實屬巧合

原來酷熱天氣警告，可以咁似 ATV 嘅台徽。

返老還童

噚晚得知脂肪成份比減低後，今晚去配新眼鏡，又有一大發現，近視淺咗 25 度! 機能無退化，反而更活化?

Hong Kong's Nightmare

原來真係有香港人覺得

就算是23條...他也只是負責推捎..

原來一個局長係 marketing manager, 無份制定政策...

Im a student studying in London.
I agree with you sxslasalle.
To be honest, Mrs Ip was just the marketing manager of the product(23), if the product is fault, i don't think it's the marketing manager's responsibility but the CEO(Mr Tung chee wa)'s one
The only problem with Mrs Ip is that she's too direct sometime.

原來當年萬人墟巷，無嘢值得反對?!

我本身讀 Law gei..... 看來看去....點看 23 條對香港有甚麼ng ho..... 我真是不明...

原來依家讀 Law 嘅、或者留學嘅，都係讀緊屎片。如果佢哋知道，當日香港記者採訪京奧售票發生混亂，葉太响 2008 年 7 月 30 號嘅叉頸論，唔知會係乜嘢感覺。下一代咁諗嘢，無視呢一代幫你爭取到嘅，香港人自求多福。

節錄於: http://www.uwants.com/viewthread.php?tid=6775027&extra=page%3D2&page=1

體操比賽

細細個嘅時候，覺得體操好悶，尤其自由體操，一個人幾個簡單動作，重要有幾個人失手，完全唔識欣賞。但今年一睇，另有一番體會。見到嘅，係每一位運動員肌肉協調嘅能力。

做 gym 嘅時候，一個睇落簡單嘅動作，但其實運動量可以好大，做完一 set 都攪到氣來氣喘、一身大汗。睇住自由體操、跳馬、鞍馬各個動作，程飛跳、湯馬斯迴旋，簡直係挑戰物理學、運動學同生物學嘅表演。成功，係得來不易。失敗，亦情有可願。金、銀、銅，並唔係為國家爭光，而係對自己努力嘅肯定，觀眾嘅鼓勵，作用同樣難得。

Body Composition

人體三大成份: 骨骼、肌肉、脂肪。成年人骨骼已經成熟，基本上唔會再生長，骨質甚至會流失，但响四十歲前，都唔有太大改變。

今日無聊搵教練度一度，原來呢一年半以嚟，脂肪比例由 25% 跌至 19%! 即係肌肉多咗，脂肪少咗，由接近癡肥變成剛剛超重。响食多咗嘢，運動量亦不見得有增加嘅情況下，雖然體重無改變，但係 Physically 個人係健康少少。正確嘅姿勢、正常嘅食量似乎係關鍵所在。

意外

意外早睡，錯過百米飛人
程飛失誤，將金變銅
劉翔受傷，黯然退出
還有女排連番敗陣、港隊乒乓後勁不繼

奧運，就是 0.1 分的戰爭，跳水、射擊、田徑等，比姿勢、比速度、比技術，一刻都不能出錯。

分辨真假

第一，建築物打燈完全係 CG, 木料無理由會反光反得咁令第二，煙花散嘅時候係唔會化開
參照返真煙花，火花慢慢熄，化開咗係一件好唔自然嘅事

法眼難逃

都懷疑咗好耐，原來嗰廿八個煙花真係假嘅。

民主黨的悲哀

當你見到一位民主黨的立法會參選人寫下這幾句，你會如何?

For the upcoming Legco election this September, I'll need $2 million in the election fund. The party will only offer me $400,000. I have to sell my flat for the rest.

為選舉賣樓，這是為民主的一份堅持，可以辦到。

Elections are more about feelings. If the voters feel right about you, you'll win. But you need charisma to do that. Martin Lee has it. I don't.

But anyway, it's the process that matters, not the result. I teach my daughter the same lesson.

I feel so right about you. You've got mine, Mr. Kam. But it may be the last vote for DP. Supporting this party becomes totally pointless recently.

中六學位

十多年前，會考不努力，要麼便投入社會工作，要麼讀文憑課程，是理所當然的事。今天，升學途徑多不聲數，八號風球下，教育署已宣佈收生程序延遲，卻見到學生叫囂、家長罵街，香港教育失敗在於沒有家教，與學校、政府及教育制度無關。

廣州的雷雨

在廣州的酒店，聽到隆隆作響。不以為然，以為是其他房間的聲音，但見外面的閃光，不尤得向窗外一看。原來是雷雨交加，閃電就像宙斯的憤怒，將手上的電擊打在地上，明亮地閃耀大地。

可恨的是，手上只有手機內置的相機，那緩緩地打開著光圈，一刹那光輝，永遠捕捉不到，永恆亦的鏡頭亦變成渺茫的等待。

蝴碟效應 12

Butterfly Effect 總恬嚟講就係因為一個輕微嘅變化，而引致一個重大嘅改變。今次個重點，唔係個效應本身，而係想講一講超時工作 (即係 OT) 點樣改變香港人生活模式。

物價篇:
有說，超級市場賣貴貨，甚麼平通街、保證至抵，都係扼人嘅。但係，工時長咗，放工時間夜咗，好多小商鋪都已經收咗檔，可以幫襯嘅只係超級市場。君不見今天嘅超級市場都開到 11 點，正常作息嘅人會咁夜出街買嘢嗎? 答案是肯定的，因為好多人都開夜咗。有需求就要有供應，是市場不變嘅道理。

但大家都開夜咗，營運成本亦提高，或者超級市場嘅高價亦有佢嘅道理。但係賣 D 不實嘅廣告，就有 D 過份。好似便利店咁，標榜自己廿四小時營業，賣嘅係方便，大大方方咁提高價錢，全世界亦都知道佢係賣貴貨，生意亦都唔錯，咁咪幾好!

