文字遊戲

所謂嘅「銀行分行的密度」，係用人口計定以地方面積計? 網上又夠可以去百佳惠康，又唔見 D 超級市場執晒?

柯清輝否認銀行分行不足 2007年4月12日

【明報專訊】恒生銀行副董事長兼行政總裁柯清輝否認本港銀行分行不足，他指本港銀行分行的密度，屬全球先進國家頭三名，加上市民對銀行櫃位服務的需求大幅減少，現時銀行交易以電話、網上銀行及櫃員機交易為主，只有小部分透過櫃位進行交易。

[略文]

仔仔仔仔

IT 係男仔為主嘅行業，十個有九個都係仔嚟。不過呢排返駕駛學院學車，係十個有十個係佬... D 女去晒邊? 咪响晒門市同 call center 度囉!

英女皇不及裸女

人哋為咗一個裸女而繞道，但係香港就連英女皇都無面俾，係都要拆碼頭。

二戰刻裸女 老樹變文物免砍 2007年4月10日

【明報專訊】英國一棵400年老樹在二戰時被刻上神秘裸女像及簽名，老樹最近竟獲這祼女「庇佑」，逃過被砍掉一劫。

英國運輸公路局為興建一條價值約57億港元的隧道，預備將薩里郡一個密林中千棵樹連同那棵刻有裸女像的老樹砍掉。然而準備動工之際，工人發現老樹的「性感紋身」，當局認為老樹是「有趣的歷史文物」，決定改動隧道的位置，繞過老樹，令它得以保存。

英工程繞道保樹

英國林業委員會及多名歷史學家研究過裸女像，但無人能解開其秘密。刻在老樹上的裸女像屬典型二戰漫畫畫風，約60厘米高，旁邊用正楷寫覑名字「G Wadham」，名字下面刻有「Southall」(紹索爾)，相信是作者住處，最後刻有日期「5/3/43」。護林員說：「我們估計這是一名二戰士兵的手筆，亦可能是加拿大人所為，因附近有加國營地。」

《每日郵報》記者憑覑簽名，找到最有可能刻上裸女的人——「Gerald Wadham」。此人1943年時未滿16歲，當時住在紹索爾，二戰後即搬到老樹附近居住，至5年前去世。他的女兒說他喜愛戶外活動，裸女像由他所畫的「可能性很高」。

每日郵報

零團費矛盾

點解同胞們可以俾幾萬蚊買假錶，但又參加零團費旅行團? 又唔係無錢，多俾一千幾百唔成問題啫...

Mika - Grace Kelly

邊個唱到呢幾句我話佢叻...
I could be brown
I could be blue
I could be violet sky
I could be hurtful
I could be purple
I could be anything you like

差之毫里

好多香港人對文字都有邊讀邊，有時又知其音不知其寫法。

例如「海獺」咁，因「賴」呢一個偏旁，好多人讀咗「瀨」呢個音。但其實讀音為「刷」，咁好多人聽到，就寫出「海賊 (近音而非同音)」呢個詞語。可惜呢個世界只有烏賊，即係墨魚，海賊最多係指海盜，並唔係一種動物。

由可愛嘅海獺扯到去海盜惡霸，真係差之毫里，謬之千里，用字要小心。

再見 ATI

一向用開 ATI All-in-Wonder 系列嘅 display card. 但係呢一年嚟，成日無緣無故 hang 機，經過一輪試驗，發覺個 display card driver 出事。今晚實在忍無可忍，去買張唔係 ATI 嘅 display card 加張 TV tuner card, 結束咗同佢近 8 年嘅關係。

五行久打

點解香港仲有人不知廉恥地响食肆食煙，仲要唔聽人講?
http://video.renren76.com/view_video.php?viewkey=c69b48737cc0c92d0f3a

Newsgroup 上的評語:

• 打得好!!
• x2
• 好
• 打得非常好!!!!!!!!!!
• 好???打咁細力重話好????
  條友咁串,起碼要用鐡棒打佢兩三粒鐘 \ /
• 打得好，做錯事重串人‧打多幾下重好‧

雖然君子動口不動手，但係有 D 人係五行久打...

愚樂 I Love U

好耐未睇過攪笑嘅節目，亦見各人真性情。

當你見到天上星星

永遠懷念著

350

一個好難突破嘅關口，亦都好難守，個數大咗，1% 都可以去咗好多。不過，時間就是本錢，守得住。

神 vs. 龍

龍在中華，神在太平洋的彼岸，所謂山高皇帝遠，縱有神力，也力有不遞。

P.S. 現代通訊方法: 首選電話，電郵次之，部落留言為副。神之敗因通訊工具選擇錯誤...

大忙人

我以為我已經夠忙，點知仲有人忙過我...

iPod for Free

突然諗起幾個月前個客送咗部藍色嘅 iPod shuffle 俾我，邊個想要嘅請聯絡我，先到先得。

Sub-optimal Solution

所謂嘅 sub-optimal solution, 即係 bad solution. 點解有 optimal solution 唔用，硬係要 sub-optimal? 假若係資源唔許可，係咪應該無大個頭就唔好戴咁大頂帽?

政治的妥協

今次特首選舉反映假如不妥協，香港民主進程只會停滯不前。今天回看，十年前，民主派可能做錯... 政治，就是要在黑暗的角落，為著理想，爭取生存空間，達到目的。

誰人向梁家傑喝倒采?

