大螃蟹與魚魚 5

差不多一個月，大螃蟹都沒有跟魚魚見面，也差不多有一星期沒有任何通訊。這算是空間嗎? 掛念是很掛念的，外面是堅硬的外殼，但內裏卻是脆弱的心靈。昨天，他們又再相遇了。

魚魚為答謝大螃蟹之前的幫忙，做東請客。很豐富的晚餐，飯後魚送了一粒很趣緻的零食給蟹，蟹很開心，回到家連忙拍照留念。很好吃，很甜，很開心!

昨晚，蟹錯過了很多機會，因為小小的潔僻，只送了一張空白的小咭片做書籤。綠燈在閃，也沒有拖著魚的手過馬路。只可以說，上天給你機會也沒有去好好地把握，大螃蟹註定要慢慢努力吧!

大螃蟹與魚魚 4

大螃蟹對 2 月 14 日的事情梗梗於懷，將本來要送的禮物都放在一旁了。聽了笨羊的勸告，將步伐放慢一點，沒有在生日帶出甚麼驚喜。這也是對的，魚魚這幾天也有很多事要煩，不再為她添煩添亂，事情也好解決。

等了一個多星期，大螃蟹約了魚魚，在她上班前放下禮物，便離開了。大螃蟹發現，原來愛一個人，並不需要長時間相對，只要見到她的一個笑容，就會感到滿足。而她的笑容，的確很可愛、很甜美。

大螃蟹與魚魚 3

糟糕了，時間拖得太久，大螃蟹開始原形畢露，變成被動的位置，甚麼看影畫、吃晚飯、看夜景，活動都安排得很好，但是，大螃蟹該多說兩句話吧! 在女孩子面前，別太節省，要錯過機會的!

大螃蟹與魚魚 2

大螃蟹與魚魚相約在黃昏，欣賞無限好的夕陽。可惜，天公不造美，大螃蟹最後也見不到魚魚。可以做的，只有在牆上用鉗刻下對魚魚的思念，再送給魚魚。

天將降大任於斯人也...(下刪數十字...) 大螃蟹要再加油吧!

大螃蟹與魚魚

在 05 年夏天，魚魚在大海中撞了一隻大螃蟹，大螃蟹正好悶著，跟其他的海洋生物堆沙丘，魚魚便跟大螃蟹談起天來。

時間一直過去，不知不覺間，大螃蟹被魚魚深深的吸引著。半年後，大螃蟹終於跟魚魚說：「我喜歡你。」大螃蟹，可以得到魚魚的青徠嗎?

李克勤要結婚了

李克勤，一位陪住我成長嘅歌手。今晚嘅勁歌頒獎典禮，宣佈會同盧淑儀小姐結婚。一個好多人等咗好耐嘅日子，而我，亦好開心。

鐵路A計劃

小弟第一隻沉迷嘅 PC Game, 就係呢隻「鐵路A計劃」。嗰陣佢每次入 game 都要打密碼，本 manual 後面就有一堆深底色嘅黑字密碼，有一塊紅色透明膠片去令到 D 密碼易睇 D. 小弟到最後用 word 打咗，print 埋出嚟抄俾同學。

前身為鐵路帝國, 一款由日本Artdink公司所製作的遊戲, 卻讓Maxis破例代理發行, 可見其魅力之所在. 在國內由電腦休閒世界(軟體世界子公司)代理並中文化, 在國內引起熱烈的迴響. 且中文化的版本多了高雄場景, 讓遊戲更有親切感. 遊戲中你要從一片荒地慢慢的開發, 既然名為鐵路Ａ計劃, 當然就是要靠鐵路來促進發展囉. 各種大大小小的建築物發展都需要材料, 因此鐵路的規劃就變成非常重要的一環. 遊戲中還有股票機制, 你也可以靠股票大賺一筆. 除了畫面精美外, 遊戲的音樂非常的悠閒, 而且還有日夜變化. 看著高樓慢慢的蓋起, 各種不同的火車穿梭而過, 那種成就感真是難以形容啊... 後來又推出一款"鐵路Ａ計劃～開天闢地篇", 也是由電腦休閒世界代理並中文化, 可以自由編修遊戲中的各項設定.