對於要 OT 嘅人就只有兩個選擇，減少消費、接受超級市場嘅價錢，又或者平日唔買，到週未週日先大量入貨。

八月新開始

唔知點解，搵嘢變成執枱。好耐都無清過個工作間，依家叫合格啦!

自從玩咗 Google Map 個 API 後，呢幾日靈機一觸，張佢合拼理 Image Mosaic, 效果幾好! 好快可以收工!!!

暑假

暑假到咗，但係球場無細路，只有一班大人，重要係西人响度踢波。D 細路去晒邊? 全部响屋企歎冷氣?

工潮

當維他奶、屈臣氏負責送貨嘅員工罷工嘅時候，有人提過會陸續有來。果然，今日又一宗，亦都係同一個工會發起。選舉到了，有關係嗎?

中文

同樣係「飯店」、「餐廳」、「酒店」。台灣同香港嘅用法好唔同。

Change

剛剛睇完日劇《Change》，好強，難怪可以得到高收視率。
美國奧巴馬亦都提出過 Change 嘅口號，將會得到黨內支持成為總統候選人。
香港立法會亦進入提名期，有多位元老級人馬退出，希望香港政壇亦可以有一番大改變。

雷雨交響樂

雷雨，好聽亦好睇。如果可以上到山頂影相，咁就 perfect.

生日前後

七月十二日晚，雷雨交加。

無聊地 scan 咗一張小學嘅畢業相，用 1200dpi scan, 點知 scan 完執執吓，hang 機... 重新嚟過再執，嘩! 已經六點幾。搵吓有無方法可以將一幅大相好好咁 display. 心目中有 Deep Zoom, Flash, 同類似 Google Map 嘅嘢。

Deep Zoom, 要裝 Deep Zoom composer, 好似有排攪，唔攪住。
Flash, 好似無乜 free component 做 cut 相同 swf.
Google Map, 要 register 喎，但係點 show 自己嘅相而唔係個 map 呢? 咦! 搵到。最終就攪咗呢個 page 出嚟:

攪完，原來已經七點幾，瞓得三個鐘，九點，樓上又裝修，無得瞓。唯有起身睇吓個 google map 可以點 customize. 攪吓攪吓，食完晏，都唔係好瞓得著。睇吓 video, 差唔多要去德仔度 lu. 4 點幾到達，同班女仔打吓牌，完全唔係狀態，食完 dinner 後仲要鬼掩眼食詐糊。

十二點幾返到屋企，睇埋火影，開始崩潰。生日正日，除咗食，就係瞓，到夜晚，唔得，去做 gym, 但 physically 太倦，做唔長。

今日，同事們買咗蛋糕，吹蠟蠋，一起食餅。Cheese cake!!!! 正! 好耐未歎過 cheese cake! 好滿足。

醫療保險

一直唔係好覺買咗醫療保險，原來 day 1 嗰份已經有咗，呢 D 保險嘅名真係五花八門... 睇嚟呢世都唔駛幫自己再供多份。

市升市跌

好耐未提過股市，其實係無時間睇住個市，除咗月供之後，都好少主動出擊。呢幾個禮拜出咗幾次手分段買入，今晚美市又大跌，似乎低處未算處，耐心等待谷底中。今年目標，跑羸大市唔難 (事實上跑輸大市嘅月份只係股市最瘋狂嗰幾個月)，但求唔蝕就得。
下個月會有一大舊 cash 回籠，將會係最後嘅一注。

亂畫一通圖

種族歧視

種族歧視條例通過，呀差、鬼佬、賓妹就會絕跡?
不如整個行為歧視條例，咁講粗口、吸煙、打尖就唔會俾人咀藐藐。

點解我地嘅政府唔係先從教育著手? 為人父母嘅點解對仔女無家教? 未有做好配套就立法或者推出嘅政策，作廢嘅多。例如: 機舖唔俾食煙、母語教學。

呀差、鬼佬、賓妹變成印巴藉人仕、外國人、菲律賓女傭，係將香港人嘅數十年嚟約定俗成嘅語言習慣扭曲。要改變嘅，就要好似以前嘅漢城，今日嘅首爾咁，利用大眾傳媒咁天天播、日日播。但係香港式粵語係非常簡潔而且傳神，呀差、鬼佬、賓妹等兩隻字就可以 visualize 到大慨係乜嘢人。印巴藉人仕、外國人、菲律賓女傭等稱呼? 太長喇!

2008 立法會演員選舉

香港，係搵錢嘅地方，攪政治，對不起，不論政府有幾不堪，都一樣坐响度推極都推唔郁。

當年，五十萬人上街，就係大家睇到無普選嘅後果，但今天，政府一樣管治無道，上街的人不過五萬。人有三種，先知先覺，後知後覺，不知不覺。香港人多數係第三類，唔見棺材，殺到埋身，都唔流眼淚。

香港人令我失望，你哋嘅奴性，令你哋自己覺得不配有民主，令你哋唔去爭取。2012 無，都唔好寄望 2017 有，去到 2047 都好，亦唔會有，呢 D 係自作孽。

如果香港人重想有民主，請响今年九月選舉，認清認楚邊 D 係建制派，邊 D 係民主派。參加小圈子選舉 (功能組別) 嘅黨一定唔係，支持過副局長、政治助理撥款嘅都唔係，支持中央拍板嘅民主時間表嘅直情係民主大反派!

