曾特首派糖

廿幾萬一個副局長，十幾萬一個政治助理。但特首又唔係普選產生，乜人都係你委任，咁邊個授權俾你做委任? 呢 D 唔係政治分贜係乜?

X M L

繼父類後另一傑作，xMail?!

是日不宜出門

直通車無晒，又買唔到 9:30 高鐵車飛，唔夠瞓又要响個客嘅 office 吽坐。唯有將時間等價交換，返到酒店先做嘢，但到想沖涼個花洒又怪怪哋。但一切都已經過去，希望在明天。

假人

如果做事口不對心，剩顧客套說話而唔講實際事情，就只有為人家帶嚟麻煩。

如果麻煩到你嘅老闆，長遠而言無乜出路，因為好多時機會得一次。除非，你真係幫你老闆賺到可以 cover 到你麻煩帶嚟嘅 cost.

鬼影

一隻白厭鬼加手震嘅效果

公德心

香港人自已無公德心，仲可以要求自由行 D 乜嘢呢?

動真格

進一步套現，將今年所買入嘅都賣晒，究竟會係啱定係錯?

多事

係唔係唔應該多事? 用錢去解決人嘅問題，其實係咪好嘅解決方法?

Cost 的確係唔駛我計，但用錢去應付一個唔知足嘅人，都幾危吓。希望今次行動係值得嘅。

或者，我係咪應該响意外發生前，去 train up 其他人，以備日後不時之需? 可惜嘅係，我控制唔到出發日期，曾經許下出發前為其他人裝備嘅承諾已經落空。可以俾我多 D 時間嗎? 唉...

政治禁語

政治上有 D 唔掂得嘅事件，外國有納粹，日本有原爆或靖國神社，台灣有228事件，中國就有民革同六四。

隨便引用呢 D 事件做比喻，係政治自殺。曾特首，今次你真係上晒腦，有民主，跟本就唔會有民革。亦唔好忘記，民主係需要有教育去支持。民革，跟本就係農民盲目擁護獨裁者嘅結果，同民主跟本係風馬牛不相及。

哈囉喂

行頭入鬼屋嘅一定唔會驚，因為工作人員嘅出現到你嘅經過有 reaction time, 反而你係一個 signal 俾工作人員去嚇你後面嘅人。

今晚去到最後鐘馗捉鬼都幾 ok, 唔係行第一個，氣氛亦好夠。

唔等

有 D 事，無可能等人齊去做。我決定聖誔去澳洲。
十月拎車牌
十一月要行使金牌路路通 + 請假 + 預訂相關活動
十二月拎埋個國際車牌

無嘢可以阻止到今次行動，實在太耐無放過假，一於用 20K 豪玩!

如果

我需要一份更好待遇但自己唔開心嘅工嗎? 都有幾年未問過自己，應該兩年內都唔駛問住。呢條問題，如果注意用字:
1. 呢份工嘅待遇唔算差
2. 自己亦做得幾滿意

如果我今日辭職:
一個月後，我可能搵到份待遇更好嘅工
我可能可以做返我鐘意嘅 development
我可能會更加忙
工作環境可能好政治化

但係我失去嘅係一個合作咗五年嘅團隊
一個信任自己嘅上司
一個有得發揮嘅罔位
一個可以瞓到九點都可以叫做準時返到工嘅 office

第一條問題跟本唔係一條 valid question. 如果條問題係，我應唔應該冒險出去再闖一番事業? 呢個就係非常值得思考。

蠢事

今日返廣州，出境嗰陣，明明有個 counter 無人排隊，我都走咗去 e 道排，完全唔掂!

Sonic

出現於 Smash Brothers:
http://www.smashbros.com/en_us/characters/sonic.html

東京鐵塔下

如果 gulugulu 變成 kerokero, 首歌會變成點?
http://www.youtube.com/watch?v=KcW-QIoSGjY

海下之旅

星期六去咗潛水，朝早試個 housing 之餘，亦無嘢睇，好多海膽，唔敢游埋去睇。下晝帶咗部 cam 落水，有多 D 珊瑚，都 ok. 拍咗一個鐘，唔係太熟點操作，唔識 zoom, 嘥料，唯有下次再嚟過。之前幾日，又係落過雨，水質又唔係咁好，香港潛水好失望，決定十二月去澳洲。

回程發現一件有趣嘅事，就係自己可以花近 90 蚊由西頁搭的士入黃石碼頭，但係就唔想搭 8 蚊嘅小巴由灣仔返屋企。依家諗返，其實係覺得唔抵。90 蚊可以惠及 4 個人多瞓半個鐘，即係 90 蚊買兩個鐘，何樂而不為。8 蚊搭小巴? No way! 8 蚊可以過海去尖沙咀囉~

公平 vs. 自由

睇完星期二檔案講公平貿易，究竟世貿係咪廢嘅呢? 自由貿易理論上就係令所有 barrier 減至最底，咁大家都買到平嘢。但係點解歐美政府可以用唔同藉口嚟响農民補貼，變成不公平貿易嘅出現?