http://boneash.oldgame.tw/Pc/pcgame-st-8.html

回憶

前排响 newsgroup 度 post 咗一篇懷舊嘅文，先發現有好多往事可以回味。所以，得閒嘅時候會寫日記之餘，呢度都會寫少少懷舊嘅文章。

Online Game 淺談

大家都知 Online Game 係點玩，但係又知唔知點解咁吸引呢? 收月費嘅，個個都知點賺錢，但係 D 免費嘅 Online Game 又係點賺錢呢?

以小弟玩緊嘅「熱血江湖」為例，又要 set 一堆 server, 又要不斷咁加 feature, 又要唔收錢。你會唔會肯投資? 今次先講吸引力，下次再講賺錢方法。

其實 Online Game 不外乎打怪獸、練功、升級、解任務。隻隻 Online Game 都係咁，玩與唔玩，就要睇幾樣因素:

1. 宣傳、口碑 - 第一當然要俾人知道先
   
2. 入場費 - 當然通常都係好平，吸引玩家
   
3. Server 質素 - Server 如果好 Lag, 就聽執都得
4. 人物畫功 - Q版、大人版，可愛、恐佈任君選

呢幾樣就差不多決定有幾多人入場玩。好喇，跟住就要取決於隻 Game 嘅控制有幾復雜，即係如果攪到好似 Doom 咁幾百個制，又攪到頭暈眼花，真係幾難留得住人長玩。

• 一開始，打怪獸最緊要易打，俾咗滿足感人，升級又快嘅，咁玩家自然有快感啦！
• 跟住一班人又可以組隊打怪獸，交朋結友嘅因素，已經係一個好大嘅誘因(例如叫埋自己好友一齊玩，又或者同另外一半一齊玩)。其實，如果計經驗值度計得好，可以令人感覺升級升得快 D, 咁咪可以今到呢班人定時定候練功。
• 到解任務，獎品同獎金唔少得，任務同任務之同嘅關係 set 得好，令到唔解任務唔得，咁當解任務後，又有滿足感俾玩家。
• 升到某一級時，可以開新門派，做掌門，呢個就無得頂。
• 當然，賺錢係每隻 Online Game 都唔少得嘅項目，開舖頭係一個好大嘅誘因。

總括嚟講，一隻 Online Game 可以吸引到唔同嘅人:

1. 升級
2. 交友 - 我見過有人不斷將寶物送俾人去建立友誼
   
3. 賺錢

呢 D 都係可以帶俾玩家嘅滿足感，當加入埋競爭原素，咁可能有玩家見到另外一個人嘅攻防皆強，就自然想急起直追。而商機，就係响呢度出現。

雙羸

話說我舊同事間公司要做一個 system 去 keep track 一 D vendor 報嘅價。本來係要搵 freelance 做，我就無時間，推咗。但係就醒起可以俾公司做，就叫個 IT Manager 直接聯絡我。

咁上咗去佢哋公司了解完個 requirement, 我哋又報咗個價俾佢後，間公司又 OK 喎！依家我公司又有生意做，我又可以分到佣。有時獨食，真係難肥，但係退一步，係可以做到雙羸嘅！

ICQ

小弟有個怪癖，就係得閒時去睇人哋 ICQ 嘅 Info. 我覺得 ICQ 嘅 Info 係一個表達自己嘅地方，係人都睇得，但係你又唔知有無人睇。人哋睇完，可能笑一笑，就行開咗，又唔會去追究你寫過乜。所以，我自己寫嘅嘢，好多都係內心嘅 說話，又唔想同人講，但求有個知音人睇完，問候吓，就已經心滿意足。

生意

故名思義，生意就係求生嘅意志。蝕本生意，好明顯唔係生意。所謂創業難，守業更難。諗到一個 idea, 再實行埋，但係唔知賺唔賺到錢，又係咪一盤生意呢?