再見卓韻芝

卓小姐離開電台了，祈待她在其他媒體發光發熱，或向她所喜愛的藝術進軍。

八萬五

呢個正

請人

有人走，請人週期自然啟動。請人一年比一年難，今次都真係嚟一次總動員，叫晒人幫我留意。上面嘅意思係夠醒目，有心做就得。呢個時勢，呢兩關，會有幾多人過到呢?

搵人之餘，仲要俾人勸走出嚟搵 iBank... 唔知，雖然言之有理，但係我眼中，係咪剩係得錢呢個字呢? 不見得。

修相

買咗部 scanner, 開始將舊相變 scan 入電腦。一場浩瀚嘅工程要展開，原本以為買一部可以同一時間 scan 四幅相嘅 scanner 就 ok. 原來 scan 相只係工程嘅一小部份，修相花嘅時間，遠遠比 scan 相多出幾十倍。效果嘛，只係一般，所有相都好似有少少 out of focus 咁，曚矇哋，但無計，一來相片本身質素有問題，二來經過 ADC, Loss 一定有。

修相步驟需時，好大部份時間用咗嚟除塵。原來一粒微不足道嘅塵，用 600 dpi scan, 入到電腦之後，因為反光，可以好清楚咁見到一條白色嘅絲，簡直係一場噩夢。除塵，就係响相入面大大小小嘅白絲、白點、花紋一一清除，廿分鐘一幅相絕對唔出奇。

回歸十一年

如果有普選，還會有副局長、政治助理嗎?
如果有普選，曾特首還會和董特首一樣無能嗎?
如果有普選，最低工資、醫療融資、母語教學、兩電利潤管制、家禽業等政策還會這麼差嗎?

如果有普選，還會有七一嗎?

錢錢錢錢

又一個等價交換嘅考驗，究竟係加人工好，定 keep 住個 team 好?

Q2 一張單都未開過，加人工，就只係無端端將個 team 嘅 cost 加大，未太係時候住，亦唔應該 cut 一個人去令到自己有人工加。依家係投資嘅時間，唔係睇眼前嘅利益嘅時間。

另一邊廂，同一個 junior staff 去 revise 佢嘅人工，要嘅係 10% 左右。都唔係唔加得俾佢，但係佢 sell 唔到自己，比較神奇，即係佢睇唔到自己可以 contribute 到乜嘢俾公司。唯有 assign 一個 task 俾佢做，再睇吓一年後會變成點。

離開

擴張、收縮，循環不息。又有人要離開，我還是在同一個地方坐陣。

名人

Bill Gates 的最後一天响新聞道播，母親大人就趕急咁叫我睇。可以做到師奶都識，呢 D 就係成功嘅名人!

親疏有別

曾特首，你聽得到嗎? 要溝通! 政通人和呀! 唔溝通，點去做好呢份工?

風神

八號風球，聽日最多得半日。但如果有半日，起碼可以有一朝唔駛俾裝修嘅聲嘈。
聽日，好多人都會早起少少，聽完收音機，再瞓過。

返半日工，係最浪費嘅工作日。响屋企 remote 返公司做嘢，同樣浪費。

海闊天空

十五年了，你在遙遠他方過得好嗎? 還是謝謝你的作品，留給我成長的回憶。

東方之珠

無咗耀眼嘅射燈，維港境色毫不遜息。

國金同中環廣場好易搵到，你認得出其他大廈嗎?

成長

歲月催人老，但原來三歲輪廓同依家無乜大分別。

光害

相片嘅唔係唔小心影到嘅嘢，而係當山頂凌霄閣打燈打咗上天空嘅其中一角。2008 年 6 月 21 日，會有 100 座大廈响 8 點半至 9 點半熄燈，如果天氣好嘅，香港嘅星空會變得不一樣。

夜影

好耐都未見過晴天，今晚本來想上山頂影星。可惜上到山頂之後，發覺腳架壞咗，跟住一大片烏雲飄過，乜都無得影。失望之際，去海邊影番一天張全景圖先。
咦! 有靈感，唔影星，可以影雲同海。將一個鐘變成十三秒嘅結果:

香港形象

飛咗十二個鐘俾一堆咪同鏡頭圍住，俾我就實發老脾。

Shall I take it seriously?

有個人話當我跌咗份 CV, 佢會執起去交俾 HR. 究竟係講笑定講真? 第三次咁講喇...

問責與增值

呢一個爛攤子，要負責，係咪要辭官? 重要做好呢份工喎...


未做官就攪出個大頭佛，重要講增值? 唔係話屋邨長大就大晒! 租私樓嘅人唔係個個都有錢㗎! 每一分一毫，都有血有淚，唔係剩係你 D 歷煉先值錢!

政治助理

政治助理一個月十幾萬月薪，即係百萬年薪。中國總理，溫家寶，為雪災、震災、水災四出奔走，年薪只係得 4 萬大圓。呢 D 政治助理嘅任務，真係比中國總理艱辛數十倍，「任重道遠」已!

包裝

有人說過:「民主不是商品。」原來別有用法: 用嚟包裝商品。強!