一批市民到特首選舉場地，為著我們的下一代上公民課，但偏偏有人在梁家傑上台時喝倒采。究竟是他們不知梁家傑參與選舉的意義，還是所謂的公民課是假的? 還是有政黨去煽動呢? 我們的下一代會由這批市民教導嗎? 香港還有希望嗎?

中產? 低下階層?

當享有中產生活嘅家庭都話自己係低下階層嘅時候，呢個會係乜嘢世界?
係 social class 之間嘅界線被模糊，定係呢啲家庭無去好好咁管理財務?

I am kind

一個人係咪仁慈，並唔係自己講，用行動做出嚟實際 D.

Google 係有一手

Google Personalized Page 新 Feature: Theme

病矇咗

放工諗住去睇醫生，但係走咗入去牙醫入面，好彩有人同個接待處响度講緊 D 補牙嘅嘢先發覺出事。之後就粒聲唔出，閃~~~

Microsoft 手記

今日，同 Microsoft 嘅人一齊去做 demo, 只可以用「大開眼界」嚟形容。我講一句，佢可以講十幾句補充，呢樣嘢我係最弱嘅。我係一個講嘢好簡短嘅人，亦都好怕聽人講又長又唚。但係換一個角度睇，呢 D 補充，係咪先至係個客想要嘅嘢呢?

我上司係講得好啱嘅，Microsoft 响香港無太多 technical 嘅人，而我哋又無乜 sales, 兩個夾埋一個凹一個凸，應該係好啱 key.

如果今次要俾分嘅話，我諗俾 B- 至 C+ 啦，準備漏咗一 part, 執唔到生，失敗咗少少。同我一齊 present 嘅人，應該係同我同年，至於我幾時先追得上佢做 presentation 嘅功力，就真係要睇我嘅造化，好祈待再同佢合作。

不過，呢兩日個合作太 close, 中咗佢嘅 virus, 個名叫 influenza, 呢排趕呢件嘢，無做 gym, 又夜瞓，同早起咗，攪到身子好弱添...

BT 嘅影響

BT 唔單止係全球最大嘅 TiVo, 而且仲可以令人忘記錄影機嘅存在。就好似我啊媽咁，問我可唔可以 download 一個未做嘅節目，話到時唔得閒睇喎。我話唔一定有，跟住再指一指部錄影機話:「不如較預錄啦!」啊媽就話:「係喎，唔記得我有碟添!」

科技 - 可以改變事物，影響人嘅生活模式。

Show Time

聽日第一次對客做 Demo, 不過正確 D 嚟講，係 Microsoft 嘅 Lead, 可以欣賞吓佢哋點 sell product.

AW

記得以前上網，有人嘅網名係叫 AW, 即係好似我家陣咁: Always Wait...

公欲善其事

部機實在太慢，最後，要搵一部無人用嘅機去開個 VPC. 感覺係... 好爽~~~!

0... 1... 2... 3... 100

一個禮拜去接觸一個新 technology, 只可以做皮毛，要完成一個 PoC 實在太勉強。跟住攪唔掂又要話會影響好多人? 其實 miss 咗個機會就應該 let go, 機會只會為作好最好準備嘅人而設，未準備過，夾硬嚟只會引起負面嘅反彈。

做 software development 係靠 logic, 更加要按部就班。好多嘢，差 DD, 就完成唔到，今次係時間差 DD, 理解差 DD, 舊嘢就會行唔郁。

其他客唔通置之不理? 太 aggressive, 太 risky...

今年會係最關鍵嘅一年，我都要為日後打算一吓，嚟多幾個呢 D 個別事件，就會變成恆常事件，到時你玩埋我嗰份! 我只想做好一件事，唔係賣我條命，今次呢件事，完全唔合理。

P.S. 睇嚟我部公司機都夠鐘要換，家陣做 development 實在係太慢...

激光矯視

激光矯視同戴眼鏡嘅原理一樣，分別在於永久同暫時。但係呢一方面暫時係勝於永久，因為當睇近嘢嘅時候，晶狀體會特別加厚，久而久之令眼睛感覺疲倦同埋近視加深。如果戴眼鏡，其實可以帶副淺少少度數嘅，咁晶狀體就可以薄少少，無咁易攰。但係做咗激光矯視，無得改，近視只會越嚟越深。

財來自有方

每次需要洗錢嘅時候，都會有 D 意外收入幫補。一世好命乎?

賣命

响公司做嘢，真要成條人命賣俾佢，前一兩年已經有一兩個同事捱到個胃同腸有事，呢排有一個同事話有高血壓。大佬，全公司大部份人都未夠三十歲，做乜攪到個個都殘晒呀... 自求多福...

Microsoft, 我來也

中學嗰陣，一向都係 Microsoft 嘅支持者，我好多身邊嘅人亦都知我有幾想入去做嘢。但係知道佢 monopoly 嘅手段之後，就夢想有一日可以開間公司同佢爭一日之長短。雖然係咁講，但暗地裏依然係 Microsoft 嘅支持者，幾年前，佢 Software factories 嘅 concept 亦都同我所諗嘅 programming paradigm 一樣。到今時今日，佢香港嘅分公司竟然同我間公司去 form 一個 partnership. 感覺，就好似見返一個老朋友咁!

馬拉松

今年終極目標，再操 fit 自己，練跑馬拉松!

