，事業財運頗弱，只對藝術工作者有利。
出生年份
1943、1955、1967、1979、1991、2003

性格　老闆人才
羊羊天性溫馴、注重感情、重信用、老實。做事踏實、內斂、有大將之風，不愛譁眾取寵，喜歡按部就班，實事求是。故此，是一個天生的老闆相。
可惜，羊羊性格頑固，不易接受別人意見，為人無變化，卻對玄學風水過分迷，故很難與人合作，即使勉強合夥，羊羊都要做大股東話事人。
羊羊如要做生意，最好以講求穩定、少變化的工業生產最為適合，玩潮流一定不是羊羊份兒。
一生成功運：☆☆☆☆（5☆爆燈！）

我上司話我請左人之後好 bossy, 但我工作嘅性質係要咁 bossy 嘛...

整體運　情緒所累
根據蘇民峰、麥玲玲同楊天命三位師傅所言，肖羊今年並非犯太歲，亦無相沖、相刑，本來運程較去年刑太歲好，事業平穩有進步。奈何今年肖羊並無桃花，而且一顆吉星也沒有，反而凶星卻一大堆，其中「華蓋」同「天哭」為孤獨之星，今年肖羊心情不開朗，自閉孤獨，事事往壞處想，因而影響工作情緒，所以事業運程麻麻，唯一有利的是從事藝術創作行業者，因「華蓋」乃藝術之星，有利創作。
而財運方面，三位師傅皆認為今年為辛苦得財年，一定要勤力才見成果，財運一般。而楊師傅更警告今年易破財。

宜寫Blog
今年吉星全無，心情孤獨，但有利創作，宜利用工餘時間多寫Blog或畫畫，或許能被人發掘出書。

忌煲韓劇
今年心情不佳，經常無故痛哭，切忌再晚晚煲煽情韓劇，令心情更差。

發財運
蘇民峰　工作量增
今年吉星全無，為辛苦個人力量得財年。不論何種命人，今年工作都較辛苦，少不免常感氣憤、諸事不順。尤其是寒命人更要把握上半年僅有的機會，下半年要退守。相反，熱命、平命人入秋後情況會漸漸好轉。肖羊事業運不順，主要受情緒影響，故宜多相約友好外遊散心，尤其是農曆三、六、九同十二月，寒命人宜往東、南方，熱命、平命人宜往西北方。
其實，肖羊今年事業運未算見底，太歲遙合，雖力量不大，但總算易有遠方而來的好消息或貴人扶助。財運方面，不論何種命人，今年工作量都大增，對收入不穩定的自僱人士如律師、經紀較為有利。

Microsoft 算唔算貴人? D 單多到接唔切，雙面刃，要小心 handle.

麥玲玲　無偏財運
肖羊今年心情欠佳，事業未見進步，但起碼好過去年。今年肖羊事業較為順境的有從事藝術創作人士，因「華蓋」特別利藝術家，包括從事藝術表演、設計或寫作有關工作，今年可展現個人潛能，思路清晰，獲上司賞識。亦由於思路清晰，可選擇今年進修或考試，易有理想表現。但今年宜將精神花在事業上，不要期望有任何偏財運。

年初成功地考到車牌都算考試啩? 偏財不嬲都無乜，但股票算偏財定正財?

楊天命　小心理財
肖羊今年全無吉星護持，話雖如此，亦未必代表凶多吉少，只要樂觀積極，今年事業為平穩發展的一年，無風無浪。肖羊今年宜守不宜攻，即使有新計劃，還是留待下年再作打算，最重要穩陣。另今年有「白虎」凶星，代表破財及橫生災劫，宜小心理財。

破財，即係係請咗個 personal trainer, 買咗部新 DC, video cam + housing, 同埋 plan 咗聖誕會去嘅旅行。如果由上年冬至起計，咪計埋部 Wii 囉。

人緣運　自我封閉
三位師傅一致認為，肖羊今年並非是非年，只是自己心情不佳，個人自閉，因而人際關係疏離。宜放開懷抱，或趁此年多到外國旅遊散心，甚至多進修、多參加社會活動以分散注意力。蘇師傅更提醒，留意農曆三、四同六月的是非月，可在正南是非位放置粉紅色物件及正東桃花位放一杯水，以催旺人緣。要記住，肖羊今年人緣運不算差，勿事事往壞處想。

太忙，無時間約人出嚟，係咪自我封閉?

健康運　病從口入
健康第7位
三位師傅都認為肖羊今年健康麻麻，但都比去年壯健。其中蘇師傅同楊師傅認為今年易有腸胃之疾，尤其是農曆三及九月，要小心飲食。另一方面，楊師傅同麥師傅又認為今年易有舟車之險，容易有意外，駕車人士要小心出入。

全部都未有發生，善哉善哉!