大雨後遺症

响街上面，睇住一間一間嘅舖頭响門外整理貨物，參茸海味見怪不怪，其他如文具店、五金舖、茶莊等都出事。

大雨

噚日一場大雨，走上街，只係聞到一陣陣通完渠嘅渠水味。
四月浣熊來襲，天文台指拉尼挪現象會令今年颱風多咗。唔知有無關係，但係要保護環境，刻不容緩。

Inherently Flawed

香港主要官員問責制一開始就錯，基本法亦都無預過有副局長、政治助理等任命。响度口口聲聲話陪訓政治人才，但呢 D 政治人才又有外國國藉，即係陪訓嚟托?! 十幾廿萬一個月，有成十幾個，真係個個月掉幾百萬掉落鹹水海。

看中國人百態

一場地震，看到中國人面對天災的不同面。

1. 解放軍 - 為人民服務:
拯救及開路消耗大量體力，但部隊吃的只是粥、饅頭和蕃薯等粗糧。
「特殊情況要特殊對待。在這個環境裡，有這個已經不錯了」

---

2. 商家 - 好大戲功 + 貪:

---

3. 乞丐 - 略盡綿力:
最震撼的在這裡！！
這是街頭一個捐款者的組圖，眼淚終於在最後一刻決堤了，天不佑我中華，國人佑之！！！！

這個孩子不比我們中的人大多少，甚至與我們同齡，當我們還在父母的關愛中衣食無憂的時候，他卻已經在大街上一分一毫的討要生活。當我們在捐獻出了對我們而言屈指可數，對他而言缺無法想像的金錢時；他卻捐獻了他活下去的依靠！！！！

當時，他"走"過來, 我們以為只是路過.....只是路過.....
接下來的一句話令在場的所有人驚訝,"我要捐款!" ,他從碗中捐出了幾個硬幣!
在場的所有人無比感動, 難以形容,他以他的方式回報社會!
"我還有錢!",我們再次為之動容!
他從口袋裡又捐出了幾十元...

---

4. 母親 - 捨身保謢孩兒
電台節目助理 - 創作感動人心

短篇故事「細路哥」 @ 五天精華遊

19 五月, 2008

已經是二十年前的事，我再一次造同一個夢，我再一次被這個夢弄醒。
我偷偷拿起電話，看著這個已陪伴我二十年的SMS，手機屏幕上寫著：「親愛的寶貝 …」
突然間，睡在我旁的女朋友真真，一手搶去我的電話，然後質問我：「你說很愛我，為什麼卻有第二個」
我還未來得及向她解釋，她已聲淚俱下。
是的，其實我一直對她有所隱瞞。

我是一名孤兒。
二十年前，四川，我的家鄉發生地震。
那時侯，我只有三個月大。
當時的我一定在哭泣。哭，不是因為地震，亦不是因為媽媽的離開。
哭，可能只是我肚子餓，可能只是希望有人替我換尿布。
嬰兒就是這樣的，三個月大的嬰兒總是這樣的。

養父告訴我，媽媽在地震發生的一刻，用一張黃色帶有紅花的被子將我包住，再將我抱入懷中，把我保護。
媽媽知道三個月大的嬰兒不可能知道什麼是地震，什麼是生離死別，甚至連「媽媽」都不知道是什麼。
雖然，媽媽明白我什麼都不知道，但是她卻希望我將來懂事，會明白到她很愛我。
於是，她離開前，在電話上輸入了一個SMS：「親愛的寶貝，如果你能活著，一定要記住我愛你」

聽過我的經歷，女朋友真真哭成淚人。
我說：「不用哭，都過去了。在記憶中，我只記得媽媽很愛我」

ZARAHN
作曲：周國賢
填詞：李蒨凌
編曲：Zarahn
監製：崔炎德/林健華
專輯：怪誕城之夜

自小天真的你　渴望世界和平
誰料到一生裏　給痛苦糾纏著半世
我真不捨得你　沉著氣送走你
分開或者找到更美　也許天國來年可於一起

面對現實可怕　這一刻怎招架
看吧人像塗鴉　年月將它微妙熔化
淚水封乾好嗎　拿著記憶火化
不要害怕　如怕寂寞便沉睡去
即使無奈　你離去都躺於夢裏

媽媽今天好嗎　再共你看落霞
時日瞬間蒸發　給你祝福無奈太晚
遠方天色好嗎　難及你的優雅
穿梭夢中輕輕細訴　您也想看見我一天高飛

面對現實可怕　這一刻怎招架
看吧人像塗鴉　年月將它微妙變化
淚水封乾好嗎　拿著記憶火化
不要害怕　如怕寂寞便沉睡去
即使無奈　你離去都躺於夢裏

二十年來，我造著同一個夢。
夢見的不是地震的恐怖，也不是媽媽的離開。
夢見的是我下班回家，媽媽在沙發上睡著。
我親手替她蓋上被子，一張黃色帶有紅花的被子。

網頁轉載:
「親愛的寶貝，如果你能活著，一定要記住我愛你」

搶救人員發現她的時候，她已經死了，是被垮塌下來的房子壓死的，透過那一堆廢墟的的間隙可以看到她死亡的姿勢，雙膝跪著，整個上身向前匍匐著，雙手扶著地支撐著身體，有些像古人行跪拜禮，只是身體被壓的變形了，看上去有些詭異。

救援人員從廢墟的空隙伸手進去確認了她已經死亡，又在衝著廢墟喊了幾聲，用撬棍在在磚頭上敲了幾下，裡面沒有任何回應。

當人群走到下一個建築物的時候，救援隊長忽然往回跑，邊跑變喊「快過來」。他又來到她的屍體前，費力的把手伸進女人的身子底下摸索，他摸了幾下高聲的喊「有人，有個孩子 ，還活著」。

經過一番努力，人們小心的把擋著她的廢墟清理開，在她的身體下面躺著她的孩子，包在一個紅色帶黃花的小被子裡，大概有3、4個月大，因為母親身體庇護著，他毫髮未傷，抱出來的時候，他還安靜的睡著，他熟睡的臉讓所有在場的人感到很溫暖。

隨行的醫生過來解開被子準備做些檢查，發現有一部手機塞在被子裡，醫生下意識的看了下手機屏幕，發現屏幕上是一條已經寫好的短信「親愛的寶貝，如果你能活著，一定要記住我愛你」，看慣了生離死別的醫生卻在這一刻落淚了，手機傳遞著，每個看到短信的人都落淚了......