而所謂嘅公平貿易，反而係價格操控?! 究竟經濟嘅理論，係咪跟本唔 apply 落現實度?

蝴碟效應 10

Butterfly Effect 總恬嚟講就係因為一個輕微嘅變化，而引致一個重大嘅改變。今次個重點，唔係個效應本身，而係想講一講超時工作 (即係 OT) 點樣改變香港人生活模式。

人事篇:
理論上，OT 可以代表兩件事:

1. 多嘢做
2. 低效率

我諗，無人會覺得自己係後者，咁多嘢做，又係咪多勞多得呢? 加薪、雙糧、年終花紅唔會無份喇啩? 真係無，咪搵過第二份，咁人事上會唔會好唔穩定? 中層管理人又有幾多時間去 train up 一個人? 公司長遠又可以點發展?

有說「鐵 衙門， 流水 官」這是管理問題，真正落手做嘢，人人週圍走，跟本做唔到 D 乜，永遠低效率。

Cluster

Facebook 嘅唯一用處，係觀察各人嘅關係，會有一 D 意想不到嘅發現。包括你嘅中學同學係識得你嘅小學同學。

健康

唔好為公事而捱病，公司唔會養你一世，但身體會跟你一世。
縱有千萬財富、名成利就，都不及身體健康、生活富足來得實際。

小跌

今日成日出咗街，無時間睇市。到搭地鐵時，先見到話今日跌咗，但跌幅唔大，只係將噚日升嘅拖低返少少。

平保上個月放咗，靜待時機再入返，並維持月供。以逸代勞，將時間變成財富，無時間睇個市，咪買基金。

宏利開始想跌，但呢隻太穏陣，唔想攪佢。

總之今年已經達標，以不變應萬變，搵返我搵到嘅錢 (即係工作，嘻嘻)

無厘頭地 700

响一個無期望嘅地方毫無準備地將數字推上 700, 可惜我好快就要離開呢個地方。

大象又一傑作

我終於知點解永隆將證券同銀行嘅 portal 分開... 家陣想 check 個戶口 balance 都出事。

國歌

先不論國慶有乜好慶祝，今日成日都聽到「中華民族到了最危險的時候」，其實都幾大吉利是。或者，國家係响災難時成立，但今時今日仲用呢種歌詞，四個字:「不合時宜」。除非好似當年黃子華所講:

你地居安要思危，居危又要思危，咁安嚟做乜鬼嘢呀？喂，你居安就係唔想思危嘛，咁你居安就要思危，咁董建華就係話左俾各位聽，你哋安極有限啦老友！

再見皇后

繼皇后碼頭，皇后戲院又要拆，唔知皇后像廣場會唔會成為下一個目標?

好大戲功

二萬人耍太極為咗破紀錄賀國慶，烈日當空無遮無掩去晒足成朝，唔變人乾就奇。下次麻煩要所有主辦單為嘅負責人一起去做，仲要最後離開會場嗰隻。

6-4 定律

假設:
1. 鐘教授嘅調查係 well-sampled
2. 支持勞永樂嘅人亦會支持泛民
3. 今日投票

陳太已經得到六成嘅選票。

夜鬼症候群

都市人生活多姿多采，產生左唔少夜鬼。其實夜鬼，係分兩種:

夜鬼一型 - 太多嘢做
包括應酬各界朋友、被各項興趣吸引 (例如上網)，就算好眼瞓都好，都迫自己唔好咁早瞓。解決方法就係去學識放棄。

夜鬼二型 - 生理時鐘出現問題。
一日可以當廿六小時運作，即係夜嗎嗎好精神嗰隻，每日要被迫瞓少兩個鐘去遷就廿四小時嘅物理限制。解決方法就係去調整生理時鐘，迫自己早瞓，等身體習慣。但要持之以恆，否則，一個假期可以破功。

兩種夜鬼其實都係沿於時間唔夠用，只係一個唔夠用嚟做自己嘢，一個唔夠用嚟瞓。

Crying in the Party

當响電台度聽到「熱播的歌...」就好自然咁想聽落去而唔會覺得悶，呢 D, 就係功力，曲詞唱缺一不可。

有人聽歌，只聽旋律、韻律，呢類人，要聽嘅，係古典音樂。亦都有只睇歌詞嘅人，詩詞比較啱佢哋。
或者，歌曲本身係一個令人放鬆嘅工具，只要達到呢個目的，就係好歌。就好似我唔識欣賞 Jazz 嘅韻律，或者係 LMF 嘅粗口歌詞，就算內容幾咁有內涵，我都係接受唔到。