43年出生：再創高峰
今年為貴人加權力提升年。雖然已退休，但事業仍有進步空間，今時今日，64歲還是壯年，故宜多加把勁工作，將能再創高峰。
55年出生：人人進步
今年不論從商、自僱抑或打工仔事業都有進步。惟寒命人宜把握上半年；熱命、平命人則要把握下半年。
67年出生：寒命返學
今年為辛苦加思想投資得財年，寒命要以進修為重，裝備自己，而熱命、平命人宜以投資為主，大展拳腳。
79年出生：打工白做
28歲的你乃眾羊中工作最忙碌的一個，對從事收入不穩定工作的人士，收入可成正比；但上班一族則白忙一場。

真係正比得不得了!

91年出生：正西插竹
今年為貴人舒服得財年，還在求學的你今年考試運平平，要多加把勁，並可在今年正西文昌位，放4枝富貴竹助旺讀書運。
03年出生：特別嘉許
4歲的你可能只是考試或課外活動特別出色，甚至因幫助別人而受讚賞。

回光返照

眼瞓時沖個涼，即刻精神返晒。但係如果唔係眼瞓而係疲累，效果並唔維持得好耐。

大忙人

雖然依家工作量同收入成咗正比，但係都唔駛忙成咁呀~ 請人解唔解決到問題?

無聊

一份 use case, 要有晒 functional spec 同 data spec, 聞所未聞!

再者，用入 form 嘅 concept 去衡量 EDI 嘅 document 份量，真係荒天下之大謬! back-end process 要 screenshot? 你無嘢呀?

Real Player

RMVB, 一個又愛又恨嘅格式，大部份大陸翻釋影片 (日劇、動畫), 都係用 RMVB 嚟儲。唯一致命傷，就係外國大部份都係用緊 avi 或 mpeg (mpeg1,2,4) 格式，出品嘅 PMP, 電子相框，都係唔識播 rmvb. 識用電腦嘅人或者都 OK.

但係，個 LCD mon 俾到最盡咪得嗰 21 寸，想一家人睇或者俾唔識電腦嘅家庭成員睇，又要另想辦法。又係時間同金錢嘅選擇，一係個做 file conversion, 一係買個 VGA-TV Adapter 再拖線由電腦駁去電視。 今日行去深水埗睇過，的確係有 PMP 可以播到 rmvb, 但係無 TV output, 做唔到想做嘅效果。同埋，唔知個 processor 有幾強，去得到幾多 bitrate 同邊個 resolution 亦成疑問。就算去到 Xbox (第一代嗰隻) 級數嘅 processor, 聽聞裝咗 Media Center 之後睇到 rmvb, 但個 file 嘅 resolution 去到咁上吓 (底過 640x480) 嗰陣，亦會出現窒吓窒吓嘅情況。

所以，無 rmvb 嘅支援，就算電腦商場好多 HDD Media Player, 想賣出去都唔係咁易。只可以等大陸/香港同胞醒覺，唔好再做 DVD-RMVB 呢 D 笑話出嚟。

P.S.: 其實，放得片出嚟都係想分享，諗深一層，行多一步，可以分享得更全面。

Numbers Do Not Add Up

杜指星期五收報 13522.02, 跌幅 2.642%. 如果恆指比杜指跌幅多一倍，即係要跌5.284%, 咁上星期四恆指收報 29465.05, 將會係跌 1500 點，咁學者所謂嘅 800 至 1000 點係點嚟?

身痕

天氣開始乾燥，又係時候搽 Lotion.

決戰

考眼光時間: 今個禮拜嘅走勢，決定成個組合嘅分配。

自有留人處

兩個月前左右，講到劉偉恆做埋最後一個節目離開商台。今日睇返，咦?! 佢去咗做導演喎! 希望佢會係一個出色嘅導演，拍出好戲俾廣大嘅觀眾。

不一樣的台徽

廿年前，係 87 股災，亞視個 Logo 亦由平變紅黃轉成立體三色，再變成今日嘅立體加平面紅色。

P.S.: 地鐵同九鐵合併成香港鐵路公司，咁兩間公司嘅舊 Logo 係咪又變成歷史? 咁家陣最好係咪儲定 D 紀念品、車票等第日炒?

孝子賢孫

由朝燒到晚，唔通金銀衣紙未燒夠，拜山拜到連祖墳加成個山頭都燒埋俾祖先?

廣州之旅

199km/h 高速鐵路

酒店窗外夜境

回程之日落