另一則明報報導個案:
吮死去母親乳汁 女嬰活命
曾被困廢墟內靠吮吸死去母親乳汁的女嬰，經搶救後恢復健康。

　【明報專訊】地震中多少父母以身軀擋住塌下來的天花，犧牲自己保護懷中孩子？日前，地震後的都江堰河邊，一片瓦礫中竟然出現了紅撲撲的小臉。不愁吃喝的嬰兒原來還在喝覑母乳。

　一名年輕的媽媽雙手懷抱覑一個3、4個月大的嬰兒蜷縮在廢墟中，她低覑頭，上衣向上掀起，已經失去了呼吸，懷裏的女嬰依然愜意地含覑母親的乳頭，吮吸覑，紅撲撲的小臉與母親粘滿灰塵的雙乳形成了鮮明的對比。參與救援的婦科醫生龔晉說﹕「我們小心地將女嬰抱起，離開母親的乳頭時，她立刻哭鬧起來。」龔晉說，看到女嬰的反應，在場者無不掩面流淚。

　「我無法想像，一個死去的媽媽還在為自己的孩子餵奶，從母親抱孩子的姿勢可以看出，她是很刻意地在保護自己的孩子，或許就是在臨死前，她把乳頭放進了女兒的嘴裏。」龔晉婦產科見慣了初生的媽媽給自己孩子餵奶的場景，而此時此刻，這樣一個幸福的場景卻讓他產生無法抑制的悲慟。

殘念

部機 upgrade 咗之後，咦? 點解仲係死吓死吓，無端端自動 restart...
入咗去 registry 後，嘩! 好多 ATI 時代殘留嘅 entry. 只得一個選擇，清晒佢!

依家，舒服好多!

新舊交替

買咗粒新 CPU (Core2 Duo 3GHz). 第一次响屋企用 Intel 嘅 CPU, 一分錢一分貨係有道理嘅，速度比舊嗰粒 AMD (Sampron 1.8Ghz) 都快咗有 4 倍以上，價錢都係當年嘅四倍 (其實唔係太記得三四倍左右啦!)。

有粒 CPU, 底版要換，要買 DDR2 RAM (DDR 無用), PCIe Display Card (AGP card 無得再用), 加 IDE-SATA Adapter (唔夠 IDE 槽), 再加多個 PS/2-USB Adapter (得 keyboard 有 PS/2 插位，mouse 無). 一闊三大就係呢 D. 「時間係可以沖淡一切」呢句話，係可以應用响科技度。

攪咗成個上畫加下畫少少時間，大功告成。留低一堆舊 component, 加個 hard disk (原來我有好多舊 hard disk!) 同加個 case 又可以係一部用得嘅機，有人要嗎?

悼念

如果將十三億人悼念三分鐘量化，就已經損失六千五百萬個工時嘅經濟損失。
但相對起無價嘅人命，已經不再重要。

對比起中國其或香港政府，梁國雄議員更早提出下半旗向死難者致哀，但落得被趕出議事當嘅下場。究竟誰人愛國?

低 B 規定

讀過經濟嘅人都知，我哋要响「有限嘅資源下滿足無限嘅需要」。世貿究竟係為大國服務，定為完善經濟?

節錄 2008 年 5 月 18 日 明報專訊
根據世貿組織規定，日本每年必須從國外進口約77萬噸稻米，其中半數進口米來自美國，其餘主要來自泰國和越南。如果要把些庫存米賣到國外市場，日本必須先徵求進口國同意。由於日本是稻米自足的國家，為保護其國內稻農，日本都把這些進口稻米存放不用，等到品質惡化，才賣入日本市場當牲畜飼料。

結束

同長髮再見。
完結一個 open source project。
同事亦要離開公司，出外闖天下。

消失的一代

四川地震，沒有學校可以避過倒下的命運，大部份小朋友亦逃不過厄運。
以六年小學加六年中學計算，十二年嘅細路唔見咗，即係一整代嘅勞動人口响地震一瞬間消失，天府之國頓變煉獄。長遠嚟講，十年後震央一帶，會欠缺活力，必需引入「外來人」。

香港人

是香港人運用了互聯網的力量
還是互聯網見證了香港的熱心

福地

記得小學社會科書見過，香港係一片福地。沒有火山、沒有地震、沒有海嘯、沒有龍捲風、沒有巨型颱風、沒有水災、沒有雪災、沒有山崩。能生活在香港，實在太有福了。

願這點福氣，可以分給四川地震災民、美國風災災民、緬甸颱風災民。

論私隱

匯豐高層說:「遺失伺服器，銀行也是受害者。」希望市民公道點云云。
當日被人偷取了裸照的陳冠希也是受害者，也同樣受人責備吧!