真正的快樂

藝人尤其諧星嘅工作，就係將快樂帶俾觀眾，但係好多時，呢 D 快樂都係建築响別人嘅痛苦身上。電視嘅曾志偉同林曉峰如是，電台嘅森美亦一樣。

小弟曾經好欣賞森美，覺得佢識好多嘢，好佩服。但係細心 D 聽落去，佢帶俾聽眾嘅快樂，原來只係不斷用別人嚟開玩笑，聽得多，覺得好悶，好乞人憎。一個聰明嘅壞人，我諗就係我對佢嘅感覺。

曾志偉嘛，純玩型囉! 佢主持遊戲係好成功，但到佢玩遊戲，係靠把口同埋犯規去羸 (森美都有同樣嘅錯誤)，勝之不武。林曉峰仲衰，由得曾志偉去玩，到最後，個節目咪收皮囉!

最近聽電台，聽到崔健邦都覺得快樂建築响別人度唔係一件好事，佢同我應該差唔多大，要多 D 呢 D 人，社會風氣先可以變好... 真正嘅快樂，係要大家都快樂，我唔明點解見到別人痛苦嘅表情會快樂。君不見以前許氏兄弟以前幾成功?!

從 heisshit 看香港網絡生態

heisshit.com 原本係一個女仔嘅討論區，但係唔知點解，高登人士「好有正義感」睇唔過眼，過去踩場，大數女仔不是，到今時今日，仲攪埋 sheisevil.com 去抗衡。

今次事件，睇到幾樣嘢:

1. 高登人 (or 香港男人?) 好小器 (因為容不下對男人不利嘅文章而踩場)
   
2. 高登個甚麼起底組好流 (蠢到 post 一個男人網頁加一個女仔 xanga 去 conclude 個女仔係網主，希望個女仔無受到騷擾。另外，到今時今日邊個係網主依然係個迷)
   
3. 呢個世界總會有有心人去攪大件事 (e.g. 報料俾蘋果，yukicheung, goldenpimp 之流)
   
4. 好少女仔會响網上同人嘈
5. 好多人依然用 grammar 去否定內容
6. 一個場只會越踩越旺

環保炭

前一兩個禮拜去咗燒烤，有人問起環保炭點解環保，同埋點解會係圓形一餅嘢咁。本來覺得最有可能，就係佢經過特別處理，將木炭入面嘅 sulfur 抽起，令到無咁多 greenhouse gas. 但後尾 D 人散晒水之後，先記得 sulfur 係引起酸雨嘅成因。

點解環保叫做過咗骨，但係點解係圓形就解唔到。今晚搵吓搵吓，俾我搵到，原來環保炭嘅原材料係木材加工廠嘅木碎，所謂嘅環保，其實係循環再用，亦因為要將木碎變成炭，要用機器加工壓製，而變成一粒粒圓形嘅環保炭。

哈哈! 同我原本諗嘅 high tech 嘢相差十萬八千里，風馬牛不相及呀!

奧蘭治縣

好好一個 Orange county 俾無線新聞譯咗個奧蘭治縣，唔識嘅話都唔知發生乜事。

感情生活

反思呢十幾年嚟，感情生活，係近乎零。睇得想上嘅女仔，係得兩個。十年前有一個，今年剛剛出現另一個。意圖去追嘅，亦都有三個，十年前嗰個真係想追，上年有一個係做咗試驗品，今年呢個要認真出擊。

點解呢兩年咁活躍，之前嗰八年做乜? 我只可以講話我頭嗰四年用咗嚟讀書，尾嗰四年用咗嚟工作。話說十年前嗰個，話等畢業後先再算婉拒咗，咁我就真係等畢業，其間又無特別去留意其他女仔，亦都唔知點解識親嗰 D 都係剛烈型，我全部都當晒做兄弟，依家諗返，都有一兩個有 potential. 畢業之後，當然係無咗件事，到做嘢嘛，無耐做 software development 係一個男人工業，亦都好多 OT, 跟本無時間去諗去識女仔。

到呢兩年，我嘅 status 係屬於令人關注嘅狀態，不論母親大人、朋友、上司、同事都好關心，再 review 返自己剛入大學所定嘅一個人生目標，係廿八歲結婚，所以叫做積極返少少咁。又好唔好彩，上次同上司去上海，同我睇掌，話我:

1. 感情線好亂，應該係有好多桃花、potential candidates 响身邊，可能係男或女 (即係唔理我係咪基啦)，係心諗好多又或者現實真係好多。
   講真，係好多，男女都有，不過變晒做朋友囉... 上司、大老闆、同事、客都變晒做朋友，有幾真我唔知，係咪好事我都唔想理，總之公還公私還私就得。甚至上網都可以無端端走個人出嚟叫我做師傅、啊哥之流，呢 D 係咪叫強力磁石，定係我防人之心太弱?
   
2. 無論响邊度工作，都會成功，但工作同感情有 contradiction.
   呢個就真係難攪，會成功即係要投入工作啦! 換句話講，感情免談...

呢兩點仲代表 D 乜，真係要慢慢參透，我就唔理，總之時機一成熟就去馬。

找尋自己

有時無聊都會打自己個名入 search engine 度，睇吓有幾多個人同自己一樣名，自己又有幾多嘢 on the record. 到今日，我知道分別响香港、台灣、星加玻、澳洲同美國都有英文名相同嘅人。不過，同我有關嘅網頁就通常擺响頭幾位。

手腳，我係有做嘅，但係亦都係上咗網十幾年嚟不斷咁累積返嚟，包括自己嘅一 D 資料，擺咗咁耐，都無諗住去 delete, 因為我做總有我識嘅人想搵我，所謂「有朋自遠方來，不亦樂乎！」搵得到，我會好開心。不過依家諗返，我應該去 market 返個中文名，識我英文名嘅，有聯絡開就已經聯絡開，其他人嘛，係唔熟嘅人...