今次，小田、Wyman, Eason 係一個好嘅配搭。

各施各法

有人鐘意大上大落，有人鐘意穩穩陣陣，賺到唔夠買驚風散，唔係我杯茶。當今股市進入亢奮狀態，個個都係股神，賺幾倍嘅人大有人在。但自己知自己事，呢 D 錢就好以係六合彩咁，要點石成金，唔係我賺嘅，亦唔會去恨，都係响跌市嘅時候先見到真章。以機會率嚟計，依家升嘅機會係異常地高，就好似買大細時將大嘅定義改變成大過三，係人都識點買。

今日做月結嗰陣，發覺原來份中國基金唔理唔理都幾 ok. 因為基金價格要差唔多成個禮拜先出現，所以急，係無用，其實係咪都應該再諗諗? 輕鬆理財。依家我需要專心開發事業，唔應該用太多時間去睇個市。始終，一份穩定嘅收入比高回報嘅投資嚟得重要。

不唱的歌手

唔知幾時，識得作曲嘅歌手叫人「唱作人」。但係食字食到有語病，就唔係好應該，突然間又有一個名詞叫「唱作歌手」。歌手好明顯係要唱歌嘅，試問如果只作不唱，就只會叫做創作人、填詞人、作曲家之類。係普通話出事嗎?

培訓

Biztalk, SharePoint, WF/WCF/WPF, Software Factories... Microsoft 成 n 咁多套組合，我又點會識得晒呢~ 好自然就會諗起呢句:

"[I] can only show you the door. You're the one that has to walk through it." - Morpheus, The Matrix.

我要開始分配好各人嘅 specialization, 就好似當年咁，斷層始終唔係一件好事。

珍惜

如果响公司制度下以一個打工仔嘅心態去工作，一定唔會成功。我都唔會咁蠢再開口提 D 唔應該係我提嘅嘢，反正小弟唔等錢洗。

百萬雄師目標要求已經達到一半，但 office 無多餘嘅空位，可以再請人嗎?

CTO 之路

呢兩日出去見客，每次開完會之後，上司都會不斷傳授做生意/做人嘅手法。黃金週後要面臨一個考驗，單就簽咗，希望可以順利完成。

希望可以早日完成目標。

香港良心 vs. 孽瘤

個 title 一出嚟，就已經知道誰勝誰負，唔好以為响美國讀完書返嚟，道個歉，就可以當無事發生過。

- 港島區選民 -

出手

經驗值錢嘅地方就係當其他人攪嚟攪去都唔係好攪得掂嗰陣，就係小弟出手嘅時候。

下等 programmer 只會抄，上網見啱駛就用，完全零思考。
中級 programmer 只管用，為求行到就得。
上乘 programmer 會了解，將知識靈活地融匯貫通。

論寫 program, 小弟就只係屬於中上，皆因已經無時間再俾我去了解晒全部嘢。

Cheesecake 冰皮

上年試過大班嘅 Cheesecake 味嘅冰皮月餅，真係好正，今日七點離開公司想搵吓，但係已經賣晒。

响 Sogo basement 行咗個圈，睇落味道 ok 嘅，就只有榮華嘅冰皮，買咗 mocha 同杏仁苿莉，mocha 味道太濃，麻麻哋。聽日試埋另一隻先。去經過地鐡，見到美心竟然有 wasabi 味?! 肉鬆味... 點食呀!!! 聽到都覺得唔對路。月餅，味濃會嫌溜，甜度做得到清香嘅感覺為之 very good, 呢方面嘅口味，好似都係大班做得好 D, 起碼綠豆同 cheesecake 唔錯。

新玩具

噚日終於買咗 HD2, 今日出街週圍影去睇睇個效果。結果係無太大驚喜，auto focus 比想像中慢，處理灰階出現咗 D 差嘅 compression artifact, 影相嘅 noise handling 麻麻地，相嘅質素同 casio 差唔多，但勝在夠細，一隻手就控制到晒成個 panel, 但當然都係建議用兩隻手會好 D, 用 720x480 都錄到七十幾分鐘嘅片，加加埋埋兩個鐘左右先至開始 low battery, 但總括嚟講，可能 dvd recorder 嘅質素會比較好. 搵日有機會可以試吓 1024x720 會點。

前程似錦

一位舊同事要離開香港，去星加坡開始人生新嘅一頁。

唯一選擇

可潛水有 mpeg4 舊電又 ok 兼用 SD card, 就只有 HD2. 係時候出手。

超買

如果聽日仲係大升，一定要放!

邊個 under 邊個?

Under 公司嘅新制，機本上都係 under 返公司。除非接到單，又肯去孭人，咁個人先係你嘅。Otherwise, 無理由去埋怨公司調走原本 under 你嘅人。

Excel 有 Bug!

Platform: Windows XP
Version: Excel 2003

1. Merge two cells
2. Enter multiple-line content until word-wrapping happens
3. Copy and paste the content in the same cell for 10 times

Expected result: All lines are wrapped properly
Actual result: Some lines are not wrapped

牛油爆谷

自從响美國返嚟都無食過，因為一向都唔係咁好咸味。今晚响公司度叮咗包嚟食，發覺又 OK 喎，唔覺唔覺，又食咗半包。

When Big Two Collide

兩大巨人合併，會有乜嘢事發生?