事件基本上沒有分別，人家將私隱交托給你，你沒有好好保管，這便是錯。沒有人要求高層辭職，也沒有人要求匯豐永遠不涉足香港的零售銀行業務。國際企業和明星的分別，見到了吧! 有錯，乾脆認了，讓時間沖淡一切。

蝴碟效應 11

Butterfly Effect 總恬嚟講就係因為一個輕微嘅變化，而引致一個重大嘅改變。今次個重點，唔係個效應本身，而係想講一講超時工作 (即係 OT) 點樣改變香港人生活模式。

保安篇:
唔想响公司 OT, 就唯有將工作帶返屋企做。久而久之，變成習慣，一 D 唔出得街嘅嘢帶返屋企，用 gmail 儲低，又或者用 USB Drive Save 起。

Google 會好好心幫你做埋 indexing. 可能一 D 敏感資料會出現於公眾 search engine. USB Drive 可以週圍帶，又細又方便，唔見咗都唔知。返到屋企重有 P2P, 以前嘅 Gnutella, Napster, WinMX 到今日嘅 Foxy, 可以幫你嘅 hard disk 公諸於世，機密文件變公開檔案。

科技係雙面刃，帶嚟好處，改變咗人嘅生活習慣，亦可以造成破壞。

按:
2006 年 3 月尾，Google Index 咗警察投訴科嘅資料
2007 年 4 月至 5 月其間，多間醫院分別遺失 USB Drive, PDA, Notebook 等
2007 年 5 月初，匯豐向上報金管局遺失伺服器?! 同日入境處發現機密資料被 Foxy 上載。

支持營養標籤法

睇到張海報就火起，無標籤，憑乜嘢話食品比較健康?! 無謂自欺欺人。

大 Project

將狐忍百集抽圖，再拼合成 Image Mosaic, 係一費時嘅事。

暫時完成三份一，睇住較果越嚟越好，祈待完成作。

中國渣油

十年前，英國人將香港交俾中國大陸


十年後，中國強大了，亦感染了大陸的陋習

壹貳叄肆伍陸柒捌玖拾

百字偏偏用咗小寫

用人之道

《莊子˙列禦寇篇》
1.遠使之而觀其忠：派他去遠的地方工作，來觀察他是否忠心。
2.近使之而觀其敏：派他在身邊任職，來觀察他是否能敬重上司。
3.煩使之而觀其能：派他做很繁雜的工作，來觀察他的能力。
4.卒然問焉而觀其知：突然問他問題，來觀察他的機智與反應。
5.急與之期而觀其信：倉促的跟他安排約定，來觀察他是否有信用。
6.委之以財而觀其人：委託他管理大筆錢財，來觀察他是否能不動貪念。
7.告知以危而觀其節：告訴他情況危急，來觀察他的節操。
8.醉之以酒而觀其側：故意灌酒讓他喝醉，來觀察他是否有原則。
9.雜之以處而觀其色：讓他跟眾人雜處，來觀察他待人處事的態度。

悠閒工作

呢排無開單，工作除咗响 CLP 度等 data 做 test 之外，無乜特別嘢做。好事? 唔好事? 响呢 D 空閒嘅日子，安排咗左右手去做 D R&D, 都唔好話無空間俾佢哋玩新嘢。至於過程中學到幾多嘢，就要睇佢哋嘅造化。

至於前幾個月開嘅單，開始到收成期，但要積穀防飢，上一季有少量盈餘，但一個月唔開單就蝕一個月嘅錢，養兩個人仔真係唔易。都係醒目仔，但係要技術上成長，都重有幾漫長嘅路。

公司用 SharePoint 起咗個 Intranet, 終於有個地方去用 Wiki 寫 Knowledge Base. 但係要去 enforce 一 D policy, 真係考功夫。

行外寫行內

君思哲嘅《程式員之死》好明顯係老作，兩日後嘅《從程式員到股神》反而有 D 真實感。睇埋佢回應人家嘅文章，只係得啖笑。寫穚佬寫完報紙肯登，穚費就袋袋平安。做 software development 嘅，由 presales, 傾 requirement, 寫 doc, 做 implementation, testing, bug fix, training, nursing, support, 一大堆手尾要跟。

做 media 同做 service, 差幾條街，君生，你著數好多! 你唔駛做，都唔駛講一大堆風涼話! 人，有時就係要向現實低頭。又唔見你創業，開間報館或者出版社過我睇吓?!

有待改進

見客，Presentation OK. 問答環節失準。

解決 RMVB 煩惱

一個煩咗好耐嘅問題，就係 RMVB. 畫質唔高但係好流行嘅格式。經常 download 咗 D 電視節目俾啊媽，啊媽就要對住電腦睇。
星期日行行吓灣仔188, 新發現，RMVB player?! 仲要用 resolution 幾高嘅狐忍嚟做 demo. 似乎，等咗好耐嘅嘢出現咗! 就咁 680 蚊買咗個方便。
好處係可以買做 2.5 吋 harddisk 將入去 (其實個 size 都係同個 2.5 吋嘅 hard disk case 差唔多)，或者用 USB storage (手指/hard disk 都得)，甚至係用 SD card (read 張 4GB 咭全無問題!) 原本已經有張 4GB SD card 用嚟錄 video, 但係少用，家陣可以常用，抵!

盒背說明
當然，個 RMVB codec 有無授權，又或者其他 codec 有無授權，真係無人知...

黃啡升級

所謂 藍癈紙 黃鋁鑵 啡膠樽
家陣要改口做 藍癈紙 黃金屬 啡塑膠

愛惜地球，踴躍回收!