筆戰

同任何人筆戰，只要捉到佢哋嘅諗緊乜，再 setup 一個 trap, 通常都唔會輸，再鋪一條下台階俾人家，咁就大家都好落台。

所以要玩，可以好好玩，一切都可以控制於股掌，係無聊，但得閒玩吓啫，無壞。

高登

高登係乜嘢地方，大家都知，美國個大老闆問我佢哋係乜嘢人，咪解釋吓發生乜事囉，我又唔會好負面咁講，只係答咗佢哋係一班有好多時間同好有創意嘅人，一星期左右就會無事。今日就剛剛一星期，結果好多嘢都回復正常。

如果大學有人開香港網絡生態呢一科，我諗我會好有興趣報名。

Barbie

著衫我就真係無乜講究，但係好多人都話如果我肯執吓，個 feel 就會唔同晒。呢 D 煩事，我就真係唔想諗，於是就搵咗兩個女仔幫我置裝，睇吓個效果會點。所以，我呢排都會變做 Barbie 公仔，俾兩個女仔舞，要去邊同買 D 乜佢哋就已經有晒 planning, 當然，佢哋都會順便試吓自己鐘意嘅衫，睇嚟都要準備 D 薄禮先得。

驛馬星動

又要飛，今次飛北京，仲要係剛剛好唔上堂，又未到考試嗰一個星期，即係個天注定要飛嗰隻。如果個天再安排得好 D, 咁將會有一個 project 唔駛再 follow up. 不過應該無咁順攤，要睇吓老闆發功成唔成功，還是又要再同個客做免費 project.

性格分裂

通常一個人做唔同事有唔同嘅態度，不過，呢種行為就完全應驗咗响 decision making 呢科心理學，教授响第一堂入面所講 "human is retarded" 呢句。呢句係指人因為行為唔夠 consistent, 所以經常做出愚蠢嘅決定。

自呢堂起，唔想做一個 retarded 嘅人，我就揀咗一種坦白同好率直嘅性格，貫切始終咁去實行，我知道當中可能得罪咗好多人，但最後留得返低嘅都係真心嘅朋友。

不過總有撞板嘅一日，就响今日，disclose 咗一 D 個 partner 唔應該知道嘅 info 俾個 partner, 攪衰咗個 negotiation 嘅 process, 起咗一個可大可小嘅政治風波，好彩有個好嘅上司同老闆，佢話得啖笑喎，輸咗就輸咗，但係我就要多 D 去學做生意同多 D 去問問題。

要變，唔係話唔得，但係唔想變成一個性格分裂同 retarded 嘅人...

他媽的 Firewall

個 web server 唔知點解神咗差唔多成年，今日先發現原來係因為响 XP 度無開到 firewall...

利利是是

過咗十五，又係拆利是嘅時候。利是呢樣嘢，通常都唔會主動去逗，因為呢 D 嘢係無償嘅財富轉移，無端端無理由要人哋破財，以一句恭賀嘅說話做回禮，唔通人家真係買個意頭咩，係嘅話，三毫子一擔...

不過話唔逗唔逗，人哋俾到又無理由唔要，通常都係一聲多謝就算，恭賀說話嚟嚟去去都係嗰 D, 無乜新意，女嘅青春常駐，男嘅步步高升，年長嘅身體健康，做生意嘅一本萬利。

以前我記得重有好多，同健康有關嘅，有龍馬精神、龍精虎猛、身壯力健，同錢有關嘅，有財源廣進、橫財就手、財運享通，做生意有生意興隆、貨如輪轉、年年有餘。其他仲有萬事勝意、如意吉祥、花開富貴、魚躍龍門、出入平安、學業進步。依家都好少拎出嚟講，今年好懶，無乜準備，等下年再睇返呢個 post, 咁回禮都回得有誠意 D...

Tamama

Tamama 係 Keroro 軍曹嘅一個細路仔性格嘅角色，但戰鬥力就絕對唔弱。見呢個角色幾可愛，就想睇吓點樣畫出嚟，原來係非常簡單:但之後發現，卡通入面嘅角色，唔單止係改一改顏色，原來個頭係有唔同 pattern, Keroro 係純色，Tamama 雙色圓型面，Giroro 左眼有刀疤，Gururu 有大近視眼鏡加超多嘅皺紋，Dororo 就帶口罩。呢 D 面型特徵唔難畫，設計簡單但係又非常討好。最大敗筆係個青蛙身，俾人嘅感覺好求其...

係唔識定留一手

話說呢兩日趕起個 Flex 嘅 PoC 俾個 Adobe 去 sell 客，話得係 PoC, D code 就梗係爭 DD, 諗返轉頭，有 D 嘢無諗起要做，就無 study 到點做，又或者嫌煩無做到。我係好相信如果呢個客係 sell 得掂嘅，我成個 backend logic 嘅 code 會留傳萬世 (大客~~, 有自己 development team, Adobe sell 緊 FDS, 我哋剩收 PoC 嘅錢，仲要係趕俾佢)，所以個 PoC 好多都係 best of the breed 嘅 code.