Smash Brothers

可以上網玩，正!
http://www.smashbros.com/en_us/gamemode/wi-fi/wi-fi01.html

新世代

Psyduck 同 Jigglypuff 响 Johto League 度係攪亂檔，今日睇完呢幾集，發覺原來係咁好打...

Gotta Catch Them All!

好耐未煲過 Pokemon. 依舊係 Advanced Battle, 但 Hoenn League 完畢，最後幾集係 Battle Frontier 序章。Jigglypuff 同 Psyduck 將會出現? 期待!

死角

squeeze 個 schedule, 將人掏充，幾年後，又嫌人家無熱誠、成日睇醫生。

將健康換取時間，無論當初幾有夢想，到最後都唔會有熱誠。將時間乘以大過一，到最後，就好似依家咁，一個長達幾年嘅斷層，再唔去投資，所斯待嘅 growth 就會凍過水。更何況，幾年前就話要 cut cost 去 OT, 到今時今日，呢支笛仲有無新人聽? OT, 同係咪做得 professional 又有乜關係?

呢個狀況，我要去改變。

動力火車

兩隻保險股，成為組合嘅動力火車。唔知開心好，都唔開心好。實在太貴，買唔落手。係時候搵過第二隻優質股。

採花大會

採花，係一種唔要得嘅行為。中秋節維園就一定無「採花大會」，只會有「綵燈大會」。依家 D 人真係...

面書

唔明有乜作為，完全唔明...

6 年

911 事件六週年，沒有特別的感覺。當年有如切膚之痛的傷感，今天已被生活的忙碌埋沒。是時間沖淡一切，還是工作令人麻醉?
假如當年人在紐約，今天的我又會如何?

玩死自己

中美貿易戰，中國出口貨物品質有問題，被歐美國家大做文章。到最後，消費者無信心，D 貨銷唔去，自己又要攪一大餐。

Oh My Goodness

陳水扁... 原來係國民黨黨員... 但係係「失去聯絡」嗰隻。

650

又計錯數，雖然都係差少少，但係差少少，就係 650. 其待 700.

長週未

先係瞓禮頸，繼而撞傷隻眼。眼科醫生話要抖三日隻眼就會唔痛，就咁令我有一個長週未。當然，email 之然要 check, 唔係真係所有 project 停止運作。

P.S. 平時都係除眼鏡做 aerobics, 估唔到今次一戴眼鏡做就攪成咁...

五年等待

當 USB Drive 細到好似銀仔咁，可以袋得落銀包嘅時候，就係我買 USB Drive 嘅時候。呢句說話我講咗成五年，亦都等咗五年。因乜事呢件事要等耐呢?

A380

經典宣傳鏡頭
九月難忘嘅一日

惺惺作態

之前又放晒風咁，家陣又份晒激動，做 show 做得好差。

日本靚仔

點解日本可以出咁多靚仔? 尤其 Johnny's 事務所，有堂本剛、瀧澤秀明，睇完野豬後，又迷上咗山下智久。剛睇完欺詐獵人，遲 D 再睇求婚大作戰。

風雨飄搖

呢個月真係大起大落，中國基金未見到今日嘅價唔計住，今個月非常之波動。都好彩，响無大動作之下，都有 6% 增長，可喜可賀。

可惜嘅係 MPF 成績好似強差人意，大跌之後仲未返返去月頭嘅價值，仲要係已經計埋今個月嘅供款，HSBC/恆生系嘅 MPF 嘅成績好唔掂，係未 update 定係點呢? 就等你禮拜日會唔會 update 睇睇。

今個月會有額外收入，出糧後嘅現金水平都頗高，可以行街 shopping, 可以選擇買多一手嘅宏利，可以等待時機嘅來臨。但洗錢嘅季節已過，要買嘅上幾個月都買得七七八八，唔多再駛行街。宏利 D 股息又要同加拿大政府分，唔多著數。暫時最好嘅選擇，依然係用時間等待，以逸代勞。

向 650 的一天出發

多謝各界支持，成功突圍 600. 估唔到短短嘅四個月內做到我以前要用兩年做嘅事。

體能訓練

第一次做，之前無食飽，做得好唔暢順，感覺完全唔掂，下次要食飽 D 先得。

野豬大改造

好耐未睇過描寫友情同人際關係嘅劇，好正! 青春無敵，真係好希望可以返返去讀書嘅日子。

一個冷酷嘅人，係咪都要有一個熱情嘅人响身邊做朋友? 冷酷嘅人都會嫌熱情嘅人煩? 熱情嘅人又會有方法令冷酷嘅人接受佢? 熱情同冷酷嘅角色又有時會調轉? 當朋友要離開，又會唔會經常做 D 以前一齊做嘅事又或者學佢會做嘅事去懷念佢?