Shop 2.0

Web 2.0, 網頁內容由大眾提供。Shop 2.0, 貨品由大眾提供?
去灣仔或者信旺角行吓，會見到有 D 鋪頭响度租格仔，但係 D 貨又唔係間鋪嘅。同網上拍賣差唔多，但可以見到實物同即時交收。

論京奧聖火諸事

我尊重外國人對中國人權表達意見，為何外國人又不尊重京奧聖火的傳遞?
外國人可以支持西藏獨立，為何中國人不可以支持西藏是中國的一部份?
要將奧運和政治分開，為何香港聖火的跑手會有政治人物出現?

一炬聖火，照出人性醜惡，不分種族，全無邏輯嘅思維。

不分種族，亦是奧運精神...

醫療改革

政府點都要為底薪人仕包底，有能力嘅人又會識自己買保險，改唔改革，跟本無改變到睇醫生要用嘅錢。點解醫療融資嘅話題可以講十年而且沒完沒了? 掌管呢方面嘅公務員係咪得閒無嘢搵嘢做? 革除呢 D 冗員，先係減輕政府財政負擔嘅出路!

營業額

一季做到卅萬生意，一年咪百二萬?! 百萬雄師，就咁完成，未免太輕易...

黃紅黑

浣熊，一個四月嚟嘅颱風，响幾個鐘頭裏面，就變晒所有顏色嘅暴雨警告。我重要傻吓傻吓，見窗外無乜雨就換衫去 gym 跑步。出到街，大風又大雨，沿途好似打杖咁，好多沙泥，去到 gym 度，reception 話黑雨。Fine... 都到咗，跑埋個步先。

跑完步，咦?! 把遮俾人拎走咗! 好彩無雨，但 D 人好無公德心，求其搵把遮就走咗去，重要係寫咗名嘅遮，簡直係盲丙，離譜!

返到屋企，沖涼嗰陣聽新聞。哦! 原來水浸過嚟，俾渠務署通過渠，怪不之沙泥咁多。

第二步脫離

終於收到將新嘅信用咭，只要拎埋櫃員機密碼，好快就可以 close 匯豐嘅戶口。

波還是圓的

體育記者生涯完結
人生光榮結束
永遠懷念伍晃榮

Blogger 發神經

唔知拍錯乜掣，變晒怪字，好彩有 save 咗做 draft, 唔駛由頭打過。

工作的選擇

同幾間公司合作過，有機會會去邊度做? 從佢哋面對 partner 嘅手法，做 development 嘅 process, testing 嘅方法，唔難發覺，無論幾大間公司，做 software development 嘅問題，都會出現。問題係公司嘅 policy 同人嘅管理方法。

一間公司，無論 senior 嘅 architect 又或者 junior 嘅 consultant 都剩係識得捽 vendor, 前途麻麻。
一間公司，連 developer 同 tester 都唔知 test 嘅陣要乜嘢 data, 入到去完全嘥時間。
一間公司，deadline 嚟緊都未有 spec 出現，真係 hallelujah...

休閒的一天

睇睇魔術表演，瞓瞓覺，跑跑步，睇睇星矢，再睇求婚大作戰 SP. 舒服無壓力嘅一日。

字大

個 monitor 大咗， resolution 高咗，但係字會細咗，好多網頁仲係用緊 9/10pt font, 真係睇到眼都凸...
今日，終於搵到改個 blog 嘅 font size.

十三億人口

米，中國人主要食糧。全球供應不及中國十分一，要自給自足，養活全國人，一 D 都唔容易。

無悔這一生

呢兩個禮拜，呢首歌不停响腦海裏面出現。

陽光歷次消散別去
無理沖擊我心緒
前景沒法打算怎麼
誰會偷生遠方裡
每次記憶哭笑
將心意再變改
一分一秒
無意對一切話別
無意卻遠走它方

沒有淚光風裡勁闖
懷著心中新希望
能衝一次多一次不息自強
沒有淚光風裡勁闖
重植根於小島岸
如天可變風可轉不息自強
這方向

無奈靜聽不捨心聲
和我偏偏正呼應
前方或會一生奔波
無悔這一生經過
縱有冷風飄過
將心緒再痛逼
緊守不變
無意對一切話別
無意再遠走它方

戲無益

呢張相係乜? 佢原本係一張硬咭紙，即係新買 D 大褸會掛住嗰隻。但因乜事會紕晒口，殘成咁? 其實只需要有少少水份再磨擦大概五六個鐘就會變成咁。

我當然無咁無聊去做呢件事，實情係買咗 smash brothers 後，用 gamecube 手掣去玩，但好快又玩到左手手指公痛，咪求其搵 D 嘢墊住嚟玩。手汗加每日一個鐘咁玩，一個星期左右，張咭紙就變成咁，可想而知對如果無嘢墊住，左手手指公皮膚做成嘅傷害有幾大。想當年，最高紀錄係 spring break 嗰陣每日狂煲幾個鐘，依家睇返都幾恐佈。不過，嗰陣係 N64 手掣，應該無咁傷。

張咭紙都好快會唔用得，但可以磨成咁，睇怕都好難有其他代替品。搵日試吓棄用 gamecube 手掣，用 wiimote 同 nunchunk 先。

政黨輪替

當香港仲响度討論緊政改方案嘅時候，台灣已經完成第二次政黨輪替。我哋有資格批評台灣嘅抺黑政治嗎? 民主還離香港很遠，很遠! 今年還要投民主黨的老派人仕嗎? We need some changes.