但係差少少就係差少少。今次我俾 B grade 自己，如果有多 D 時間，應該會好 D. 所以留一手就假嘅，唔識亦都唔太係，識唔識都係要查 reference, 時間先係關鍵。

鑊

外國人有 pan, 中國人有鑊。鑊嘅英文係 wok, 純綷音譯。而 pan 响中文叫平底鑊，因為中國嘅鑊係弧型底。亦因為衛星天線同鑊嘅型狀差唔多，香港人亦叫呢 D 天線做鑊。但都係得個講字，外國人就叻得多，真係將隻鑊變咗做天線...

傻客一個

唔知乜事，個客成日以為我無乜嘢做，係咁俾一 D 唔係好關我事嘅 task 過嚟... 其實，meet 到你個 deadline 係人情，鬼叫你係客咩... 但係我最忙嘅時候，唔刻你行開少少，俾個位我抖吓氣吖!

美日之爭

玩得到同玩得盡興係兩回事，所以都係美版好!

Wii needs a plan for parties

新年流流，好多人都買咗部 Wii, 等親朋戚友上嚟拜年嘅時候招呼佢哋。Wii 有好多 game, 入面包好多 party game, 呢個諗法係理所當然，但係要所有人盡慶，係要有計劃。

1. 人數 - 如果有一大班人，party game 個 cycle 要好短，等每個人都可以玩吓，甚至玩 D 唔同嘅 party game, 大家亦可以鬥 high score, 咁一隻 game 就可以玩好耐。

2. Law of Diminishing Marginal Returns - 一隻 party game, 同一個人玩第一次可以好好玩，第二次都 ok, 但係再玩就免。

3. 體力 - Wii 有 D game 嘅體力消耗會好強，由其係要做 D 重複性嘅動作，好易玩到肌肉勞損，要適可宜止。

Wallpaper

好耐無整過 wallpaper, 上次整都係幾個月前嘅事，仲要係整得嘛嘛哋嗰隻。唔知係咪影相影多咗，可以做 wallpaper 嘅素材亦都多咗，就呢幾日，一嚟就整咗兩幅，而且睇落係令人滿意添，靈感如湧泉呀! 要搵我整 wallpaper 嘅朋友就趁早把握機會，靈感無咗好大嘥。

在地圖上消失的花布街

話說以前有一間海味店，東主在年卅晚為不佳生意而擔憂，便走到店舖附近逛一逛。他走到:

• 永安街，便祈盼永遠安穩
• 永吉街，便想到永遠吉祥
• 永和街，便想著永遠和氣
• 永勝街，便希望永遠勝利

店東回到店舖後不久，便有一位富商跟他買一大批蔘葺海味，當日的生意亦滔滔不絕。故事流傳出去後，從事海味業的店舖，每逢在年卅晚，便到這四條街走一趟，行個大運。

隨著社會的發展，永安街已經變成一條掘頭巷。昔日飄著琳瑯滿目布疋，被人稱為「花布街」的永安街，其商戶都搬到了西港城經營。在地圖上，地位更渺小得被人刪掉。

至於永勝街，更是被新起的建築完全地罷佔，不留半點街道的蛛絲馬跡。

Race Track Principle

呢個 blog 嘅文章數目好快會追過我個 diary blog, 成為主打。基本上，個 diary blog 已經係我變咗做 photo blog. 即係話，如果我一個禮拜影少過一次相或者 video 習作，跟據 race track principle, 每個禮拜 update 一次嘅大王的教室有機會追過頭變成第二。

調整完成

技術指數良好，係執好股嘅時機

出血的季節

相機壞咗要買新
Wii 平就要入貨
仲要去報學車牌
買埋 Vista 返屋企
Office 2007 都係咁話
全部加埋一萬幾蚊...

推銷員

個客話: Never trust sales people
老闆話: Sales 信唔過

咁你相信孤獨的推銷員可以做好特首呢份工嗎?

Notebook Usability

用咗兩個禮拜 notebook, 不論係 keyboard 或者係 pointing device 都非常之唔好用。

Keyboard layout 係一個完全錯誤，一個 key overload 又一個 function key, 仲要係 Home, End, Page Up, Page Down overload 咗上去上、下、左、右入面，都好喇，個 function key 竟然係放喺 Ctrl 位，攪到成日按錯位。

Pointing device 唔夠 precise, click 嗰吓又麻煩，做 drag and drop 時真係攪到 D 手指抽晒筋。

總括嚟講，用 notebook 嚟做 entertainment 都還可以，用嚟開工就真係死得。

Software Development Life Cycle

1. RFP
2. Project bidding
3. Requirement gathering
4. Prototyping
5. System design
6. Implementation
7. Intermediate deliverables
8. Requirement change request
9. User yelling
10. Fire fighting
11. Tests and fixes
12. User acceptance test
13. Project close
    

What is your SDLC?

米 vs. 飯

當生米煮成熟飯會有乜分別?

廣東話有「食飯」同「咬米」去表達開餐嘅意思。字面眼落，米係要經過細心嘴嚼，先至可以落肚。反觀食飯嘅話，可以係一種享受。

仲有就係:
米氣 係要到肚，等個人有氣力
飯氣 係會攻心，會令人好眼瞓

咪當我流

人唔响度就催生晒，我座响度就無晒聲氣，寫 software 就好似炒餸煮飯咁，料又唔俾，乜都未齊，我炒條毛俾你咩!

跟 Spec 做人

如果全世界都肯跟 Spec 做事，一切都會嚟得簡單。但係客係咁，個 Team 又係咁，真係嘔血...