冷酷，可以裝出來，但熱情卻只有用心去感應。熱情的人可以溶化冷酷，但冷酷的人一樣可以催毁熱情。誰勝誰負，就只有時間可以証明。

盂蘭節

每年呢個時候，街上面都會見到 D 起勢咁燒衣紙嘅人，又臭又唔浪費又唔環保...

優勝劣敗

經過今個月，手頭上 provision 緊嘅股票嘅質素全部現形，正考慮加碼月供平保，再遠離大市，學習各名人實行懶人投資法。

Training

實行新人培訓大計，每月一 topic.

成長

今日個細嘅 Present 得麻麻哋，但係大嘅叫我唔好救。唔通，係想我開始催新人成長?

交功課

今日 Discuss 個 case 終於俾 MCS 嘅人發落，話做 stress test 唔可以有多餘嘅 assumption 喎... 鬼唔知啊媽係女人咩，但要 generate 全港嘅 traffic, 我哋呢 D 公司仔點做呀! Bottleneck 係睇過之前 internal network 嘅 test report 都知唔係响個 system 本身。除非你話一部行 Pentium D 3.4 GHz 嘅 Linux server 會比一部 Intel CoreDuo 1.8 GHz 嘅 Windows desktop 差，咁我無話可說。

唉，你要交功課，我咪又交功課，俾個下台階大家囉! 你唔醒水係都話唔得嘅，對唔住，幫你唔到，除非你俾到一個 feasible 嘅 solution.

Are we ready?

咪記嘅人又上咗嚟傾 partnership 嘅 model. 同上司傾咗陣，原來佢一直無洞悉到成個 core team 嘅心態。大家都 tends to play safe and grow organically. 即係得一兩個人有共識為公司好係無用，要成 team 人都為公司好先得。結論係，we are not ready to grow too fast, even we may be backed by the giant.

資金

今次調整，手上嘅股票大部份都 100% 回復至月頭水平，宏利同平保仲有微升添。MPF 就唔知，HSBC 系係兩個禮拜 refresh 一次，無得 check 住。再睇返中國基金，原來上星期五都跌得幾金吓，又唔駛再諗住。

今日發現，資金原來唔係無，係個人懶，遲遲唔去入張支票。Anyway, 時光一去不返，何況，有錢亦唔等於有時間睇住個市，一於靜觀其變。道指 200 天平均線守到，50 天平均線衝唔衝到上去呢? 關前莫擺陣，小心睇位入。

Timesheet

世上最麻煩嘅事，填 timesheet 可以話係其中之一。要花時間入之餘，計出嚟嘅又唔係真正嘅 cost. 你話有 OT 要計就話啫，OT 又無額外開支，都唔知填嚟做乜... 今日仲要俾埋位上司入，話細嘅會學大嘅，不論好壞云云。

預言家

對於股市，總有不少預言家。有一位移居美國嘅朋友，响年半前返嚟香港，話美國樓市將會好唔掂，會完全退出股市云云。年半後佢又返嚟香港，就當然覺得家陣跌係應該啦!

但計落條數，如果跟佢全退出，你估下場會係點? 以宏利嚟計算，大慨係 230 蚊左右，上星期五經過成個市調整後有 274 蚊，有足足 20% 嘅差別。今次大跌市，小弟嘅 portfolio 都只係跌咗 5% 左右。計落，都係我羸。所以話，投資嘅嘢信自己好! 自己為自己做嘅決定負責。

再睇返圖表，就算剩計美國嘅 Dow Jones, 都只係跌到去 3 個月前嘅水平，香港人熱愛嘅匯豐係 5 個月前，中資金融股係兩個月。

重點係，預言家講嘅嘢一定會中，但唔知係幾時嘅。我始於都係信「貨幣＋心理＝趨勢」多 D. 如果要我為此做一個小預言，如今要各國央行同 FED 大量供水，但人心似乎未夠穩，相信要牛皮一段時間，先可以再決定趨勢。

說穿了，要理解股市，原來係一科 Behavioral Science.

P.S.: 以 8 月 1 號做 reference, 宏利抗跌能力不俗 (4.5%)，隻中國基金亦唔差 (2.5%)。其他中資股就差唔多無咗 10%, 但都無跌穿買入價，呢個組合，小弟好滿意，強烈考慮再買入中國基金。

P.P.S.: 匯豐/恆生嘅 MPF, 分別無咗 7.6% 同 5.8%, 表現強差人意。

錢從何來?

