以廚為喻

Software Development 同餐廳廚房煮餸有乜相同?

客人都係先睇樣，就評定個 Output 嘅好同壞。

與同胞共事

與其話管理大陸 team, 不如話大家係合作關係。

其實上海嘅同事，大部份係好有責任感，有時 D 嘢做唔切，佢哋都肯開 OT 做。當然，開 OT 一係代表太多嘢做，一係代表佢哋力有不遞。通常嘅情況係，兩樣都有囉，點解一定要話佢哋做唔到嘢呢?

做 Software, 最怕趕頭趕命，個 Schedule 做唔到，應該一早放多 D 人去做，有需要嘅時候幫吓手，唔係 send 得 email 嚟，你一早起到貨啦!

玩唔起，唔好玩

有一 D 事，自己無能力，但又好想玩，就只有兩個選擇。
一係放棄唔好玩，一係令到自己有能力。

嗰 D 想玩又無能力玩嘅，唔該唔好夾硬嚟玩，阻住個地球轉。

人生的留白

人生有很多事情，錯過了，便隨著記憶消逝。現在回頭一看，中學影過的相就只有班相，大學自從轉了校後，也沒有影相。有的，就只是最後一年所攝下的影片。回到香港後，就有三年完全地留白，直到上一年才買了數碼相機。

但是最光輝的歲月，再也不會重現了。

GCGUBI

不知何事開始欣賞妳的節目，但妳的才華，是無可置疑。
可能妳的節目勾起對故人的回憶，希望你早日康服！

近視

香港好多人都近視，其實對於一個有少少物理同生物認識嘅我，一直都有懷疑近視眼鏡嘅功用，呢幾日終於俾我搵到答案。帶凹透鏡，如然如我所想，會不斷加深近視。詳見: http://www.chinamyopia.org/media/Uwearingwrongglasses-CH6.pdf

呢一兩日嘅試驗，亦如我所想，我決定要行動喇!

國慶之「慶」，何解?

點解唔叫國誕、國家成立日之類，叫國慶?
如果國慶解為「慶祝國家成立」，咁慶祝國慶咪可以變成「慶祝慶祝國家成立」? 咪即係多餘?!

真真假假

我發覺，我已經習慣將陌生嘅嘢扮到好熱情咁，人同事都係咁。他朝有一日，當呢 D 人同事唔再同我有關嘅時候，我可以好快咁劃清界線。而呢個習慣，係上咗大學之後發生嘅事。

所以，一去到抽離嘅情況下，我好快就知到邊 D 人係講心，邊 D 人係講金。到依家，我只可以講，我好耐都無再識過新嘅人同我講心。當然，好多以為係講心嘅，到頭來被我發覺佢係講金啦。呢 D 真係好討厭，最憎就係 D 唔老實嘅人。

第58日

PD025
Originally uploaded by Shane_Ng.

唔經唔覺，羊仔送俾我嘅生日禮物已經到咗第58日。家陣睇落仲好健康，但係生長速度好明顯咁減慢咗，都唔知幾時先至會到頂。睇嚟個日記 D 相真係有排影。

有能力就有權力

商台開咗一個長篇廣播劇叫《黃金少年》，Season 1 個 tag line 係「有能力，就有價值」，Season 2 個 tag line 係「有價值，就有權力」。如果兩句係 transitive relation, 就可以演譯成「有能力，就有權力」

呢幾個月攪個 project, 將我識嘅人攪到氹氹轉，依家想話轉 Vendor? 傻啦，呢 D 嘢實有 cost, 我會慢慢玩，我嘅權力就係嚟自我嘅能力，雖然係見唔到，但係係好 Powerful.

8 月 15 日更新
呃我嘅人，我會玩得好盡！

十一年

話說個識咗十一年嘅朋友接咗一個唔應該接嘅 project, 仲攪到同我以前嘅舊老闆攪到關係好差。唔知呀，個 project 死嘅話，我舊老闆就會俾人告，但係個朋友又做得好痛苦，我唯有出手啫。真係攪到我成個月都唔得閒。呢幾日終於好轉少少，但係同朋友嘅關係好似差咗。

都幾驚，十一年嘅感情，我唔想就咁無咗，何況我之前仲問過佢一個怪問題，就係會唔會因為工作合作而反目，佢當初嘅答案係會。呢幾日我都好擔心，今晚終於同佢傾咗個短計，好開心佢原來無嬲我，真係好開心，尤其係最後一句:

雖然我無奈, 但又覺得無左你幫我擋住
我會十分痛苦
所以我係多謝你多過埋怨好多

真係差 D 喊咗出嚟。或者呢個世界上係需要一 D 嘅經歷同痛苦，先至可以令一段平淡嘅友情更上一層樓。

蟹與羊的關係

好朋友是白羊座，投挈的同事是白羊座，姪女也是白羊座。
老同學是山羊座，哥哥也是山羊座。

而我卻是巨蟹座，性格跟他們完全相反，但卻跟他們可以合起來。這是人定勝天嗎?