一山還有一山高

以前覺得做 Architect 係一件好威嘅事，但當身邊識嘅人只係大自己兩三年，但就已經係 CTO 同 VP, 就會發覺自己好渺少。

又係時候再發力!

叻到無朋友

咁大個仔，今次呢個 trip jetlag 得最慘，日日眼光光等天光。

今日金句

今日同個客去食 lunch, 個客見我無乜特別興趣，叫我 Enjoy your life. 咁我就回咗句 Enjoy coding. 做 software 嘅，寫 code 會佔咗大半人生。所以各位有意入行嘅人，要記住呢句: Enjoy your life, enjoy coding.

做生意

朋友成日話夾錢做生意，但又未儲夠錢，呢個 trip, 遇到一件無本生利嘅事。話說有間 A 公司嘅需要 outsource software development 嘅工作，撞啱有一個員工自己開咗間 B 公司，因利成便，再將 A 公司嘅 contract 俾咗 B 公司做。而 B 公司就只需要搵 C 公司去做 development, 中間食個差價。

呢條簡直係天橋!

後記: 橋, 音 kiu2, 係諗出嚟嗰 D, 唔係 kiu4, 用嚟行嗰 D. 寫咗出嚟先發現原來天橋有兩個讀音同兩個原全無關係嘅解法。而「橋」原為「竅」字，原意作孔，亦作智慧，粵語中可解巧合。其相同變調有「咁啱得咁橋」。

死黨

係當你有 Jetlag 嘅時候陪你傾計傾通宵嘅人

UA vs. CX

原來 UA 嘅位都幾大吓，比起 CX 好似仲坐得舒服少少，最重要嘅係，無咗嗰浸杯麵味，只要戴咗對耳塞，就可以安安靜靜咁瞓。雖然飛機上都係瞓得唔好，但心理上好過 D.

軟硬軟硬軟軟軟硬

正如上司所講，太好人隨時會爆鑊。
軟功唔得，唔通真係要用硬功?
但如果硬到去一個 denial of service 嘅 state, 咁會點?
所有 project management 嘅理論，都係 based on
1. 人會主動做嘢
2. 就算唔會主動做嘢，都會有責任感
3. 就算無責任感，都會怕孭鑊
4. 就算唔怕孭鑊，佢會驚無咗份工
但係，如果以上皆非，人稱 OS 嘅人，又可以點 manage?

過門

究竟係過門都係客，定係過咗門係新抱?
定抑或新抱到最後都係客人?

做兄弟的二三事

噚晚剛做完兄弟，發現咗幾樣嘢:

1. 結婚真係好煩 - 接新娘、簽紙、婚宴，三項活動，咁就攪咗成日
   
2. 攝影師好 Pro - 以前認為攝影技術好加一套靚架生就可以出嚟搵食，但係原來攝影師係不斷咁諗新 slogan 俾大家嗌出嚟，等個影出嚟嘅效果更好。當中亦從旁指導兄弟姊妹們點樣 run 得 smooth D. Amazing Grace 係值得一讚，亦袋咗唔少錢落我袋。
   
3. 影 snap shot 好難 - 尤其係一對新人嘅自然笑容，一瞬即逝。同埋影埋影埋，原來自己好少入鏡，朋友結婚，好似留白咗咁...
   
4. 做兄弟姊妹好辛苦 - 尤其兄弟之首，要顧及太多事，打好多嘅電話，諗好多嘅嘢。我呢 D 只係適合走走糴糴嘅，唯有幫得幾多得幾多。

天魔降服

要下面嘅人服你，最緊要係你 show 到你嘅實力俾人佢睇，要佢心服口服，咁以後佢先可以一齊合作到。

Software Quality

點解咁多現代嘅公共系統，响運作初期都會出事? 西鐵同東涌纜車嘅訊號系統嘅問題好明顯，東鐵自動煞車系統又要調較過先可以再用。係咪要 squeeze cost 同 schedule, 令到無時間做 testing 同 QA? 又或者 outsource 咗去大陸、印度又或者 development cost 較平嘅地方?

點解會有人相信 software development 可以係一件便宜嘅事?

技術爆燈 其他零分

做咗咁多年嘢，已經無乜 technical 嘢難到我，仲有 Google 咁大個 search engine, 幾秒鐘乜都搵到出嚟，如果唔係面對面嘅話，真係唔知我係真唔識定假唔識。

但係，對人呢? 我真係無我上司咁掂，我上司以前都係做 Architect, 後尾俾老頂捉咗去做 VP, 但係佢又得喎! 我 technical 可以超越到佢，但係其他事例如 PM, marketing, presentation 等等，我真係點都追唔上。

一樣事情太專，係有代價嘅...

我真係咁後生?

大學畢業前，同學個家姐話我似 30 歲，但依家俾三唔識七 D 嘅人話我似 22 歲。唔係卦，越大越後生乎? 好可惜我唔使靠樣搵食，而係靠腦...

友共情 - 小學篇之女仔篇

因為學號係由姓名去排，咁啱排响我前面同後面嘅都係女仔，所以呢兩個女同學係特別有印象。一位叫林昭愉，一位叫吳凱怡。

林昭愉我記得係搭校車嘅，嗰陣大家做咗一件紀念品俾對方，我記得未搬屋之前都仲有 keep, 但係搬咗屋之後就唔見咗。

吳凱怡就有一個做老師嘅媽媽，仲帶一幅好厚嘅眼鏡，記得升咗中學之後，我都仲有寫聖誕咭俾佢，跟住收到佢媽媽回信，話佢已經去咗外國留學，之後無晒佢嘅消息。唔知佢依家點呢?