FED 下調息率 0.5% 大開水喉去救市。
如果財務公司肯借平錢俾小市民，我估一樣可以托市。

鋪田

要鍛練肌用，就要有原材料: 蛋白質
雞、魚、蛋、豆類制品不可缺少

五行欠水

大跌市但無資金，嘥晒。有錢但今日唔去執嗰 D, 唔好呻。
成手貨遇著跌市嘅感覺，無乜特別，個個都知投資梗會有升有跌，一日未吐現，勝負未定。如果佢可以跌夠二三十年，咁跌到渣到無我又心甘命抵啫。

如果，呢個跌市可以响半個月後發生，今年我個 portfolio 又可以升唔少，但唔係我要賺嘅錢，無所謂啦! (嚴重酸葡萄 feel~~~)

缺點

要 sell 一個客，就係當個客係乜都唔識，呢個係知道咗好耐嘅事。但係實行起上嚟有困難，好多嘢講得太深入時，個客唔明，就會變成缺點。無論個客有幾 hands on, 太過 detail, 會令佢多咗一個難題，但你上去 sell 佢，本來係為佢解缺問題。唯有去觀察識 sell 嘅人點 sell 去改進自己。

檯

廣東話嘅「檯」有兩種用法，各走極端。人家喜歡可以將你擺上神檯，有鑊又可以擺你上豬肉檯。
同大公司合作，都真係要小心，佢肯搵你當然開心，但係有乜唔對路，背後都真係幾論盡。唔係驚你識嗰 D, 係驚你唔識嗰 D.

公司剛剛拎到個 Best .Net Consultant Partner, 係其中一個例子，Discuss 個 case, 係另一個。Infrastructure 嘢，始終制唔過，一定無下次，LAMP 算數，起碼無政治風險。科學家相信數字，但普通人相信感覺。又係 decision making 堂嘅第一句: "human is retard." 跟本就係借題發揮。錯，就錯在我無 check 清楚個 test output, 「一子錯，滿盤皆落索」。

Uwants

Uwants 竟然要賣廣告?! 仲要係响電視同電台賣，都真係有錢得緊要。

無死錯人

一切，都响計劃內，今次都計得幾準。
新人開始發功，可以另外培育下一位，令新人可以 production 到，係呢幾個月嘅重點工作。
Project, 有煲緊嘅、有趕緊嘅、亦有開始埋單嘅，呢個，就係成個 pipeline, 到今日，都叫做 pipeline 得幾好。所謂貨如輪轉，客似雲來，就係要咁。雖然唔係賣實貨，但賣嘅係 service 亦都唔錯。

煲 Case

呢排煲好多 case, 同大老闆傾過，原來有好多美國嘅 case, 都係煲左成年幾兩年，香港就真係做唔到，個幾月都已經當無咗。

工人遇著兵

噚日响灣仔搭巴士返屋企，响中環一段塞咗一陣車，睇新聞，先知道出咗事。

「秀才遇著兵，有理說不清」咁工人呢? 當警察、高官等公務員享受住高薪厚祿，工人們卻响高時、低薪、開工不足嘅情況下生活。當連一個人有手有腳但生活無安全感，圍一可以做嘅就係表達出嚟、爭取權益。張建宗叫克制係無用，家陣係開唔到飯嘅問題，開唔到飯，自然要求生，叫你出嚟見吓面接吓信你都唔肯，連特首要求嘅「走入民眾」都做唔到，都唔知你做乜嘢勞工及福利局局長囉!

This is a death or alive issue, not a game play! 如果要顧及甚麼遊戲規則，你係响度草菅人命。

呆滯嘅一天

五點瞓，十點起身，雖然八號波，但返到屋企繼續作戰，終於完成要完成嘅嘢。唔夠瞓，個人好呆... 下次，都係唔好夜媽媽手痕開工，越做越精神!

時間=金錢

呢幾日手痕，想重拖故技，玩吓窩輪咁。但呢個禮拜實在太忙，有時間睇價但無時間賣貨，所以呢幾日升咗無賣到出去，好彩係閒錢啫，就睇吓到期前次按呢鑊嘢仲可以拉到個市幾低。今次係 FA 將 TA 擊敗，但我依然相信 regression 呢回事，恆指就話仲有空間去 250 天平均線，但 5 號仔再跌，就真係變長跌，我就真係搵定錢入都得。

Anyway, 呢幾日個市又高又低咁，我個 portfolio 又跟住走，真係小 D 定力都唔得。不過忙人有忙人好嘅，一於唔理個市，等個佢自動波，橫豎今年已經做到最基本嘅 15% 目標，再升上去都只係 bonus. 將個人投資轉為被動，主力開拓自己嘅事業，準備好資金再投資，讓金錢為自己工作。

P.S.: 記得《一個投機者的告白》提過「貨幣＋心理＝趨勢」，如今市場無錢，亦非常憂慮，個市會跌一排，其實係應該。

與神共聚

美國同學返嚟香港，俾佢點咗我去安排... 麻煩，佢仲得閒過我又有乜理由要我去安排?! 最後嗰刻，咪又係佢自己 take over 返!