大螃蟹與魚魚 5

差不多一個月，大螃蟹都沒有跟魚魚見面，也差不多有一星期沒有任何通訊。這算是空間嗎? 掛念是很掛念的，外面是堅硬的外殼，但內裏卻是脆弱的心靈。昨天，他們又再相遇了。

魚魚為答謝大螃蟹之前的幫忙，做東請客。很豐富的晚餐，飯後魚送了一粒很趣緻的零食給蟹，蟹很開心，回到家連忙拍照留念。很好吃，很甜，很開心!

昨晚，蟹錯過了很多機會，因為小小的潔僻，只送了一張空白的小咭片做書籤。綠燈在閃，也沒有拖著魚的手過馬路。只可以說，上天給你機會也沒有去好好地把握，大螃蟹註定要慢慢努力吧!

大螃蟹與魚魚 4

大螃蟹對 2 月 14 日的事情梗梗於懷，將本來要送的禮物都放在一旁了。聽了笨羊的勸告，將步伐放慢一點，沒有在生日帶出甚麼驚喜。這也是對的，魚魚這幾天也有很多事要煩，不再為她添煩添亂，事情也好解決。

等了一個多星期，大螃蟹約了魚魚，在她上班前放下禮物，便離開了。大螃蟹發現，原來愛一個人，並不需要長時間相對，只要見到她的一個笑容，就會感到滿足。而她的笑容，的確很可愛、很甜美。

大螃蟹與魚魚 3

糟糕了，時間拖得太久，大螃蟹開始原形畢露，變成被動的位置，甚麼看影畫、吃晚飯、看夜景，活動都安排得很好，但是，大螃蟹該多說兩句話吧! 在女孩子面前，別太節省，要錯過機會的!

大螃蟹與魚魚 2

大螃蟹與魚魚相約在黃昏，欣賞無限好的夕陽。可惜，天公不造美，大螃蟹最後也見不到魚魚。可以做的，只有在牆上用鉗刻下對魚魚的思念，再送給魚魚。

天將降大任於斯人也...(下刪數十字...) 大螃蟹要再加油吧!

大螃蟹與魚魚

在 05 年夏天，魚魚在大海中撞了一隻大螃蟹，大螃蟹正好悶著，跟其他的海洋生物堆沙丘，魚魚便跟大螃蟹談起天來。

時間一直過去，不知不覺間，大螃蟹被魚魚深深的吸引著。半年後，大螃蟹終於跟魚魚說：「我喜歡你。」大螃蟹，可以得到魚魚的青徠嗎?

李克勤要結婚了

李克勤，一位陪住我成長嘅歌手。今晚嘅勁歌頒獎典禮，宣佈會同盧淑儀小姐結婚。一個好多人等咗好耐嘅日子，而我，亦好開心。

鐵路A計劃

小弟第一隻沉迷嘅 PC Game, 就係呢隻「鐵路A計劃」。嗰陣佢每次入 game 都要打密碼，本 manual 後面就有一堆深底色嘅黑字密碼，有一塊紅色透明膠片去令到 D 密碼易睇 D. 小弟到最後用 word 打咗，print 埋出嚟抄俾同學。

前身為鐵路帝國, 一款由日本Artdink公司所製作的遊戲, 卻讓Maxis破例代理發行, 可見其魅力之所在. 在國內由電腦休閒世界(軟體世界子公司)代理並中文化, 在國內引起熱烈的迴響. 且中文化的版本多了高雄場景, 讓遊戲更有親切感. 遊戲中你要從一片荒地慢慢的開發, 既然名為鐵路Ａ計劃, 當然就是要靠鐵路來促進發展囉. 各種大大小小的建築物發展都需要材料, 因此鐵路的規劃就變成非常重要的一環. 遊戲中還有股票機制, 你也可以靠股票大賺一筆. 除了畫面精美外, 遊戲的音樂非常的悠閒, 而且還有日夜變化. 看著高樓慢慢的蓋起, 各種不同的火車穿梭而過, 那種成就感真是難以形容啊... 後來又推出一款"鐵路Ａ計劃～開天闢地篇", 也是由電腦休閒世界代理並中文化, 可以自由編修遊戲中的各項設定.

http://boneash.oldgame.tw/Pc/pcgame-st-8.html

回憶

前排响 newsgroup 度 post 咗一篇懷舊嘅文，先發現有好多往事可以回味。所以，得閒嘅時候會寫日記之餘，呢度都會寫少少懷舊嘅文章。