笑看人生

我上司同我睇過掌，話我係屬於短命嘅人，即係五十幾就會瓜老襯嗰隻，即係我已經過咗差唔多一半嘅人生。其實，人長命同短命又有無關係呢? 長命但又頑疾纏身，同短命但活得精彩，我諗我會選擇短命。就算聽日我要走 (最好唔好，我重要幫手做兄弟)，我其實已經無悔無憾。

自問唔係一個咩風頭疐，朋友身邊成日默不作聲，甚至可能開親口都會得罪佢哋。但講真，係呢班朋友我先敢得罪。默不作聲，係將自己抽離，所謂旁觀者清，見到問題就出聲提醒。只要佢哋之後開心，先開罪大家可能係無法避免。因為我唔相信有永遠嘅和諧，只有衝突，先會令大家更了解對方，友誼才會更進一步。

所以，就算我早走一步，我希望可以化為一粒星，响遠方繼續守護住呢班朋友，好感謝大家俾我成為你哋生命中嘅一部份。

閒雲野鷸

好想做閒雲野鷸，好似歐陽修咁，不問世事，得閒同朋友把酒談心，總之唔駛為任何嘢煩。不過，好似响退休前，都唔會做到。有一 D Lifestyle, 係需要用大量嘅金錢去 support.

Software Outsource 上大陸可以 Cut Cost 嗎?

三至四人嘅 China Team 做嘢，香港雖要多一個 Programmer 包底，一個 QA 做 Testing, 半個 PM 去睇實個 Project.

响香港，一個 PM 可以同時睇 4 個 Project, 即係個 PM 睇少咗兩個 Project。一人個 QA, 可以同時 handle 兩個 Project 左右。

香港一個 Project, 通常都係兩個 Programmer. 香港嘅成本係 2P + 0.5QA + 0.25PM. 但咁大陸 Team 就會有 4C + 1HKP + 1QA + 0.5PM.

理論上，四個大陸成員嘅 Productivity 要等於一個香港 Programmer 加半個 QA 加 1/4 個 PM. 仲未計响大陸 setup office, 請人 manage 嘅 overhead.

咁假設間公司依家有四個 Project:
香港嘅 cost 係 8P + 2QA + 1PM
大陸嘅 cost 係 16C + 4P + 4QA + 2PM

同時假設 P = QA = X同埋大陸可以 cut cost, 即係:
HK Cost >= CN Cost
8P + 2QA + PM >= 16C + 4P + 4QA + 2PM
4P >= 16C + 2QA + PM
4X >= 16C + 2X + PM
2X >= 16C + PM
2X - PM >= 16C

如果 1PM = 2X:
16C <= 2X - 2X
C <= 0

即係 C 無 function 過，香港 Programmer 嘅成本只係轉移咗去 QA 同 PM 度，就算大陸成員幾平，條數都係貴過响全部香港做。除非，可以做到負成本...

但係如果 1PM = 3X 呢?
16C <= 2X - 3X
16C <= -X

即係無得救，祝君好運!

就算 PM 無 Cost, 16C <= 2X. 即係請一個香港人要等於請到八個大陸人。

實在的存在

估唔到呢排產量咁多，做乜咁多嘢諗呢? 唔通人老咗，囉嗦咗? Anyway, 呢個 Blog 嘅題就係「我思，故我在。」我好慶幸我仲生存緊，坐响度打字寫 Blog.

P.S.: 我發覺我日記就真係無興趣寫，因為返工嘅日子無乜特別，講工作又唔係好有興趣，寫呢 D 隨想反而啱我。

辛勞與煩惱

有 D 工，都搵到幾多錢，好大發揮空間，但係做死人
有 D 工，一樣咁多錢，有機會發揮，但係辦公室政治煩死人
有 D 工，又係咁多錢，無乜機會發揮，但係只需要安守本份，羨慕死人

你，又會揀邊份?

關前莫擺陣

個市一跌就去跌到去短線支持位，唔好以為係趁低吸納嘅時機，所謂「關前莫擺陣」，呢 D 位一樣可升亦可跌，升可以慢慢升，但再跌落去都唔係人咁笨。

PS - Jan 12: 咁都俾我講中，今日又跌 182.97 點。唔通聽日彈一彈，下星期又跌過? 即係今個月期指係玩跌? 目標係 50 定係 250 天平均線? 今個月可以睇好戲!

友共情 - 幼稚園篇

讀幼稚園嘅時候，我係讀托兒所嘅，一早起身返學到下晝六點幾先放學嗰隻。有一個好朋友叫張浩昌，友誼唔記得點建立，但係感情都幾好吓。好記得有一次二人三足比賽，我同佢一人一步，無數甚麼一、二、一、二之類，好輕鬆咁行吓行，就一齊衝線，拎到第一名。有乜獎，唔記得，不過個過程係最印象深刻嘅。唔知佢依家點呢?