停口

口水歌可以唱到咁嘅境界，中國真係人才濟濟。

Rat Race

見到有人題起 Rich Dad Poor Dad 其中嘅一句: The trouble with the rat-race is that even if you win, you're still a rat.

其實，有好多事都係困獸鬥，要逃出無了期嘅比賽，就要有努力去做聰明嘅事，利用 Power of Compounding 係其中之一。市跌、貨平，有時間就買多幾手正股，再長期持有，Power of Compounding 係要有貨先有得俾你 compound.

宣傳易

原來 Facebook 嘅 Notes 可以 Import RSS, 好多人都將個 Blog 嘅 RSS 貼咗上去. 但 Facebook 成為自己日記嘅平台，適合嗎?

青年陪訓中心

今日，好多人都請咗假，我今年又嘥咗幾年假。今朝去咗 CLP, 下晝返到公司，冷清到... 留多個幾鐘，又要出去 MS 開會，公司得返我上司同我下屬。

MS 有兩個會要開，半個鐘開完第一個，要等成個鐘先再開第二個，半個鐘後，下屬到達，又要我出手 troubleshooting... 錯嘅，就要係 click 少咗個 real time aggregation 嘅掣，成個 BAM 完全唔 work, 但要做 demo, 唔係發老脾嘅時間。十分鐘唔駛，又 show 晒所有要 show 嘅 features, 散會! 今日，係呢兩個禮拜以嚟最輕鬆嘅。

開完會返再返 office, 得返我上司，呢兩個禮拜唔係太滿意手下嘅表現，同佢傾咗一陣。我一直响度諗，都跟咗我成半年，點解都好似無乜進步咁? 係咪我之前管得太鬆，攪到佢無乜動力? 原來唔太係，佢話，去 train up 一個新人要三年:
第一年技術，純 technical train up
第二年態度，改善工作態度
第三年進修，去 sharpen 各方面嘅能力

咁就死囉，我無時間... 跟住有感而發同佢話，clone 六個 manager (我上司) 之前，應該要 clone 多六個 technician (我).

依家一開七... 真係考我功夫。唉，不過佢都有佢嘅辛苦，小弟體諒嘅! 希望過咗呢幾個禮拜嘅 on-site consultation 歲月，同事們可以習慣無咗我嘅日子，等價交換，take it for grant 嘅歲月會漸漸離開各位惜日戰友。接班人，唔易搵，唔易 train, 唔易管。依家有兩三個 potential candidates, 希望佢哋可以盡快成才。希望今年嘅假可以放得晒。希望可以半年內做到收支平衡，之後慢慢放年假。希望九月可以再去希臘一趟。好多嘅希望，希望都可以實現!

Gallery @ Wii

無無聊聊，响 Wii 度開個相簿睇，叫 ok 啦!

再度招手

MS Architect 又再叫我入去做，實在太睇得起我喇!
但係，要我做佢哋嘅 consultant, 機會微 D.

工作證

張相影得麻麻地。

比上不足 比下有餘

跟據非正式統計，79 年出世嘅人大部份月薪 10k 至 15k. 中位數係 15k 至 20k. 平均嚟講都接近 20k. 即係話，如果各位搵得多過 20k, 已經係 above average. 仲覺得唔夠洗，係應該檢討吓係咪自己大洗。Otherwise, 應該諗吓搵得少過你嘅人係點生活，又或者諗吓你未搵到咁多之前嗰幾年係點生活。

入 Microsoft 做?

同一個好 senior 嘅 MS architect 做一個 project. 今日食完 lunch 同佢閒談一吓，佢話夜晚要去 interview, 多口問多幾句，佢講笑話不如我入去做 consultant. 哈哈，請人係難，都唔駛搵 partner 埋手嘅，我只可以大慨咁答佢：「我呢個位都幾尷尬，算啦!」

雖然中學嗰陣係視 Bill Gates 為偶像，好想入去做，但响香港做咗咁多年 software, 搵到接班人我都想走啦! 做 software 係一個令人衰老嘅行業，要退嘅時候就要急流勇退，無謂戀棧。

Super Smash Brothers Brawl

呢排會响深水埗做 on-site consultation. 咦! 行吓黃金，入手!

日落

影過好多次日落，以前會去淺水灣、數碼港，但係呢排發現咗，原來唔駛一定去南區，半個鐘船程嘅南丫島都幾方便。嚟緊今年嘅除夕去影吓都好。但係講靚，似乎都係淺水灣靚 D, 話晒都見到隻咸蛋黃喎!

南丫島@20080301

廣州@20080110

機場@20071230

廣州@20071018

數碼港@20061231

海洋公園@20061225

元朗@20061224

淺水灣@20051231

捱病

前兩日，上司因膀胱炎而小便有血，都幾恐佈，要入院。兩個啟示:
1. 趁後生，要買住院保險
2. 工作除咗為客為手下同為公司負責，生活亦都要為身體同健康負責，適當嘅時候，係要退

派通街

之前同 Microsoft 做咗個 Bootcamp demo, 變咗做傳單:

再度出發

自從走完一半嘅馬拉松後，都無再跑過步，今晚再跑返半個鐘，爽!

改名

之前有一個 blog 去寫學塔羅牌嘅過程，但無幾日就停咗，依家改學英文生字: 學事記

尾數

追尾數就係小家? 唔係卦... 又唔俾錢又要有 service, 份 contract 又有晒 payment term, 在情在理都係你唔著啫。

笑話一則

香港政治，千奇百怪!

第一步脫離

出糧戶口成功轉移!