今次嘅主角，就當然唔係佢啦，事關上個禮拜已經見過。今次最主要見吓個就結婚嘅師弟，同好耐無見嘅女玩伴。好懷念當年同佢玩 N64 嘅 Smash Brother, 希望遲 D 可以响 Wii 度再決一高下。

風起雲湧

好耐無打過風，但一打風，就出事。

當有二千人响地鐡中環站

又或者要迫上巴士，有時，話大陸人唔守秩序，其實香港人亦唔好得去邊

當打風嗰陣，無遮自然會淋濕

但有遮，亦都唔見得好過，小學老師都有教，打風出街，千祈唔好開遮


點都好，有風嘅夏天，比悶熱嘅夏天好!

路遙知馬力

雖然被政敵說為有能力，但係响在生嘅時候對民主政制發展無貢獻，有權而唔為人民服務，只懂辦蛇宴與社會服務機構爭民心，刻薄 D 講句，你去啦!

洗錢季節

無論個理財計劃做得幾好都好，都總會有 D 經常性非經常性開支。

每年夏天，都儲唔到錢，例如交保險，又或者交學費，又有時要應付 D 突發事件，年年如是。

經驗

經驗，係一個老手同一個新手嘅差別。如果老手可以將一個 job 响一個鐘完成，新手可能起碼要三個鐘。以 productivity 計算，老手就應該賺到比新手多嘅錢。

但係老手嘅額外兩個鐘，並唔係做同一樣嘅 job, 佢可能做一 D 佢唔熟嘅工作，由唔熟變熟，叫做 growth. 有機會 growth, 係要投資，所以，佢賺嘅錢可能唔會係新手嘅三倍。但當老手完全成長之後，所有嘢都會返晒嚟。

電車

同朋友唱完 K, 响街上感受到微風，心血來潮，決定坐電車返屋企，感覺良好。

8 月中

1997 年 8 月中，我去咗美國
2001 年 8 月中，我返嚟香港

依家，係我離開香港十週年暨回歸香港六週年... 亦係亞洲金融風暴十週年暨美國九一一恐佈襲擊六週年。

人生好多巧合，要長期離開一個地方而一個月內就會發生某些國際大事，呢個係我其中一個巧合。

學者幽默

沈教授嘅一篇响明報嘅文章，最後都要幽明光社一默，令人會心微笑。

假如被綁的是其他國民…… 2007年8月5日

【咫尺地球】23名南韓義工在阿富汗被塔利班份子綁架，南韓外交的軟、硬實力備受正面考驗，各方人等紛紛自動請纓獻策調解，人質依然未放，還死了兩人。假如被綁架的是其他國民，他國政府的營救方式肯定另有蹊徑，儘管不能保證有效，但從南韓的技窮，始終可見其綜合國力未臻上乘。

美國：表面上定必拒絕釋放被點名交換的塔利班囚犯，卻會向武裝分子承諾交換「隱形人質」(未公開曝光的塔利班囚犯)或「未來人質」(釋放下一批將捕獲的塔利班)。不少美國定義下的未經審訊「拘留者」(detainees / enemy combatants)，既不是正式戰犯(POWs/war combatants)、又不受平民法保護，呆在關塔那摩基地，過去數年都因為莫名其妙的原因獲釋，就是交易的最佳籌碼。

英國：外交部會嘗試啟動歷年和伊拉克、阿富汗一帶部落酋長交往的歷史檔案(畢竟當地曾是英國殖民地與勢力範圍)，找出掌握了痛腳的當地部落酋長，通過他們來分化綁匪。事實上，這次綁匪來自不同集團，既有意識形態較強烈的塔利班新生代，也有與塔利班只屬策略同盟關係的普什圖族地方軍閥，後者明顯更愛錢，容易受英式談判專家分化。

中國：慣用方法是通過盟國巴基斯坦向塔利班施壓，巴國的施壓方式大概是「嚴打」由邊境往塔利班的武器輸送，同時暗示假如塔利班放人，卻「可能」會「巧合」地通過友好軍閥獲得新武器。這不是說中國向巴基斯坦供應武器建立的「傳統友誼」，就是為了操控、影響反西方武裝分子，但巴國曾作為北京的白手套和恐怖分子打交道，當毫無疑問。

法國：在阿富汗沒有紮根，不會有特別表現，但假如被綁國民處於前法屬非洲，則會通過當地教會或文化組織(像法國文化協會)，動員地方長老營救。與南韓邀請長老營救不同的是，法國動員的長老要是不能達成使命，會受到文化排斥，失去文化領袖地位。不少法國人在非洲綁架根本不被報導，都是通過文化渠道獲釋。單靠聲望、沒有其他配合，也許足以令國家賣帳，但不足以令非國家綁匪賣帳，例如日本曾動員奠堂級恐怖分子、曾參與巴勒斯坦反以運動的赤軍之母重信房子，向伊拉克薩達姆要回日本人質，卻不能照辦煮碗，救出被扎卡維斬首的青年香田證生。

其他歐盟國家：以「附勢策略」(bandwagon)動員整個歐盟向上述任何一國施壓，以其獨門方式協助救人。月前被塔利班綁架的意大利人獲釋、阿富汗政府願意以塔利班囚犯交換，多少是上述策略的成果，而不是意大利外交的單獨成果。然而就是南韓加入東盟，也不能有同樣效果，因為東盟只是「水平機關」(inter- governtalism)，各國平等，沒有上繳主權予歐盟式垂直機制(supra-nationalism)，不能構成整合壓力。