這名女子的思維

話到明想滑雪，你想要平機票但滑唔到雪，同我講一聲唔去就得，唔好叫我等到四月吖，呢個回覆係無厘頭至極... Ski is a non-negotiable term and the main objective.

root of chi square 秘解

chi - 一個近英文字母, x, 的希臘符號，讀音為 kai.
root - 開方, 數學上，開方 4 為 +/- 2.
root of chi square - 數學符號為
仆 - 《說文解字》中，廣東音為 芳遇切，讀 赴，成語「前仆後繼」:

唐孫樵《祭梓潼神君文》：“跛馬慍僕，前仆後踣。”本指前後倒僕，難以前進。後以“前仆後繼”謂前面的倒下了，後面的緊跟上來。形容連續不斷地英勇鬥爭。
(歇後語、成語搜索)

話一個人 root of chi square , 即係
= +/- x
= 正負 x
= 正負街 (取街為 x 之諧音)
= 正仆街 (將負變調為仆)

所以，上網鬧人又唔想寫得咁明，用 +-x, 聰明人自然會知乜事，起碼比 pk 來得有深度。

乙型肝炎 vs. 愛滋病

兩種疾病經同一媒體傳染、潛服期長、無得根治、一樣會引發致命併發症。唯一唔同嘅，係乙型肝炎有疫苗可以預防，如果你未打過防疫針，快手去打。

不過今日個 point 係，乙型肝炎所受嘅歧視，比起愛滋病嘅歧視係少好多。人類，就係咁唔理性。正如一位教授响我其中一科心理學嘅第一堂所講: We are all retard.

記者 vs. 禽流感

銅鑼灣有雀仔因 H5N1 病毒而死，漁護處人員著晒保護衣物做消毒，旁邊嘅記者剩係拎住部相機影相起勢咁影，其實最有可能有禽流感嘅，係咪班記者呢?

我不是風雲人物

互聯網是一種生活模式，點解一群生活在某一種生活模式的人可以成為風雲人物? 與其話呢班人改變世界，其實世界就係不斷咁改變，又唔見嗰班攪到天氣反常、擾亂生態嘅人做風雲人物?

A picture is worth a thousand words?

假如一個英文字只有 5 個字每外加一個 space, 咁一幅圖最多只可以有 6KB. 如果唔係，咪唔抵囉...

盼望天星的聖誕

上年平安夜，上過山頂去過尖咀，搭住船過海，响中環嘅天星碼頭度，影咗幾幅相，攪到個人好似好忙咁。今年，無呢支歌仔唱，政府家陣拆緊個碼頭。不過，依然有得影，會有人去請願，要求復修碼頭，作為一個天星 project 嘅終結，話唔定到時成真嘅時候，D 相會係好好嘅素材。

都係嗰句，可以唔拆，就唔好拆啦...

政府... 對不起，你今次計錯數，搵錯時間拆鐘樓。除非你封咗大會堂一帶，否則响平安夜，再唔係幾十個人，而係平安夜人潮，加上傳媒亦都要去報道市民點慶祝，要好似之前咁清場，都唔係一件易事。

蠢人

有白痴嘅 developer, 就有蠢嘅 user. 當話 user 蠢嘅時候，自己亦要諗吓自己係咪白痴嘅，例如：
- 詞不達意 (好多高人都係咁，諗嘢太高太遠，同平凡人溝通唔到...)
- 答非所問 (總有人講「問非所答」，完全唔啱 logic...)
- 一知半解 (對 user requirement 或對 technical)

蠢事

天下間最荒謬嘅事，莫過於為咗一時嘅方便，而放棄一片光明嘅前途。
但係，我會係咁嘅人...

垃圾郵件

話說有一個用咗好耐嘅 email address, 但係太多 junk mail, disable 咗。剛剛就 set 咗個 email forward 去 gmail 度，會唔會好 D? 用過先知!

以廚為喻

Software Development 同餐廳廚房煮餸有乜相同?

客人都係先睇樣，就評定個 Output 嘅好同壞。

與同胞共事

與其話管理大陸 team, 不如話大家係合作關係。

其實上海嘅同事，大部份係好有責任感，有時 D 嘢做唔切，佢哋都肯開 OT 做。當然，開 OT 一係代表太多嘢做，一係代表佢哋力有不遞。通常嘅情況係，兩樣都有囉，點解一定要話佢哋做唔到嘢呢?

做 Software, 最怕趕頭趕命，個 Schedule 做唔到，應該一早放多 D 人去做，有需要嘅時候幫吓手，唔係 send 得 email 嚟，你一早起到貨啦!

玩唔起，唔好玩

有一 D 事，自己無能力，但又好想玩，就只有兩個選擇。
一係放棄唔好玩，一係令到自己有能力。

嗰 D 想玩又無能力玩嘅，唔該唔好夾硬嚟玩，阻住個地球轉。

人生的留白

人生有很多事情，錯過了，便隨著記憶消逝。現在回頭一看，中學影過的相就只有班相，大學自從轉了校後，也沒有影相。有的，就只是最後一年所攝下的影片。回到香港後，就有三年完全地留白，直到上一年才買了數碼相機。

但是最光輝的歲月，再也不會重現了。

GCGUBI

不知何事開始欣賞妳的節目，但妳的才華，是無可置疑。
可能妳的節目勾起對故人的回憶，希望你早日康服！

近視

香港好多人都近視，其實對於一個有少少物理同生物認識嘅我，一直都有懷疑近視眼鏡嘅功用，呢幾日終於俾我搵到答案。帶凹透鏡，如然如我所想，會不斷加深近視。詳見: http://www.chinamyopia.org/media/Uwearingwrongglasses-CH6.pdf

呢一兩日嘅試驗，亦如我所想，我決定要行動喇!

國慶之「慶」，何解?

點解唔叫國誕、國家成立日之類，叫國慶?
如果國慶解為「慶祝國家成立」，咁慶祝國慶咪可以變成「慶祝慶祝國家成立」? 咪即係多餘?!