如果投資唔大，又唔係靠佢開飯，無乜風險，的確可以一試。唔係嘅話，最好都要做好市場調查，睇吓有無咁嘅需求好 D 喇！

理財

好多朋友都無好好咁理財，亦都無打算去做任何財務計劃。其實，好多事都同錢有關，結婚、生仔、供樓、退休等等。唔通真係等要用嗰陣先諗?

又或者可能有少少計劃，但係不得其法，例如放晒入銀行，又或者倚賴保險。到最後，達唔到任何目標，得個煩字。係咪都應該題醒吓朋友點做一個好嘅財務計劃呢?

星座

筆者係一個相信星座嘅人，雖然未致於素有研究，但亦略懂一二。點解會信呢? 睇返自己同身邊嘅人，都同星座所講嘅性格非常吻哈。

就好似娘親咁，係非常主觀、發嬲時唔係人咁笨嘅獅子座。而其中一個好友呢，就係做事好積極、有時有少少衝動嘅白羊座。而自己，就係比較內向、用外殼保護自己嘅巨蟹座。我諗星座所講嘅嘢都有七、八成準，點都叫做有參考價值。

但唔講唔知，巨蟹座同白羊座其實唔係咁啱，但係我同呢位朋友就非常要好。呢 D 就係之前所講嘅「緣」。

憎

憎，一個可圈可點嘅字，每人嘅定義都唔同。唔鐘意可以叫憎，討厭亦都可以叫憎。但係乜嘢定義都好，都係負面嘅。但係，我哋又需唔需要去憎一個人呢?

如果一個乞你憎嘅人，係朝見口晚見面，你憎佢，就好似罰自己咁。一個你唔識嘅人得罪咗你，你憎佢，你又唔會記住，憎嚟都無謂。

與其去憎一個人，不如正面一 D 去發掘一個人嘅好處。多了解，體諒，對自己又好，話唔埋隨時多個朋友。但如果你真係好憎一個人，亦都搵唔佢丁點好處，咁就唯有避之則吉。

嗌交

剛剛睇完套日劇，指兄弟姐妹之間嗌交係平常事，獨生嘅呢，就無乜機會同人嗌交。嗌交，正面嚟講，係兩個人毫不忌諱咁表達自己嘅諗法，語氣比平常重。但係，點解會同人嗌交呢? 有乜人會同你嗌交呢?

一個同你嗌交嘅人，同你熟係好重要。同你唔熟，可能你連嗌都費事。你可以為一個人著想而同佢嗌，可以為芝麻綠豆嘅分歧同佢嗌，甚至為嗌而嗌。嗌完一場交，當日可能有 D 唔舒服，但係第二日，又可以玩到攪埋一堆。

以前，啊哥未去英國之前，兄弟間係經常嗌交，甚至打交。到啊哥去咗英國，就同朋友嗌。讀完大學之後，返到嚟香港，就收晒火喇。可能好珍惜依家嘅朋友，唔想傷和氣，所以唔想嗌。

朋友 - 緣

呢幾日諗緊一個難題，話說有個朋友，中學識嘅。我無同佢同過班，剩係同佢一齊讀過一個星期先有兩堂嘅 Computer Studies, 但係就偏偏係依家最老死嘅朋友。

我今日都問過佢，但係佢都解唔到究竟我哋點樣熟絡。我諗唯一解釋到嘅，就係緣。緣呢樣嘢好奇妙，只要時辰一到，擋都擋唔住。無嘅話，真係住响隔離，甚至做埋同房，都唔會識到。

我呢，人緣就幾好喇，但姻緣就嘛嘛。