香港：最有效自然是邀請明光社造訪阿富汗，與塔利班交流重整道德的心得，曉以大義，必能感動頑酋放人，令塔利班不敢再夜郎自大，功德無量。

中文大學亞太研究所研究助理教授 沈旭暉

會考評級

評級用英文字母，簡單易明，無人會誤會 A 級會差過 B 級。
用數目字，真係考 IQ. 日常生活，1 級比 2 級好，但偏偏會考就 1 級係最低，5* 級係最好...

就好似英文嘅 priority 咁，有人用數字代表，咁究竟 1 係高 D priority, 定 5 係高 D priority? 都係用英文好 D, High, Low, Med, 清楚易明。

DJ

一個成功嘅 DJ, 係咪就係天天攪笑，又或者日日串咀?

今日嘅 DJ, 不再係 Disc Jockey, 只係一個 Broadcaster (播音員) 或者係藝員。播歌，就只係播 D 派台歌，無技術可言。做 DJ 嘅功力，其實要响四個鐘頭嘅深宵音樂節目或者其他純音樂節目磨練出嚟。如果你可以播歌四個鐘都唔會令人覺得悶，令人唔知時間嘅飛逝，咁就係一個合格嘅 DJ. 當今商台可以做到嘅，可能剩係得返余宜發.

好嘅 DJ 一個一個咁離開商台，真係唔知發生乜事...

遺產

點解遺產分配只可以係正數?

嗰 D 財務公司，如果無押借貸，個欠債人無端端瓜咗老襯，又無買到保險，咁咪好蝕?

越位關係

兩年前，梁禮勤响七月尾做埋最後一日嘅一切從音樂開始，離開咗商台。今年，又係七月尾，劉偉恆最埋最後一日嘅我恆我素，亦離開咗。亨恆勤從此成為絕響。其實只係今日無無聊用 google 想睇睇梁禮勤嘅近況，無耐，搵到嘅反而係劉偉恆離開商台嘅結果。

當年，剛剛由美國返嚟，有一晚無無聊聊聽到「越位關位」呢個節目，從此著迷。亦因為呢個節目，星期六夜瞓時又開埋收音機去聽一切從音樂開始。可惜，呢個節目陪咗我一年半載後，就無咗，梁禮勤亦都走埋。到名嘴門走埋，我亦都無再聽一台，轉咗去二台，內容 ok, 說說笑笑又一天。

聽到余宜發嘅一切從音樂開始，令我諗起梁禮勤嘅做法，發覺都 ok 喎，咁有時夜瞓又開著個收音機。但當有其他人代班，完全跌晒 watt. 純音樂節目，並唔係剩係音樂嘅，聽眾始終鐘意同主持人互動，就好似梁禮勤當年讀 fax, 睇 newsgroup, 接電話，今日余宜發亦都會讀留言版，希望其他 DJ 可以學習。

諮詢

有說，中環填海工程早已响 2002-2003 年諮詢，點解到今時今日先反對?

好簡單，2002-2003 年，23條同 SARS 都比任何一樣事大，呢項填海諮詢真係搵鬼睬你。2004 保護維港行動 做過嘢格，係政府覺得打完官司羸咗就無問題啫! 到家陣要拆，話反對就梗係遲，咁點解由 day 1 有得救嗰陣再諮詢多次? 無腦就係無腦，昨日嘅因就係今日嘅果。

如果有得揀，用納稅人嘅錢去賠俾承建商，都好過俾班無腦嘅高官。承建商俾咗錢佢唔會拆呢拆路，無腦嘅高官為咗要「有嘢做」會出好多無腦嘅政策。

無憂

我上司曾經話過我係一個唔係好駛點煩惱嘅人。或者係我怕煩，所以避得就避，通常都唔駛點煩。

好似 18K 事件咁，好多人都嘩嘩聲。但呢一兩日，又响第二個 project 度搵得返，本來就無煩過，依家就更輕鬆。唔駛出去接 freelance 都有額外收入，係一件美好嘅事，起碼多咗空餘嘅時間做自己想做嘅事。

呢 D 空餘時間同額外收入，令到個人有時間空間响自己嘅方向發展，係公司新制度下帶嚟嘅好處。

往事

有 D 大學嘅 video, 我以為隨住我個舊 hard 壞咗而會唔見，但原來我有一部份 backup 咗，仲要俾我啊媽搵歌聽嗰陣無意發現。剛剛又同一班同學飯局，依家睇返，真係百般滋味。時光流逝，回憶，就只有用科技留住，不論好與壞，事情已經發生咗。

今日嘅同學，同往日嘅同學，經六年光景，本質上實在差無幾。過多十年後，唔知大家會變成點呢?